ابي فرراااااااااااات وش الزين

[غريب نجد]

سلام عليكم

ابي اركب فررات على gxr تماتيك وش اللى يصلح له

وبكم سعره

فزعتكم يالربع

[ابو عاذر]

أخوي غريب نجد تحية طيبة وبعد :-
راجع ما جاء في موضوع أخونا مهيلان عن الفرارات على الرابط التالي :
http://www.mekshat.com/vb/showthread.php?t=8291

مع تحيات اخوك ابو عاذر

[غريب نجد]

الف شكر لك
بس يصدق مالقيت نوع سيارتي هناك

انا معي gxr تماتيك وش يركب له

[ابو عاذر]

الف شكر لك
بس يصدق مالقيت نوع سيارتي هناك

انا معي gxr تماتيك وش يركب له

أخوي غريب نجد تحية طيبة وبعد :-
للتوضيح أي فرار يركب على سيارتك المهم أنه مخصص لجيوب التويوتا الصالون ولا فرق بين السيارة تماتيك او قير عادي ولكن يفرق في حالة واحدة أذا كانت سيارتك نظامها دفع رباعي مستمر( الدفرنس الامامي والخلفي شغال على طول ) أو مؤقت ( الدفرنس الخلفي والامامي شغال حتى تصل للسرعة 80 كلم يفصل الدفرنس الامامي ) وهذا النظامين لا يمكن معهما أستخدام الفرارات ولا تجد فائدة من استخدام الفرار ،،،،،،،،،،،،،،،،،،،،، بعكس نظام دفع رباعي عادي ( مفصول ) الدبل أنت الذي تشبكه سوى بعصا الدبل الاوضاع ( 4H / 4L ) أو بدفع الزر ( 4H ) فهذه ينفع معها الفرار وتجد الفائدة من استخدامه .

مع تحيات اخوك ابو عاذر

[هاوي الله]

أخوي غريب نجد تحية طيبة وبعد :-
للتوضيح أي فرار يركب على سيارتك المهم أنه مخصص لجيوب التويوتا الصالون ولا فرق بين السيارة تماتيك او قير عادي ولكن يفرق في حالة واحدة أذا كانت سيارتك نظامها دفع رباعي مستمر( الدفرنس الامامي والخلفي شغال على طول ) أو مؤقت ( الدفرنس الخلفي والامامي شغال حتى تصل للسرعة 80 كلم يفصل الدفرنس الامامي ) وهذا النظامين لا يمكن معهما أستخدام الفرارات ولا تجد فائدة من استخدام الفرار ،،،،،،،،،،،،،،،،،،،،، بعكس نظام دفع رباعي عادي ( مفصول ) الدبل أنت الذي تشبكه سوى بعصا الدبل الاوضاع ( 4H / 4L ) أو بدفع الزر ( 4H ) فهذه ينفع معها الفرار وتجد الفائدة من استخدامه .

مع تحيات اخوك ابو عاذر

كلام صحيح 100%

والــ GXR اللي عندك ياغريب نجد أوتوماتيك يعني أكيد بيصير دفع رباعي مستمر . فلا تتعب نفسك بالبحث أو التفكير في الفرارات لأنها ماتصلح أو ماتركب .

[غريب نجد]

الله يعطيكم الف عافيه اخواني
بس عندي صوت حنه يفقع الراس عند سرعة 120 وطالع
صار الصوت من العامود الأمامي جربت مره وفصلت العامود ومشيت بالموتر 120 وماطلع الصوت
قالي راعي الورشة مالك الا تغير العامود او تركب فررات طبعا العامود سعره بالوكالة 1500 رياااال
ونصحن راعي الورشة اركب فررات يفصلن العامود وتروح الحنة وش اريكم
والله محتاااار الصوت مزعج وقوي

[هاوي الله]

جرب وشحم العمود يمكن ينفع الشحم

[غريب نجد]

شحمت وما نفع اختفى الصوت يمكن شهر بس ورجع طلع مرة ثانية

[ابو عاذر]

شحمت وما نفع اختفى الصوت يمكن شهر بس ورجع طلع مرة ثانية

أخوي غريب نجد العامود بحاجة للترصيص ،،،،،، رصص العامود وأن شاء الله بتروح الحنة وأن كنت بتسأل عن أفضل ورشة متخصصة في ذلك برشحلك مركز وميزان اليرموك بالصناعية القديمة بالرياض الورشة متخصصة في ( ترصيص أعمدة الكردان وكذلك خرطها وتعديلها / أصلاح الجنوط والعكوس/ ترصيص الكفرات ووزن الاذرعة ،،،،،، وغيرها الكثير )


مع تحيات اخوك ابو عاذر

[هاوي الله]

شحمت وما نفع اختفى الصوت يمكن شهر بس ورجع طلع مرة ثانية

يعني السبب تقريبا له علاقه بالشحم ! طيب ياخوي شحمه كل شهر .

[غريب نجد]

الف شكر اخواني
وبالنسبة للتشحيم كل شهر ما اعتقد اقدر ؟؟

[غريب نجد]

كلام صحيح 100%

والــ Gxr اللي عندك ياغريب نجد أوتوماتيك يعني أكيد بيصير دفع رباعي مستمر . فلا تتعب نفسك بالبحث أو التفكير في الفرارات لأنها ماتصلح أو ماتركب .

اخي العزيز
سألت راعي الورشة عن كلامك وقال لي صحيح بس على الثمان سلندر
بس موتري انا سته سلندر يعني يركب عليه

[هاوي الله]

هلا ومرحبا

وش موديل موترك ؟

دبل زر صح ؟

إذا مرسوم على زر الدبل دفرنشات وبينهم حرف X = دفع رباعي مستمر

ماعليك من راعي الورشه ترى أغلبهم ماعندهم سااااالفه وانا اخوك

[غريب نجد]

موتري يالغالي gxr 2001 وتماتيك والزر مرسوم عليهن كفرات فوق وتحت وبينهم مثل ما قلت الظاهر وانا موب متأكد منها الشكل
وراعي الورشة واحد من الربع يعني زكرت -*- بس والله محتار يالرجااال وش السواات

[هاوي الله]

إذا الزر مرسوم عليه X = مايركب الفرار

وإذا الزر مرسوم عليه دفرنشات فقط يعني بدون حرف X = يركب عليه الفرار

ملاحظه :

أنا سمعت كذا مره إن الــ Gxr و Vxr اللي دفع رباعي مستمر يفصلون حاجه فيها أو يغيرون شي تقريباً في القير وتصير دفع خلفي فقط . و عشان كذا ممكن ممكن يركب الفرار أتوقع ولا هوب أكيد .