مكينة باترول ديزل 95

[وجعين]

السلام عليكم
عندي باترول ديزل مايمشي يالله يجيب 120 وزدت على طرنبه الديزل وتحسنت سرعته الى 160 مشيت عليه حول 90 كيلو لما وصلت لقيته ناقص 3 علب زيت وفتحت غطاء المحرك حق الزيت طار وصار يزوع زيت وش القصة هل هو بستم عطلان المهم السياره مافيها اي صوت عمود ولا سبيكه ورحت عليها مشاوير بعيده ومافيها حراره اللهم نقص زيت شديد هل تحتاج عمليه جراحيه معقده ام عمليه بسيطه ولكم جزيل الشكر

[وجعين]

ولا واحد يفهم بالتوضيب ولا واحد قد فك مكينة ديزل وضبه وين اهل التوضيب والفك والربط

[سموو الروح]

ديزل الله يعينك
والله مافهم بالديزل شي ابدا
الا انه يرفع الظغط
يفيدونك الاخوان ان شاء الله

[وجعين]

اهل الديزل
افزعوا

[ابوعبدالله172]

اخي الغالي حسب وصفك للحاله موترك يحتاج الى توضيب ولضمان التوضيب يلزم تغيير البستم والقميص مع الشنبرويوجد انواع صينيه الصنع وسعرها معقول وممتازه ارجو ان اكون افدتك

[وجعين]

مشاء الله عليك اليوم مريت المكنيكي ولقيته فاك المكينه نفس كلامك تغيير بستم واحد مع الشنبر والقميص وقالي نغير سبائك متحركة وش رايك أغيره و ابسألك وش الخراب الي يصير بالبستم ويلزم تغييره يعني هو يبطل مايشتغل ولا وش الخراب جزاك الله خير

[ابوعبدالله172]

يلزم تغييرالسبايك المتحركه شريطة ان تكون من النوع الاصلي وكاله وبالنسبه لتغيير البستم والقميص فالديزل محركه حساس للغايه يعني ضبطه صعب بدون هذه الاشياء

[وجعين]

للفائدة ///
تم فك المكينة وتبين وجود بستم فيه فضاوه ووجد جزاء من الشنبر منكسر وهذا الي يخلي الموتر يبلع زيت الي ريحني انه مايحتاج يخرط السلندر نظامه يختلف عن البنزين يوجد قمصان داخل السلندر يغير فقط القمصان هذي عباره عن سلندر جديد يدخل داخل السلندر مع قيمته 650 مع تغيير شنبر وكاله غالي 530 وسبايك ياباني ب120 والأصلي ب200 ريال راحت علي وتبين وجود نسبه ماء بسيط يعني الرأس لازم يخرط العمود باقي المكينه سليم . وش بقى

[وجعين]

مع الشكر والتقدير لابو عبدالله ابو عبدالله شكلك تخصص ديزل

[ابوعبدالله172]

التخصص بنزين وكهرباء وديزل وقيور دفرنسات ماعدى الاجهزه الاكترونيه معلوماتي تعتبر جيده وليست ممتازه
اطرح سؤالك يالغالي بوضوح

[وجعين]

توي اعرف القمصان بعد ماغيرتهن هذا احسن شي بالديزل بدل ماتخرط سلندر نفس فتحات السلندر تشتريهن وتقلع الاولات وتركب الجدد ماكانهن