حل طقطقة صبابات يوكن تاهو جمس سوبربان شفرليت

[شرابث]

السلام عليكم ورحمة الله
المشكلة : صوت صباب بعد تشغيل السيارة وهي باردة وبعد ما تتحرك وتسخن بحوالي 20 دقيقة يختفي الصوت ( صوت تكتكة من جنب المكينة ) .. بعد البحث وعرض السيارة على عدة مهندسين اتضح الآتي ...

@ الصوت لأحد الصبابات بسبب قلة وصول الزيت إليه .. رغم أن أمبير الزيت يكون على النص أو أقل من النصف بشرطة

الحل الأمثل :
أولا .. تغيير الزيت إلى نوع 10-30

ان لم تحل المشكلة ..
ثانيا .. بادر بتغيير طرنبة الزيت ووضع طرنبة معدلة تضخ الزيت بشكل أقوى .. في الغالب تحل المشكلة ويختفي الصوت ويكون مؤشر ضغط الزيت أعلى من النصف بشرطتين كما في الصورة



ثالثا .. إن لم تحل المشكلة لا سمح الله .. لابد من فك رأس المكينة وفحص الصبابات وتغييرها وهذه العملية مكلفة قد يصل مبلغ الصيانة وقطع الغيار إلى أكثر من 5000 ريال

أتمنى أني أكون قد نشرت ما يستفاد منه ..

[ابو نواف المطرفي]

حسب ظني ماعندك مشكلة خاصة وان ضغط طرمبة الزين ممتاز جدا فوق النص ... ماشاء الله تبارك الله

[شرابث]

أبو نواف فضلا أعد قراءة الموضوع بتمعن .. الله يحفظك

[كم كيلو باقي]

الله يعطيك العافية على الجهد المبارك ..
سؤال الله يحفظك
هل فيه ضرر لو خليتها تطقطق لين يطيح اللي براسها D;

[الحربي 591]

الله يعطيك العافية على الجهد المبارك ..
سؤال الله يحفظك
هل فيه ضرر لو خليتها تطقطق لين يطيح اللي براسها D;

ايه نعم فيه ضرر لكن اذا استمرت اكثر من سنه رااح تتكسر التكايات
وتفتفه شديده وعزم يطيح راح تكره السياره وراح تطيح براسك انت

وصارت لي والحمد لله رجعتها وكاله بعد فك الراس وتغيير التكايات وجلد البلوف وتنظيف كارتير الزيت وتنظيفها وكلفت فوق5الاف بعد


وجزاك الله خير على الموضوع لا تحرمنا من جديدك
وعندي اضافه..
الزيت ماهو شرط يكون 30.10
المهم يكون نفس اللي مسجل في الغطاء او الكاتلوج

[1824]

يفضل زيت بمعيار Dexsos 1 وفي السعودية لا يوجد الا اثنان اسي ديلكو 5w30 وليس تخليقي بالكامل

او بترومين A1 5w30 تخليقي بالكامل ونفس السعر اذا اشتريتهم بالكرتون تطلع العلبة حوالي 22 ريال وبترومين يمشيك 10 الاف بالراحة وحماية للمحرك اكثر بكثير من غيره بالتوفيق لكم

[dhoomi]

الحل فعلا تغيير الزيت ...
وهالشي ينطبق على اي سياره للعلم... وقد حصلت معي بغير المواتر المذكوره

[سبشل كم]

اخوي اول شي فِيَه حساس لزيت غيره واذا مضبط طرنبت الزيت ولا تتاخر بتغيرها شفني كلف علي 9000 ريال

[fahada100]

السلام عليكم
اخي بارك الله فيك على الموضوع
انا عندي طقطقه عند التشغيل(في الصباح) واذا وقفت دقيقتين يطلع صوت الطقطقه واذا دعست بنزين راح الصوت غيرت الطرمبه الزيت وراح الصوت طبعا قبل 7شهور.
((الزبده))
المشكله : طلع صوت طقطقه قبل اسبوع والصوت مستمر ويزيد مع الدعسه مريت الوكاله قالوا توضيب نص مكينه بتكلفه 12000 ومريت الورش اللي يقول طرمبه زيت واللي يقول تكايات اوصبابات واخر ورشه يقول تكايات وبتكلفك قطع الغيار 2000 واذا عامود (ناسي اسمه)بتزيد 1400 وشغل يده 1000
وش رايكم...احترت

[المميـز]

السلام عليكم
اخي بارك الله فيك على الموضوع
انا عندي طقطقه عند التشغيل(في الصباح) واذا وقفت دقيقتين يطلع صوت الطقطقه واذا دعست بنزين راح الصوت غيرت الطرمبه الزيت وراح الصوت طبعا قبل 7شهور.
((الزبده))
المشكله : طلع صوت طقطقه قبل اسبوع والصوت مستمر ويزيد مع الدعسه مريت الوكاله قالوا توضيب نص مكينه بتكلفه 12000 ومريت الورش اللي يقول طرمبه زيت واللي يقول تكايات اوصبابات واخر ورشه يقول تكايات وبتكلفك قطع الغيار 2000 واذا عامود (ناسي اسمه)بتزيد 1400 وشغل يده 1000
وش رايكم...احترت

طرنبة الزيت لها ربله تركب من جهة اللي
اذا خربت هذي الربله يرجع لك الصوت الطقطقه
طبعا هذ من تجربه حصلت مع ناس اعرفهم
واحد شك بصوت الطقطقه وراح ورشه وقاله لازم اغير لك طرنبة الزيت
توكل على الله وغيرها وراح الصوت وكلفته مبلغ وقدره
الثاني راح نفس الورشه وقاله نفس الكلام
لكن صاحب الموتر الثاني قرأ موضوع بالنت عن سالفة الربله
قاله غير الربله بس وعلى مسؤوليتي وفعلا راح الصوت ميه بالميه
لذلك لاتستعجل وتسمع كلام الورش
ابدأ بالارخص وعلمنا وش يصير معك

[ابو عزام الشمالي]

طرنبة الزيت لها ربله تركب من جهة اللي
اذا خربت هذي الربله يرجع لك الصوت الطقطقه
طبعا هذ من تجربه حصلت مع ناس اعرفهم
واحد شك بصوت الطقطقه وراح ورشه وقاله لازم اغير لك طرنبة الزيت
توكل على اللع وغيرها وراح الصوت وكلفته مبلغ وقدره
الثاني راح نفس الورشه وقاله نفس الكلام
لكن صاحب الموتر الثاني قرأ موضوع بالنت عن سالفة الربله
قاله غير الربله بس وعلى مسؤوليتي وفعلا راح الصوت ميه بالميه
لذلك لاتستعجل وتسمع كلام الورش
ابدأ بالارخص وعلمنا وش يصير معك

نعم أحسنت هذا ما حصلي لي بالضبط كم من ورشة قال طرمبة واللي قال تكايات

واخر شي صفة على الربلة حقت طرمبة الزيت ولله الحمد

[كاشت في الحوش]

نعم أحسنت هذا ما حصلي لي بالضبط كم من ورشة قال طرمبة واللي قال تكايات

واخر شي صفة على الربلة حقت طرمبة الزيت ولله الحمد

هذا الكلام الصحيح ونفس اللي صار لي
واللي يطلع له الصوت يتواصل معي على الرسائل وارسله لورشة في الرياض وبيدعي لي
لا توضب
لا تغير طرنبة

[fahada100]

هذا الكلام الصحيح ونفس اللي صار لي
واللي يطلع له الصوت يتواصل معي على الرسائل وارسله لورشة في الرياض وبيدعي لي
لا توضب
لا تغير طرنبة

هلابك ما اقدر ارسل رساله خاصه ياليت ترسل رقمك الله يوفقك

[المميـز]

هذا الكلام الصحيح ونفس اللي صار لي
واللي يطلع له الصوت يتواصل معي على الرسائل وارسله لورشة في الرياض وبيدعي لي
لا توضب
لا تغير طرنبة

اكتب اسم الورشه هنا لتعم الفائده ان شاء الله والله يكتب لك الاجر

[ahmed 1]

صدق المشرف
صحيح ماني في الرياض الا لتعم الفائدة للجميع