مشروع تعديل سزوكي ساموراي،، استشارة ... تجاربكم،،،

[خيال وبروق]

السلام عليكم ورحمة الله وبركاته

عندي سزوكي موديل 88
ناوي بأذن الله اعدل عليه من الخارج والداخل والمحركات
لاكن عزم المحرك محبط ضعيف مره
وافكر اغير مكينته الى مكينه اكبر واقوا
بعد البحث في المواقع اتضح لي

مكينة الكوريلا تركب لاكن لم اجد تفاصيل.
مكينة المكسيما مع قير التيما تركب لاكن لم اجد تفاصيل.

مكينة سدرك وقير 200L مع داير قير السدرك يركب
تمام والدبل شغال
والمعلومة هذي موثقة من شخص ساكن في الدمام اشتغل على مشروعه بنفسة ماشاء الله علية
وهذا رابط موضوعه موضح فيها كل شيئ
http://www.assayyarat.com/forums/t162575.html
وهذي النتيجة ماشاء الله


من لدية معلومة او تجربة يفيدنا
والورش الي في الرياض الي سبق لها تركيب المكاين على السزك
دلونا بارك الله فيكم

[خيال وبروق]

افا فوق 100مشاهده
ولا رد

[محب الجهاد]

استشر اصحاب الترهيم فلديهم الجواب الكافي
او من عدل ورهم هذه السيارة المحبوبة الوذفة

[خالد تميم]

والله واناخوك اشوف الشباب بااﻷمارات يركبون مكينة سزوكي فان 1800سيسي .
مع كمبيوترها وتركب علي نفس الكراسي والقير حسب كلامهم ويقولون انها نشيطه وافضل من الكورلا .
وانت اسال وتاكد وربي يوفقك .

[مسير عليكم]

اخوي فكرتك حلوه بس عندك مشكله المساحه صغيره للمكينه والاديتر ماتقدر تكبره المكسيما و٢٠٠ال تبي رديتر كبير عندك الكورلا اذا ماتحتاج تكبر رديتر اشتغل عليها

[خيال وبروق]

مشكورين على النصائح
تظار الشباب المجربين

[الصيادالمليح]

لو ترهم جيب تويوتا ابو شنب افضل من السوزوكي لان قطع الغيار متوفر

اما السوزوكي تعديله مكلف لان اغلب قطعها تشتريها من الخارج

[خيال وبروق]

لو ترهم جيب تويوتا ابو شنب افضل من السوزوكي لان قطع الغيار متوفر

اما السوزوكي تعديله مكلف لان اغلب قطعها تشتريها من الخارج

انا راح اركب مكينة سدرك وقير 200l
ماراح احتاج قطع غيار الا لنظام التعليق وتوضيب لدبل
واشياء خفافيه لشكل الخارجي و راح اطلبه من مواقع امريكيه

بس هل فيه ورش في الرياض تشتغل شغل مضبوط على ترهيم المكينة

[خيال وبروق]

هل من مجيب

[بو حجل]

ماشاءالله تبارك الله أهنيك على عزيمتك واصرارك للكن عندي لك نصيحة

ابحث عن المكينة اللي توركها يناسب القير والدفرنس قبل لاتبداء فى مشروعك وتخسرك المكينة قير أو دفررررنس

هذه من ملاحضاتي على اصحاب الترررهيم خصوصا مكائن الامريكي دائما فى خسارهـ

أذا مكينة السدرك تركب اتوقع وهو مجرد توقع ان مكينة الباث فاندر تررركب

[خيال وبروق]

بعد البحث الخيرات المضمونه لتغير مكينة الوكاله حتى الان خياران
1-مكينة سدرك مع قير 200ال وهي تركب ومتأكد لاكن بنتظار تجاوب الاخوان عن الورش الخبيره في تركيب المكينه ،،وتجارب الاخوان
وهل راح اواجه مشاكل وخرابات مستمره بعد التركيب.
الي يميز هذا الخيار السعر المعقول حيث لا تتجاوز 3000ريال مكينة وقير،،،

2-مكينة سزوكي فيتارا 1.6 تركب على الساموراي بدون مشاكل لاكن لازم وصله
تركب بين القير والمكينة وهذي الوصله موجوده في المواقع الامريكيه
هذي

مريت تشليح الحاير عند تشليح متخصص في السزوكيات لقيت المكينه 1.6 بخاخ
بسعر5000 سعر مبالغ فيه بقوه
باقي امر صناعية الرياض اذا لقيتها رخيصه ان شاء الله راح اركبها

عزم مكينة 1.6 على ساموراي

[خيال وبروق]

للرفع،،،،،،،،

[no fear 78]

السلام عليكم يا خوي
والله الشباب ركبو من قبل مكينة 180 B نيسان
ومكينة RB مع التيربو
و في الميكانيكا ما في شي ما يركب
و بتوفيق

[قناص الوعول]

اذا نويت ترهم مكينه رح للامارات اسمع ان هناك ارخص من الي هنا والموتر اذا عرضته للبيع مراح يجيب لك قيمت التكاليف وهاذي وجهت نضر و انضر ما تراه مناسبا

[خيال وبروق]

جزاكم الله خير على الاضافه.

لالا ماتاصل اسافر عشان ارهم
ترهيمي هدفي منه سياره خفيفه ومتعة القياده في الطرق الوعره ومقانيص الديره
يعني مكينة100حصان شرط دون حنه وازعاج وخرابات مستمره...
والحمدلله استقريت على مكينة الفيتارا1.6لتر وحصلت كثير واسعار في المتناول
لاكن للأسف كل الي لقيته بخاخات وتركيب البخاخات لازم الضفيره والكميوتر وحوسة اسلاك وتركيب مكلف ...

ما ادري هل اقدر احوله الى كالبليتر؟؟؟