وكيل بطارية ac delco بالقصيم

[برق الحيا900]

سلام عليكم يالربع بعد اذنكم ابي مكان وكي لبطارية ac delco في بريدة ولا عنيزة كانه موجود اقرب لي

[الخيال699]

سلام عليكم يالربع بعد اذنكم ابي مكان وكي لبطارية ac delco في بريدة ولا عنيزة كانه موجود اقرب لي

عليكم السلام ورحمة الله وبركاته
بالنسبة لعنيزة وحسب علمي وعلى كثر ما ندور بهالشوارع ما مر علينا وكيل لهالنوع من البطاريات لكنها متوفرة وبكثرة في اغلب المحلات بطريق الزلفي ويعطون ضمان الوكيل اللي ما ندري وينه

[ابوتركي666]

عليكم السلام وحمة الله وبركاته
اخوي حسب علمي الوكيل اوتوستار الى بأول بريدة وانت جاي من الشمال طريق حائل

[برق الحيا900]

والله قهر مافيه حماية اذا جيت تشري قال ضمان الوكيل واذا خربت صرفوك راجع الوكيل طيب وين الوكيل

[م.سعيد]

بالنسبة لبطاريات اي سي ديلكو, قبل تشتري بطارية جديدة من اي محل روح لاوتو ستار وعطهم الرقم اللي على البطارية ومن خلاله يعطونك تاريخ الانتاج حتى تضمن انك تشتري منتج جديد..

[ابوسند9]

وعليكم السلام
افضل طريقه وخلك ذيب
وهذه الطريقه اكثر الزملاء مطبقها
اذا جيت المحل بتركب بطاريه اشرط عليه ان يكتب با الفاتوره ضمان محل اي ضمانك انت يا صاحب المحل, ومالي شغل بالوكيل
واذا خربت البطاريه تعال لنفس المحل ولا يدري انك مشتري من عنده , وقوله اكشف على البطاريه , طبعا هو راح يكشف عليها ويقولك البطاريه عطلانه , قوله اوكي وانت اجلس كاسر با السعر , وبعد ما يركب البطاريه ,,, صك الفاتوره بجبهته ولا راح يتكلم
طبعا ها الطريقه صارت لي بسيارة الوالد قال بكلم الشرطه قلت كلم الشرطة , وبعد ما جت الدرويه , شاف الدرويه الفاتوره وقال انت لازم تنسجن اشغلتنا وانت اللي ضامن البطاريه سنه كامله والفاتوره واضحه
قال اجل عطني قيمة التركيب قالت ولا ريال
اما اذا بتشوف الوكيل والله يعينك على سوء استخدام وتجلس سنه تنتظر

[مجالس الرجال]

فعلا صدق ابو سند اذا جيت للمحل اللي شريت منه البطارية لا تطري انك شاريه منه لأنه بيمخمخ عليك ويقولك الدينمو فيه وفيه والا السير تعبان وعلى طول يقولك غير بطارية ثم على ماقال دبس الفاتورة بجبهته

[برق الحيا900]

والله كلامكم صحيح بس الى الان ماعرفت كيل البطارية الى الان

[الدبا]

وعليكم السلام
افضل طريقه وخلك ذيب
وهذه الطريقه اكثر الزملاء مطبقها
اذا جيت المحل بتركب بطاريه اشرط عليه ان يكتب با الفاتوره ضمان محل اي ضمانك انت يا صاحب المحل, ومالي شغل بالوكيل
واذا خربت البطاريه تعال لنفس المحل ولا يدري انك مشتري من عنده , وقوله اكشف على البطاريه , طبعا هو راح يكشف عليها ويقولك البطاريه عطلانه , قوله اوكي وانت اجلس كاسر با السعر , وبعد ما يركب البطاريه ,,, صك الفاتوره بجبهته ولا راح يتكلم
طبعا ها الطريقه صارت لي بسيارة الوالد قال بكلم الشرطه قلت كلم الشرطة , وبعد ما جت الدرويه , شاف الدرويه الفاتوره وقال انت لازم تنسجن اشغلتنا وانت اللي ضامن البطاريه سنه كامله والفاتوره واضحه
قال اجل عطني قيمة التركيب قالت ولا ريال
اما اذا بتشوف الوكيل والله يعينك على سوء استخدام وتجلس سنه تنتظر

هههههههههههههههههههههههههاي

[السامر2]

وكيل البطاريةهوالجميح وانا تعطلت البطارية عندي اخذت الفاتورة ورقم البطارية والبطارية واكشفوعليها وبدلوهالي بجديدة

[ابوغلاالقصيمي]

زي ماقال الاخ ابوتركي

اوتوستار اللي بمدخل بريده الشمالي طريق الملك عبدالعزيز

[abomohannad]

إذا معك الفاتورة والضمان ساري المفعول ارجع للمحل الي شريت منه
الحين وزارة التجارة قوية والتجار يخافون منه ..

زمان اللعب انتهى بفضل الله ثم وجود اللحية الغانمة وزير التجارة