تخبيط محركات السيارات الحديثه ( الاسباب والحلول )

[التعـ King ـديل]

السلام عليكم ورحمة الله وبركاته

كنت اتجول في احد المواقع ولفت نظري هذا الكلام وحبيت انقله لكم للفائده وابداء الرأي

يتسائل الجميع عن اسباب تخبيط السيارات الحديثه بكثرة في الاونه الاخيره مع ان محركاتها ممتازة وقوية وسااقوم بتفنيدها لعل الله ينفع بها

1-سوائل التبريد بحيث الكثير يضع اما ماء عادي او محلول تنظيف الي موجود لدى المشحمه وهو لايصلح للمبرد والافضل استخدام زيوت التبريد الاصليه ويوجد ايضآ مبرد الماني قيمته قرابة 35 ريال قد ينفع مع بعض السيارات

2-الزيوت الموجودة لدى المشاحم يوجد نسبه كبيره منها مغشوش لذلك يفضل التغيير لدى الشركات المعروفه مثل بترومين وشل وقلف وموبيل او اخذ الزيوت من الموزعين المعروفين وتغييره عند البناشر فلا تثق بزيوت البناشر وكذلك السيفون خذه من الوكيل او موزع معتمد

3-نوع الزيوت تفرق بين سيارة لسيارة منها 20/30ومنا 10/20وهكذا انواع فيفضل التاكد من الكتالوج النوع المناسب والمتاسب للااجواء

4-زيوت القير مع الاسف الكثير يبحث عن زيوت رخيصه للقير وخاصة اصحاب النيسان فيضع زيت BMW لانه سمع انه مناسب ولا يعلم انه يوجد عدة انواع لهذا الزيت فيفضل استخدام الزيت الاصلي من الوكاله مع مراعاة كم يمشي الزيت من كيلو متها 40 الف منها 60 وهكذا

ارجو ان اكون قد افدت الجميع ولا تنسوننا من الدعاء واسال الله لي ولكم التوفيق..

[مطر وربيع]

لان اكثرها مكاين المنيوم والقديمة حديد والحديد اكثر تحمل من الالمنيوم
يعني لو انقطع خرطوش وضربت الحرارة او خربت طرمبة الزيت الالمنيوم على طول تتكسر حتى السلندر والبلوك ينكسر لكن الحديد يضرب سبايك او بستم لكن البلوك سليم وتقدر توضب بتغيير القطعه التالفة فقط
يعني يبغالك اهتمام بالخراب والحرارة اكثر من اول
الشيء الثاني فلتر الزيت (السيفون) مهم جدا جدا تغيره اول باول حتى ينضف الزيت من الشوائب الي تخرب طرمبة الزيت
وتتلف المكينة لا تستكثر 20 ريال او 25 ريال فيه وتخليه مع الغيار الثاني للزيت
واخيرا اهمال معايرة الزيت صحيح الزيوت في المكاين الجديدة تمشي كثير حول ال10 الاف او اكثر لكن المكاين الجديدة مصممه انها تبخر شوي من الزيت (تنقص )
وينقص الزيت الى الحد الي مايزيت بالشكل المطلوب ومع الوقت تضرب المكينة والحل اما انك تعاير الزيت كل فترة
او انك تمشي على النظام القديم تغير الزيت كل 3000 الاف او 5000 الاف

[ريان2002]

بإختصار شديد
التخبيط سببه عدم الإهتمام بالسياره بدون ذكر تفاصيل والحلول الصيانه الدوريه والتشييك المستمر ومراعاة الإلتزام بالكتالوج في صنف الزيوت المستخدمه
حتى السيارات القديمه مع الإهمال تخبط وأنا أعرف رجل أشترى كرسيدا GLX جديده في سنتها عام ٩١ وبعد سنه خبطت عليه
والسبب سوء إستخدام وإهمال من راعيها

[SAS2]

جزاك الله خير على هالتنبيه وصدقت اهم شي ابعد عن زيت بترومين خبط بمكينة برادو ٢٠١١ يقول راعيه كنه غرا

والزيت الي استخدمه خوينا ابو عشره الالاف كيلو

[ريان2002]

جزاك الله خير على هالتنبيه وصدقت اهم شي ابعد عن زيت بترومين خبط بمكينة برادو 2011 يقول راعيه كنه غرا

والزيت الي استخدمه خوينا ابو عشره الالاف كيلو

إنت متأكد إن الزيت هو سبب الرئيسي في تخبيط المكينه ؟
لأن الزيت حسب وصفك هو بترومين A1 وهو بشهادة خبراء في المنتدى وعلى رأسهم أصيل حجازي أنه من أجود الزيوت وحاصل على شهادات في الجوده

[مطر وربيع]

جزاك الله خير على هالتنبيه وصدقت اهم شي ابعد عن زيت بترومين خبط بمكينة برادو ٢٠١١ يقول راعيه كنه غرا

والزيت الي استخدمه خوينا ابو عشره الالاف كيلو

برادو 6 سلندر ؟؟
اذا سته الظاهر من مسامير الثلاجة

ازيد على الموضوع من اسباب التخبيط دلاخة المصنعين في موضوع مسامير الثلاجة الي تطيح وتخبط المكينة في مكاين 6 سلندر تايوتا اكثر شيء في الربع والشاص لان الدفرنس حاكر شوى والمكينة تحن اكثر من البرادو والافجي والفورتشنر ومحرك الفتك نيسان

[SAS2]

إنت متأكد إن الزيت هو سبب الرئيسي في تخبيط المكينه ؟
لأن الزيت حسب وصفك هو بترومين A1 وهو بشهادة خبراء في المنتدى وعلى رأسهم أصيل حجازي أنه من أجود الزيوت وحاصل على شهادات في الجوده

اي نعم اخوي الموتر لخويي بالدوام رجال عاقل ومحافظ على الموتر ويوم فكوا المكينة لقى الزيت مثل الغرا ما يتحرك قلت له وش اسم الزيت قال ما اعرف الى انه بترومين ابو عشره الالاف

والرجال ركب مكينه اف جي الحين لان مكينه البرادو غاليه حول الاربعين وكاله

[SAS2]

برادو 6 سلندر ؟؟
اذا سته الظاهر من مسامير الثلاجة

ازيد على الموضوع من اسباب التخبيط دلاخة المصنعين في موضوع مسامير الثلاجة الي تطيح وتخبط المكينة في مكاين 6 سلندر تايوتا اكثر شيء في الربع والشاص لان الدفرنس حاكر شوى والمكينة تحن اكثر من البرادو والافجي والفورتشنر ومحرك الفتك نيسان

لا يالغالي لا مسامير ثلاجة ولا عيب من المصنع السبب زيت بترومين فقط