فضاوة بعلبة الدركسونGXR2002

[كاسترول]

السلام عليكم ورحمة الله وبركاته
اخواني طلع عندي صوت قربعة اسمعها بالدركسون مع البطانيج واول ماتطلع السيارة عالمطب شيكت عالمقصات والاذرعة وعمود وجلد التوازن وسليمة مريت اكثر من مهندس ويقولوا مافي شي اخيرا مريت واحد قديم ومشهود له بالخبرة نزل وشيك يمين يسار وقال هذي فضاوة بعلبة الدركسون وقال بعدل بوزنيتها وبيثقل الدركسون شوي وجرب وارجع لي وفعلا سواها واختفي الصوت لمدة 24ساعة ورجع من جديد.
أبي مشورتكم وخبرتكم ووش الحل ابي اخذ فكرة قبل ارجع له علما أن سيارتي لاند كروزر 2002 GXR.
وسلامتكم جميعا

[ابوراكان تبوك]

ارجع له دامه ضبطها اول مره

اللي فهمته الفضاوة من الدوده

الاغلب يعجز عنها ويقول لك غير وقيمتها ششششششويه شفني كثرت لك حرف الشين لكن فيه ناس سبحان الله يسقطو ع خرابها ويتوفقو بإصلاحها

حدد منطقتك والشباب يفيدوك بالورش اللي تصلحها
لكـــــــــن
يوم قريت انك كاتب قربعه مع المطاب راح بالي مباشرة للأذرعه الداخلية اذا خربت تسمه صوتها مع المطب كأنه مطرقه ثقيله تضرب في الشاص من تحت انا محدثك خربت عندي وشهر كامل وانا اتردد ع الورش اللي يقول صدام واللي يقول تربيط وفكيت انا الواجهه كامله بنفسي وركبتها كل الموتر مشدود الا القربعه وظهرت عندي مثل ماذكرت لك ( أذرعة السحب الداخلية الامامية فقط ) وكلفتني مع التركيب 1100ريال
فيه الصليب اللي بعمود الدركسون ايضا يسبب قربعه
لكن انت عرضتها ع ميكانيكي شاف الموتر بعينه واكيد خبرته اكثر منا بس انا حبيت اعلق سالفة الاذرعه الداخلية وصليب عمود الدركسون هل هو متأكد انه مافيها مشاكل ؟؟

[كاسترول]

بيض الله وجهك كفيت ووفيت أنا شاك في الأذرعة لكن المهندس يقول سليمة والصوت عندي خفيف تحس ان فيه شي مو ماسك زين. وصليب الدركسون شيك عليه كمان يقول لاتخلي احد يفكه مافيه شي بكرا ارجع له بإذن الله واوافيك بالنتيجة

[كاسترول]

السلام عليكم ورحمة الله وبركاته
تحية طيبة للجميع وأخص ابو راكان بالشكر والتقدير بفضل الله
تم حل مشكلة السيارة وكان السبب جلب الدركسون لمن لا يعرفها
هي عبارة عن جلدتين بداخلها حديد تمسك علبة الدركسون من الأمام ومن الخلف
ونظرا لأن الوكالة لاتبيعها إلا كاملة مع العلبة قمت بتركيب جلبتين نحاس في المخرطة وضبطت الأمور ولله الحمد.

[ابوراكان تبوك]

وعليكم السلام ورحمة الله

الحمد لله انتهاء المشكله وفعلا جلب النحاس تفي بالغرض وافضل من حقات الوكاله


مووووفق اخي كاسترول