اللي مجرب الشاص القديم والجديد يساعدني

[عاشق HW 80]

السلام عليكم ورحمة الله وبركاته
قررت اشتري شاص رفرف انا مني حق حلال
انا بر وكشته بس عندي سؤال
ايش الشاص الجديد ولا القديم فقط في انخفاض الصوت والعزم
وبس مع ذكر السبب]

[مطر وربيع]

بر وكشتة انصحك بشاص النيسان ثلاجة ودفلوك ويايات مريح للظهر وعزم قوي في الرملة والطلعات وسعره مناسب

[عاشق HW 80]

شباب ٦٣ مشاهد ولا احد يعرف للشاص مره محد جرب الشاص وينكم يالمكشاتيه
انا لي نفس في شاص تيوتا ما ابغا شاص نيسان

[مشوت الذيب]

الصوت :
الموديلات الجديده مافيها صوت

السبب: مادري

العزم :
القديمه اقوى

السبب : المكاين القديمه راس واحد ومصنوع من حديد يعني يتحمل اكثر
اما المكاين الجديده راسين والمنيوم والدعسه كهرب


واذا تبي وجهت نظري مع انك ماطلبتها:

خذلك من الموديلات الجديده
لان القديم نادر تحصل النظيف واذا حصلته تلقا سعره مثل سعر ال2014 او ال2013
من واقع تجربه

[عاشق HW 80]

جزاك الله خير تسلم والله
في احد غيره

[أبوصالح9]

قديم من 2005 - 2009 - بس يبيلك تدور على رواقه

تويوتا طبعا - ونش ودفلوك

[عاشق HW 80]

تسلم سؤال المكينة الجديد 4000 تصلح للبر
ولا لا
معايا سيارة ابويا الله يحفظه نوع السيارة ديماكس 2005 واشوفه ممتاز في البر بس الصوت مزعج
والعزم : عاد هذة مافيها كلام شبه معدوم
وابغا شاص عشان خفة الصوت والعزم بس انا ما جربت الشاص بس شكله عاجبني وش قلتو

[كم كيلو باقي]

والله انا ماجربت شاص التويوتا
جربت شاص النيسان
وجهة نظري أنه يستحق تفكر فيه وأشوفه ممتاز ومافيه عيب غير صغر بسيط في الغمارة
التويوتا مايمدحون مكينته الجديدة
والله يكتب لك اللي فيه الخير

[محمد1415]

كل موديل يقولون اللي قبله احسن


وانا من وجهة نظري

مادام الشاص مازال ينزل دفرنسات قدام وورى

ف هو مووووتر بغض النظر عن المحرك


وبالنسبه للمحرك الجديد


حسب التجربه ممتاز ولا به عذروب ويشيل الموتر


بالعكس اهدى واوفر بنزين من اللي قبله


المحرك السابق -4500- كان شفاطة بنزين ومايختلف على قوته

[هيوماكس]

الشاص عيبه الوحيد السست حقته نازلة
في الاماكن الوعرة تحك في الحصى واحيانا ينشب في العقوم

[عاشق HW 80]

طيب اقدر احول دعسته الشاص الكهربة الى سلك

[صدى الاطلال]

شاص مكينة 4500 خذ
شاص 6v هج عنه

[عاشق HW 80]

شباب اللي يقول الموديل القديم افضل وين القاه جديد
غريبه الشاص الجديد ما ينفع للبر
مشلكة القديم ما تلقى جديد
تكفوون الجديد ينفع للبر
لاني ابغا اللي اهداء في الصوت
بس

[خوي السطحه]

جاوبوك الشباب ماقصرو التايوتا الجديد ماينفع استخدام للبر بس يغسل ويصف على الرصيف لحسن شكله حتى 2016 بينزل نفس المكينه ابحث عن القديم او شاص نيسان

[ابن كديميس]

عز الشاص بكل مواصفاته وقف على موديل 2006
قوة +اخف صوت هواء+تماسك بدي +قوة تحمل.
الموديل من 2010وفوق صح انه اضعف عزم وصوت هواء بس عملي ويكد واذا اخذته جديد خمس سنوات ماتحط فيه الا اشياء استهلاكيه
والسياره في الاول والاخير على استخدامك والمحافظه عليها
فيه شباب يفجر السياره تفجير وتبوش المكينه وبالاخير يقول فاشله وهذا غلط من سوء استخدامه.و

اذا تبي شوري خذ جديد ومبروك مقدما