استشارات عن الباثفندر

[iExPLoRz]

السلام عليكم

طبعاً حبيت تفيدوني بأول مشاركة لي بالمنتدى

وصراحة منتدى ملفت للنظر ورائع وفية فوائد كثيرة

طبعاً زي ماهو موضح بالعنوان استشارات عن الباثفندر

معي باثفندر 2004 ومظهرة الخارجي ماعجبني بسوي علية تعديلات بسيطة

طبعاً الصدام الامامي عندي مقصوصة الصاجة من تحت وشكلة سىء جداً

وحبيت استشيركم هل اخذ صدام وكالة ولا تجاري

بحكم ماسمعت انة الصدام وكالة ولا تجاري يجي لونة اسود

مع العلم الصدام التجاري تايواني

وسعر التجاري 140 ريال وكاسرنا العامل طلع 130 ي بلااش

وسعر الوكالة 940 ريال وصراحة سعر مبالغ فية

يعني يبيلة رش لون لؤلؤي وبيكلف صراحة

والمشكلة العامل اللي ابخذ منة تجاري يقول الوكالة بـ 600 ريال

ولا فية فرق كبير

ورحت لكم محل قالوا 900 ريال

ثاني شىء ابي رايكم بالجنوط والكفرات

طبعاً كفراتي تويو جدد مركبهن الوالد قبل شهر وصراحة بحكم انة كان معي اكسنت
ماعرف للأمور هاذي من جنوط ممتازة للبر والخط ومن هالكلام

ثاني شىء ابي جنوط هلل ولا لقيت 17 كلهن 16
مع العلم الكفرات 17 والجنوط الحالية 17
ومن ناحية شكل وش اخذ جنوط
محتار من كثر الكلام
اللي يقول فية هلل 17 واللي يقول لا
وانا لقيت جنوط فتك 2005 وجازن لي

الشىء الثالث اللي له خبرة باليايات ياليت يفيدن
علية يايات الوكالة وصراحة ممتاز
لاكن هل يلزمني يايات استرالية ولا لا
وصراحة حسب تجربتي البسيطة لمدة شهرين اشوفهن ممتازة

الشىء الاخير

انا من سكان القصيم - بريدة

واتمنى افادتي بأفضل محلات الزينة والكفرات والجنوط والورشات وقطع الغيار

واذا القسم غلط اتمنى ارشادي

وشاكر لكم تعبكم

[المميـز]

:

حياك الله معنا في مكشات اسفرت وانورت

بالنسبه للجنوط
فيه هلل 17 تجي اصلي فقط حقت برادو وسعرها جديد اصلي بـ 1500 ريال بالوكاله
وفيه مستعمل في موقع حراج او مجمع الكفرات في شمال بريده كله كفرات وجنوط مستعمله
كفراتك ماشاء الله تبارك الله ممتازه واكرفها لين تنتهي وبعدها فكر بتغيير الجنوط والكفرات
لان التويو مايناسب الهلل كشكل
الهلل حلاته 16 وعليه دانلوب حجري او شواهين او بالون والـ 16 يجي اصلي وتجاري

الصدام ركب تجاري وماعليه خلاف ان شاء الله تعالى

الياي الاسترالي
اذا انت راعي تانكي ماء 90 لتر وفوق وتحميل عزبه واغراض كثيره وثقيله
هنا في هذي الحاله تحتاج ياي استرالي ووكيله الرمايه في بريده
واذا غيرت الياي لازم تغير معه المساعدات لانها قصيره وماتصلح مع الياي
لذلك استخدامك يحدد احتياجك للياي او لا

ان شاء الله اهل القصيم يفيدونك بوصف دقيق لمحلات الكفرات والزينه لاني اخبرهم بشارع واحد شمال بريده

:

[iExPLoRz]

:

حياك الله معنا في مكشات اسفرت وانورت

بالنسبه للجنوط
فيه هلل 17 تجي اصلي فقط حقت برادو وسعرها جديد اصلي بـ 1500 ريال بالوكاله
وفيه مستعمل في موقع حراج او مجمع الكفرات في شمال بريده كله كفرات وجنوط مستعمله
كفراتك ماشاء الله تبارك الله ممتازه واكرفها لين تنتهي وبعدها فكر بتغيير الجنوط والكفرات
لان التويو مايناسب الهلل كشكل
الهلل حلاته 16 وعليه دانلوب حجري او شواهين او بالون والـ 16 يجي اصلي وتجاري

الصدام ركب تجاري وماعليه خلاف ان شاء الله تعالى

الياي الاسترالي
اذا انت راعي تانكي ماء 90 لتر وفوق وتحميل عزبه واغراض كثيره وثقيله
هنا في هذي الحاله تحتاج ياي استرالي ووكيله الرمايه في بريده
واذا غيرت الياي لازم تغير معه المساعدات لانها قصيره وماتصلح مع الياي
لذلك استخدامك يحدد احتياجك للياي او لا

ان شاء الله اهل القصيم يفيدونك بوصف دقيق لمحلات الكفرات والزينه لاني اخبرهم بشارع واحد شمال بريده

:

يعطيك العافية على هالترحيب
ولله التانكي ماركبت نهائي لا 90 لتر ولا اقل
يعني استخدامي مهوب واجد بالبر
وبالنسبة للكفرات صدقت
الهلل ماتناسب تويو
لاكن جازن لي جنوط الفتك 2005 ومقاسهن مناسب وشكل كلش مظبوط
بس بكم عند الوكالة
اتمنى الافادة ويعطيك العافية