ياأهل الشاص ايش الحل جانا الحر نبي ثلاجه بالغمارة

[مذهب1]

كما في العنوان معي شاص 2013 ومتلت الغماره مياه صحه وكل شوي عند بقالة الي عنده فزعه جزاه الله خير مشكورا غير مامور

[صخب]

الحل ياطويل العمر
ترمس ماء صغير أو حافظة ثلج مقاس صغير واسلم من الثلاجه والتسليك

[ابوسند9]

شوف محل الطمرة بالغرابي عندهم اصغر ثلاجة تبريد وتثليج 15 لتر ب 1600 ريال بس تستاهل كمبروسر الماني وعمليه لا بعد درجة
او شوف السنيدي عندهم 11 لتر تبريد وتثليج بس على ما اعتقد الكمبروسر صيني

[مذهب1]

هلا بالاخوان صخب وابو سند 9 بالنسبة للترمس ياصخب شغلة عب ثلج وشوي وهي جايتك على جنبها لازم تثبيت وانا اخوك
اخوي سند علمك حلو بس الحكي هل يتم تركيبها داخل الغمارة وهذا اهم شي لاعدمتك لان الجلنط هذا مصيبه

[ابوسند9]

ما تبغى تركيب وفك وربط , اشبكها على الولاعه ,وخلها تكاية لليد , واعتقد الانسب لك السنيدي اما 11 او 15 لتر
وشوف ممكن تركب خلف مرتبة الراكب

[أبوصالح9]

ما تبغى تركيب وفك وربط , اشبكها على الولاعه ,وخلها تكاية لليد , واعتقد الانسب لك السنيدي اما 11 او 15 لتر
وشوف ممكن تركب خلف مرتبة الراكب

السلام عليكم - عندي تعليق بسيط اي ثلاجة لازم تكون بمكان فيه تهويه وماينفع تحط بمكان مكتوم - وعسى الله يكتب لك مافيه الخير ياصاحب الطلب - فيه واحد من الاعضاء عنده ثلاجات صغيرة ولاتاخذ حيز اتوقع ان اعلانه الى الحين موجود بقسم البيع والشراء

[ابوسند9]

ابو صالح ,,كلامك سليم
لكن المشكله انه شاص وما في مكان
ولو وضعها خلف المرتبة مافيه مشكله ,اغلب الثلاجات فيها مراوح تبريد , وواجد من الزملاء وضعينها خلف المرتبة كا الفورد والسسيراء غمارة , الاهم انك تنسم شوي للنوافذ من شان التهويه والسيارة واقفه ,
بعدين اذا انت تبغى تبريد مويه فقط , فا الكمبروسر لن يشتغل با استمرار لانك راح تضع البروده اقل درجة

[مطر وربيع]

اشتر حاملة اكواب تركب على فتحة المكيف ب 15 ريال وشغل المكيف على ابرد شي
او اشتر لك زمزمية (حافضة )

[غريب نجد]

ركب ثلاجة بين المرتبتين
انا مركبه