يالربع ابشركم شريت gx r

[سراب الصيف]

السلام عليكم





اخواني الكشاتين باركولي على السياره
اطلب منكم وش احسن محل يفصل تانكي ماء ستيل تحت السياره

[ابوعبدالهادي]

ألف مبروك يعطيك خيرة ويكفيك شرة

[فتى الدهناء]

نصيحتي لاتفصل تحت السيارة لأسباب :

- الستيل ربما يتأثر لو احتكت السيارة بالصخور من الأسفل .
- وجود بديل ممتاز وهي التوانك الملبسة والجاهزة وهي تركب داخل السيارة وتكون إما موازية للمرتبة الثانية من الخلف .. أو مفصله بارتفاع 10 سم .. والأولى أفضل .. وزينة هالنوع أنك اذا انتهى موسم الطلعات ولا تحتاج التانكي تنزله من الموتر .. وترى فيه متخصصين للشغل هذا وحتى ينزّل لك حنفيّة تحت السيارة .. وأتمنى الاخوان يخدمون بمواضيع تحدثت عن هالنوع وصور ..

-----------
تحتاج يايات .. عند الرماية .. ( فرع التركيب - التخصصي محطة نفط ) وفيه ثقيل .. وخفيف .. الخفيف حليو ومريح وماينزل اذا حمّل الموتر .

- تلبيسة للشنطة .. وفي عند اليوسف بــ 140 ريال ان ماكنت واهم .. وهي أفضل من حقت السنيدي .. لأنه محدد ميول الديكور اللي على صاجة الكفرات .. وتقدر تعدّل فيه وتزيد جيوب .

والشباب بيعطونك بعد أشياء تفيدك ..

سلام عليكم

[أبو حـــمد]

يطعمك من خيرها و يكفيك شرها ان شاء الله

[هويدي]

الف مبروك الله يطعمك خيره ويكفيك شره

[سراب الصيف]

الله يجزاكم خير
اخوي ابوعبد الهادي
اخوي فتى الدهنا
اخوي ابو احمد
اخوي هويدي

شكرا لمروركم بالموضوع

[تــــوني]

اما من ناحية التانكي فيه عند برق الحيا مخرج 15 تانكي 145 لتر ماهو فيبر ماده ما يتغير لا لون ولا ريحة ولا طعم الموية فيه

وقيمته مناسبة جدا ً 600 ريال تقريباً


وبالتوفيق ... وللمزيد من المعلومات تفضل بزيارة خيمة السيارات .... ستجد ما يرضيك إن شاء الله

[صمت اللقاء]

مبروك اخوي
شايف خيره ومكفي شره
لكن ما تخبر واحد ثاني للبيع

[سراب الصيف]

اخوي توني
اخوي صمت اللقاء
مشكورين لمروركم بالموضوع

اخوي صمت اللقاء ما اخبر شي

[الطرقي010]

تبغى النصيحه ونصيحة مجرب انا معي gxr وركبت له تانكي لاكن نوع المنيوم تحت السياره لاكن تانكي بصحيح ومعزول ومحمي بصاج حديد من الاسفل وماسورة تعبئه مريحه وحنفيه ايضا مريحه لاكن تراه افضل من الاستيل لانه اخف وزن ولا يمكن يصدأ ابدا بمشيئة الله وموجود عند ورشة الضويان في محافظة الرس في الصناعيه ولا يحتاج تنزله اذا خلصت الرحلات ولا شي لانه تحتاجه في اي وقت شرب تغسيل وخلافه ..........................هذا مافي الجعبه عن هذا الموضوع .