مندي لحم ببرميل المزين الكهربائي وعندي سؤال لاهنتم

[zoom10]

السلام عليكم ورحمة الله وبركاته . وكل عام وأنتم بخير وتقبل الله منا ومنكم .

بصراحة البرميل الكهربائي جدا روعة وسبق وسويت طبخات وكلها دجاج وكل شي على مايرام . ولكن قلت أبسوي مندي باللحم وأشوف كيف يطلع الشغل . المهم إني حطيت اللحم زي ماتشوفون في الصور وخليته ساعتين وكانت المفاجأة إن اللحم طلع ناشف مررررة وبصراحة زعلني علما بأنه مستوي اللحم لكن ناشف الجلد لدرجة الإحراج .

سؤالي بارك الله فيكم ليش يصير اللحم ناشف ؟؟؟!! لاتبخلون رجاء من الإجابة الشافية ولكم كل الشكر .. اترككم مع الصور

[ابومعتز99]

ساعتين كثير مررة

[zoom10]

حياك الله يبو معتز ... اللحم في الفرن غالبا مايكون ساعتين . وبعدين اللحم ما أحترق بالعكس طلع مستوي لكن ناشششف

[د.بر]

من وجهة نظري
المندي الحقيقي فقط في البرميل المدفون في الأرض
من ناحية الطراوة والتدخين بالجمر أما غيره فهو مجرد
طبخ بالحرارة وإن اختلفت الأشكال والأسماء ، وأنا شخصيا
جربت برميل المزين فهو لايقارن بالبرميل المدفون أو المحنذ
فهو مجرد طبخ بالحرارة أو شواء ولايعطي طراوة للحم.

[عشانا]

من وجهة نظري
المندي الحقيقي فقط في البرميل المدفون في الأرض
من ناحية الطراوة والتدخين بالجمر أما غيره فهو مجرد
طبخ بالحرارة وإن اختلفت الأشكال والأسماء ، وأنا شخصيا
جربت برميل المزين فهو لايقارن بالبرميل المدفون أو المحنذ
فهو مجرد طبخ بالحرارة أو شواء ولايعطي طراوة للحم.

هذا الكلام

[zoom10]

كلامك صحيح ولكن من ناحية الصحة فالفرن الكهربائي اشوفه صحي أكثر .

مارديتوا على سؤالي ؟

[د.بر]

قال تعالى :" فجاء بعجل حنيذ ...".
نبي الله إبراهيم كان يأكله لكن يجب
التقليل من اللحوم بشكل عام.

[ابولولو]

شف بعض اللحم يبي شحم او دهن خفيف

وحجم اللحم يفرق معك أذا صار صغير يفرق التيس ماينفع لانه قليل الشحم والدهن

اللحم مايقارن باالدجاج من ناحيه الليونه

ساعتين كثيره

المره الجايه أدهن اللحمه بزيت خفيف وخل الوقت ظ، ونصف وحط لحم شوي نصف كيلو للتجربه

نقطه مهمه كثر البهارات بااللحم ينشفه وخذها نصيحه حط الملح قبل مايستوي بدقائق حط الملح وشوي بهارات والفلفل الأسود ممتاز للطعم

أنت جرب على لحم شوي كذا طريقه ويبي يظبط إن شاء الله

[شاهين ألشاهين]

يعطيك العافيه اخوي

[alsagr12]

اخي الفاضل صار معي نفس الشي ولكن في المرة الثانية بعد نصف ساعة قللت الحرارة الى 180
وبعد نصف ساعة أخرى قللته الى 150 وضبط معي 85%
ان شاء الله أكون افدتك

[المنور1]

صح يطلع ناشف وخاصة الحاشي

[mouafi2003]

اخي الكريم اذا طفيت الكهرب عن البرميل لا تفتح الغطاء مباشرة .. خله تقريباً مدة عشر دقايق يتلين بالبخار
و راح تلاحظ الفرق.

[ssas1919]

فعلاً صارت معنا نفس السالفة

[المتأمل]

وعليكم السلام ورحمة الله وبركاته من واقع خبره يابعدي بالبرميل المزين كل الطبخات زينته لحم حاشي وحري وساكني وتيس وهرفي لباني وهرفي كبير الحمدلله يضبط معي ويطلع منصهر
شف اذا انت حاط حاشي طبيعي يكون كذا لان الحاشي لازم يكون فيه شحم علشان يضبط افضل قطعه بالحاشي القويصري وقطعه شرايح وباذن الله يبي يضبط معك بالحيل
اذا تيس لباني او هرفي لباني طول عمري احطه ساعتين مع الرز على حرارة 200 واحسن مايكون معك ويطلع ذايب مره ويطلع الرز حب ودهن واذا مهب لباني وكبير تحطه حراره 120 والوقت ساعتين وتحط القدر فيه شوي ماء وبعد ساعتين تطلع الشبك وتحط رز وتزوده ماء ثم تحط القدر وترجع الشبك وتحط الوقت 80 دقيقه والحراره 180 وبالعافيه واذا اردت الاستزاده عندي قناة اسمه بومحمد بريدة وفيه مقاطع عده عن الطبخ بالبرميل المزين

[ولد زعب]

وعليكم السلام ورحمة الله وبركاته من واقع خبره يابعدي بالبرميل المزين كل الطبخات زينته لحم حاشي وحري وساكني وتيس وهرفي لباني وهرفي كبير الحمدلله يضبط معي ويطلع منصهر
شف اذا انت حاط حاشي طبيعي يكون كذا لان الحاشي لازم يكون فيه شحم علشان يضبط افضل قطعه بالحاشي القويصري وقطعه شرايح وباذن الله يبي يضبط معك بالحيل
اذا تيس لباني او هرفي لباني طول عمري احطه ساعتين مع الرز على حرارة 200 واحسن مايكون معك ويطلع ذايب مره ويطلع الرز حب ودهن واذا مهب لباني وكبير تحطه حراره 120 والوقت ساعتين وتحط القدر فيه شوي ماء وبعد ساعتين تطلع الشبك وتحط رز وتزوده ماء ثم تحط القدر وترجع الشبك وتحط الوقت 80 دقيقه والحراره 180 وبالعافيه واذا اردت الاستزاده عندي قناة اسمه بومحمد بريدة وفيه مقاطع عده عن الطبخ بالبرميل المزين