ارجو المساعدة ولكم مني الدعاء انا معاي ددسن 2006 دفرنسين .....

[جراب2]

السلام عليكم ورحمة الله وبركاته:
مساكم الله بالخير ياجماعة انا معاي ددسن 2006 دفرنسين واهدى لي واحد من الربع جنوط باترول الفول كامل مقاس 16 مع الكفرات وهي عريضه ومشكلة الكفرات انها تحك بالنسافه الاماميه اذا لفيت يسار ابي نصيحتكم يالربع (هل اغير الكفرات او الجنوط او اغير الجميع واذا غيرت الكفرات ماهي الكفرات المناسبة للجنوط والسيارة)
ارجو المساعدة ولكم مني الدعاء..........

[جراب2]

تكفون يااهل الفزعات تكفون يارجال .........................

[ممتر البران]

كم مقاس كفراتك الشد بلد وكم مقاس هالكفرات وبعدين شف واحد من الداسن اللي مركب كفرات وجنوط وانشده ولا اقرا وش مقاسها ان كانك لقيته واقف
وركب مثلهن وقضينا
تحيتي لك ابو سعد

[جراب2]

ممتر البران يعطيك العافية مقاس كفرات شد البلد 15 لكنها صغيرة وحجريه يعني ماتصلح ومقاس الي معي 16 عريض

[جراب2]

افااااااااااااا مااااااااااااااش مافيه احد

[جراب2]

والله ماتوقعت ان اعضاء منتدى مكشات بيسحبون علي يله شكلي ضايقتهم مع السلامه يغنيني الله............

[تلسكوب 1]

اغلب الناس بالبر اعذرهم اخوي

ثانبا انا ما عندي علم عن كفرات الددسن وعسى يرد عليك من عنده علم وشكرا لك

[#الفارس#]

اخوي جراب2 انا معي ددسن دفرنسين 2007 ومركب جنوط بترول مقاس 16وكفرات فرجستون

الجنوط العريضة بتنفعك بنفود بس نسم وتمش زي ماتبي لاكنها ثقيلة وابشر بنزلك صور للسيارة مع الجنوط

[salehhd]

السلام عليكم

تبي الشور رجع كفرات شد بلد وغير الكفرات الي اعرض شوي
والله يعينك

[أخو ريان]

تبي الشور رجع كفرات شد بلد وغير الكفرات الي اعرض شوي
والله يعينك:d

[جراب2]

تلسكوب1 صادق اي والله أنا آسف اعذرني كنت مستعجل لاني كنت باشوف ردكم واغير الكفرات واطلع بعد الفجر البر........

الفارس هلا اخوي يعطيك العافية لكن ماتحك الكفرات بالنسافه الاماميه اذا لفيت وانا اكثر روحاتي للجلد ومااستغني عن النفود يعني مافيه كفرات تصلح للجلد والنفود وانا بانتظار الصورة.......

salehhd و أخو ريان يعطيكم العافية على المرور وعلى الشور الطيب ووالله ان هذي كانت نيتي اني اركب كفرات اعرض على جنوط شد البلد لكن يوم جتني الجنوط مع الكفرات هديه قلت باشوف واسئل عنها.........

[GMC79]

شف يالحبيب الجنوط ممتازة لكني اظن ان الكفرات بعرض 265 وهذا عرض كبير جدا على ددسن ركب كفرات مقاس 245/70/16 وانشا الله امورك تمام