محركls1

[GMC79]

السلام عليكم
مسيكم بالخير

ياشباب مكشات عندي استفسار حول محرك اسمه Ls1 يستخدم في الترهيم للشروكي وللباترول
ماهو اصله؟
وما مقدر قوته وحجمه وعدد السليندرات؟
وكم سعره؟
وأي معلومة حول هذا المحرك أرجوا ألا تبخلوا بها
مع خالص الشكر والتقدير

[أعذب الياس]

حياك الله اخوي

Ls1 هو مكينة الكابرس من موديل 2000 إلى 2006

طبعاً 8v 5.7 وبصراحه مكينه تطرب لما ترهم على الجيوب


وسعرها تقريباً من ال6 الاف إلى 10 الاف بالتشليح

اتمنى اني جاوبت على استفساراتك واي شي ثاني امر

تحياااتي

[GMC79]

اهلا بك وشكرا على المعلومات وهاك بعض الاستفسارات طمعا في كرمك

هل يتم تركيبها على الجيوب كاملة بالثلاجة والبخاخ والكمبيوتر؟
او مجرد السلندر؟ ويرهم لها راس؟

[سلطان العوني]

ما قصر اخوي اعذب الياس عطاك اللي عندي

[هولوكس2005]

السلام عليكم ورحمته وبركاته

اخوي موديلها من 2004 إلى 2006 كابرس
ولومينا من2003 إلى2006

والي من 2003 وتحت هذي تسمىlt1 كويسه توفي بالمطولوب بس خامتها حديد

والمكينه يالي تسأل عنها ألمنيوم ويركب عليها 150 برمجه
وقوتها 5700 8سلندر

وسعرها حوالي 11ألف إلى 13ألف على حسب النظافه

عرضت على اخوي ماشيه 20ألف مع كراسي المكينه مع وصله يعني تركب ستندر على المكينه بدون اي اضافات يعني تمشى عليها وتسافر ب18ألأف


وعن الوصله فينه نوعين وصله مصنعه بالسعوديه وفيه استراليه الاستراليه بــ3ألاف ريال
والي ترهم بالقصيم على 1200 إلى 1500ريال



مع العلم لو رهمت الموتر كامل يعني مكينه و عامود الدفرنس وعامود تيمن و هدرز والحاجات هذي ماتقدر تمشي فيها بالمدنيه لأنه راح ترتفع حرارته على طول يعني لازم يقلص

يعني كان تبي ترهم رهمه ستندر بس مكينه مع العلم أفضل موتر تركب عليه هذي المكنه السفاري لأن قيره متين يتحمل مكينتها وهو أفضل قير من نوع هذي الجيوب



وأي استفسارات آمر اخوي

[GMC79]

ياجعلك تسلم ياهلوكس بس يبدو بيني وبينك اختلاف في المصطلحات ماذا تقصد بالوصلة؟
والرديتر يبقى على ماهو او يغير؟
واذا ركبت المكينه بدون تلغيم كما هي يعني ما هي ابرز المشاكل؟

[هولوكس2005]

اخوي الوصلت الي الي تركب بعامود المكينه الي ياصل للكلتش


انشاء لله مافيه اي مشاكل لأنه راح يكون ستندر بس مكينه
بس دورلك ورشه ممتازه بس ماقلتلي وش موترك علشان افيدك زين

[اسهيل]

طيب ليه وكالة السيارات ماتحط مثل المكاين هذي وترتاح اقل صرفيه من الربع والشاص

[GMC79]

الاخ هولوكس/
والله يالحبيب انا ما بعد قررت اسوي شيء انا الان في مرحلة جمع المعلومات بس

بس ماقلتلي الرديتر يغير او لا؟


الاخ اسهيل/
الحقيقة ان بعض المصانع بالفعل بدات بتصنيع محركات قوية لسيارات الدفع الرباعي اقوى من المذكورة هنا مثل
الفتك280حصان
اليوكون والتاهو355حصان
اللاندكروزر2008-380حصان
الدودج دورانجو345حصان
الارمادا340حصان
الكاديلاك اسكاليد441حصان
واقوى سيارات الدفع الرباعي على الاطلاق مرسيدسg550سوبر تشارجر بقوة 476حصان

[هولوكس2005]

على معلوماتي مايغير الله الله بتغير البلف أو فكه وجدعه ولجاك الشتاء ذاك الساعه ركبه

لأنك راح تركب مراوح كهرب