عندي مجلة سيارات بس فيه بعض الكلمات ماني فاهمها

[مخرب طلعات]

يا أخواني في الله

بسم الله الرحمن الرحيم

السلام عليكم ورحمة الله وبركاته

أمابعد

فيه سيارات موديل 2007 و 2008

أشياء عجيبة ؟

يعني لو رحت للفان الشفر

يقولون نظام الدفع (على كل العجلات) وأنا فسرتها على إنها ذو دفع رباعي 4×4

ولكن المشكله أنه بعض السيارات يقولون (4×4) وبعض السيارات (على كل العجلات)

الزبدة ما الفرق بين على كل العجلات و 4×4

وله جائزة ماليه للي يعرف الفرق

$$$$$$$$$$$$$$$$$$$$$$$$$$$$$$$$$$$$$
وأدعوا الله أن يكون معنى 4×4 لأنه السيارة عاجبتني وكبيــرة تناسب العائله

[GMC79]

العزيز مخرب الطلعات

هناك فرق بينهما(للاسف)

الدفع الرباعي4*4 معروف

اما هذا فهو يعني واحد من اربع عجلات

مثال/ الدفع الثنائي الخلفي تفاضلي يعني واحد من العجلات الخلفية هو اللي يدور حسب الاخف على السيارة

لكن الدفع على العجلات الاربع نفس النظام تفاضلي بس بين اربع عجلات يعني واحد اللي يدور من الاربعه سواء في الامام او الخلف حسب الاخف على السيارة وهذا ماينفعك في التغاريز ابدا لكنه ممتاز جدا في الثبات عند المنعطفات ووقت الامطار

ارجوا ان اكون افدتك بشيء

[مخرب طلعات]

يا أخي جزاك الله خير

بس اللي أقصده (على كل العجلات) وإنت تقول على عجله وحده هذا مايفسرها

ودنا توضيح أخوك (("الغشيم"))

[ابوعبدالهادي]

حبيبي
منظومة الدفع على كل العجلات هو نظام اوتوماتيكي يعني السيارة تمشي عادي كل العجلات تدور وليس دفع رباعي
وهو متطور للسيارات السيدان الفارهة الفخمة الغالية الثمن مرسيدس جاكور ميركوري بورش
لاكن قلنا وش هي نوع السيارة اللي عاجبتك ونجيب للك خبرها

[بـــ نجد ـــرق]

انا خابر هالنظام في البورش

يعني اول ماتمشي وتدعس للسياره تشغل الكفرات الاربع عشان القومه تجي قويه

بعدين ترجع خلفي اذا خفت السرعه

هذا على حسب علمي

[الدحبول]

اعتقد يسمون هذا النظام الفريول وهو يتي على السيارات الفارهة
يعني دفع رباعي بس ما ينفع لبر حق بلد
كلا إطارات السيارة تتحرك في وقت واحد

هذا يلي عند

الانسان غير معصوم عن الخطا وفي حال وجود خطا إرجو التصحيح

[GMC79]

توضيح عزيزي مخرب الطلعات

لاتوجد سيارة في العالم تدور فيها اربع كفرات دائما وابدا الا في حالة وجود دفلك(هزاز)

لكن هو يقصد في حالة تساوي الضغط يكون الدفع على اربع عجلات بشكل متساوي لكن في حالة التفاضل في الضغط يدور الاخف وهو كفر واحد فقط (وانا اتكلم من تجربه عندي سيارة دفع رباعي سيدان)

لكن الدفرنسين تدور كل الاربعه في حالة تساوي الضغط لكن في حالة التفاضل يدور اثنان واحد في الامام وواحد في الخلف ولذلك تسمع ان الجيب ثولث او تعلق لكن في وجود الدفلك (الهزاز) يلغي النظام التفاضلي وتدور الاربعه كلها مهما اختلف الضغط ان شاء الله وضحت وانا خوك

وانا جاهز لاي استفسار

[عبدالله العمرو]

السلام عليكم :
أنا مع كلام أخوي Gmc79 جزئياً بأن دوران اربع كفرات دائما وابدا الا في حالة وجود دفلك(هزاز) ...
هذا كلام صحيح .. ولكن فيه سيارات فعلا فيها دفع رباعي في آن واحد وهي السيارت المسماة ( المرعبة ) ذات الإطارات الضخمة ..

ووظيفة الدفلوك أساساً هي قفل الحركة بحيث يدور كل كفر بفعل العكس الموصل للحركة من الدفرنش .. يعني بشكل أوضح :

لو ترفع 3 كفرات بعفاريت ويبقى واحد على الأرض سحب السيارة ونزلها من العفاريت .. يعني يكفي كفر واحد يحرك السيارة لو تعلقت بثلاث كفرات .. ولكن لهذا سلبية وهي تثقل كاهل القير والدبل والمكينة بحيث يكون الجهد موزع لأربع عجلات بدل إثنين ..

آمل أن يكون التوضح مفهوم ...

تحياتي

[شبح الصحراء]

الدفع على العجلات الأربع هو هو الدفع الرباعي هو هو 4*4 كلهن واحد بس من زود الفلسفة في المجلة شكل كتاب المجلة يحبون الفلسفة الزايدة .

[مخرب طلعات]

جزااااكم الله خيــر وأنا مع كلام أخوي (شبح الصحراء)

لاني أظنها (دفع على كلا العجلات) (دفع رباعي) (دفع 4×4)
-
-
والسيارة ليست سيدااان ؟ بل فان شفروليه 2007 (إكسبريس عائلي) 15 شخص

[برق العاصفة]

أنا أقلك

إذا تبغى تتأكد 100%
روح أقرب معرض شفروليه
واسأل عنها
لكن إلي أعرفه هو أنه مافرق بين
(دفع كل العجلات) و(4x4)و(دفع رباعي)

[بدوي جنوبي]

اختصر لكم الموضوع بالصور

استمع لهذه الانشودة وانت تقرأ
http://www.iraqirabita.org/upload/2803.wma


تعمدت تكون الصورة كبيره عشان تكون واضحه

Four-Wheel Drive مختصرة الي(4WD)
دفع رباعي للعجلات الاربع


حلو الكلام

الدفع الرباعي المستمر AWD



هذا افضل صورة وجدتها ... طبعا السياره سوبارو سيدان ليجاسي
دفع رباعي مستمر .. لو تلاحظ الصورة الدبل غير موجود ...

توضيح سريع
بالتوفيق للجميع

[شبح الصحراء]

مثل ما قلت الدفع الرباعي هو نفسه الدفع بالعجلات الأربع هو نفسه 4*4 كلهن واحد ، وهناك سيارات سيدان صغيرة فيها دفع رباعي مستمر يعني دبل مشغل على طول من دون التحكم فيه ويتحكم فيها الكمبيوتر فقط وتعتد على العكوس ولا تعتمد على الدفرنسات والسبب في ذلك الثبات على الطريق خصوصاً في الطرق المبلتة ومثلها في بعض الجيوب الفخمة .

[بدوي جنوبي]

مثل ما قلت الدفع الرباعي هو نفسه الدفع بالعجلات الأربع هو نفسه 4*4 كلهن واحد ، وهناك سيارات سيدان صغيرة فيها دفع رباعي مستمر يعني دبل مشغل على طول من دون التحكم فيه ويتحكم فيها الكمبيوتر فقط وتعتد على العكوس ولا تعتمد على الدفرنسات والسبب في ذلك الثبات على الطريق خصوصاً في الطرق المبلتة ومثلها في بعض الجيوب الفخمة .

اخوي شبح الصحراء لا تخلط الاوراق
الدفع الرباعي 4*4 هذا مزود بدبل

لكن السيارات الصغيرة ما فيها دبل وهي دفع رباعي

[GMC79]

ياجماعه انا عندي مرسدس دفع رباعي وفيه اربع عكوس 2قدام و2ورا اول ما شريته رحت لمكان غراز اشوف وشلون ذا الدفع الرباعي غرز على طول ولا تحركت الكفرات الامامية بس اللي ورا يدورن ثم مادار الا واحد دقيت ريوس وطلعت ورحت سالت مختص مكانيكي اردني شرحلي الطريقه وهي اللي قلتها فوق وعلى فكرة اذا دعستله في لفه احيانا يفحط واحد من الكفرات اللي قدام هذي تجربتي والله اعلم...