فزعتكم يا أهل مكشات

[ولـد الدوادمي]

السلام عليكم ورحمه الله وبركاته

ياجماعه الخير
انا معي جيب جراند شيروكي والقير تماتيك ووضبته هالاسبوع وعطوني عليه ضمان 6 شهور والورشه إنشالله تمام
الدوليه ومختصين بالقيرات الامريكيه وبالذات الشروكي

وهل تتوقعون بعد مده هالضمان ترجع مشكله القير والا البيعه افضل ووو...إلخ

تحياتي وتقديري
ولد الدوادمي

[قناص بللحمر]

السلام عليكم

والله شوري بعه وافتك
اعرف واحد نفس المشكلة يوضب القير مرتين بالسنه
اخر شي باعه واشترى باث فايندر

[المميـز]

والله ياخوي ما ادري بالنسبه لقير الشروكي

لكن واحد من الشباب وضب قير لومينا اس اس وماشاء الله ماشي وماعليه

[ولـد الدوادمي]

الله لايهينكم يالربع وماقصرتو والله

[ابو كلام]

السلام عليكم جميعا

حقيقه الموضوع اعجبني وحبيت اعلق تعليق بسيط لكي يستفيد كل شخص من واقع خبره واستشارات لهم باع طويل في المكانيكا " طبعا سعوديين انه اتضح ان اذا توضب اي قير سواء جيب او امريكي او اي نوع ما عاد يصلح البرحه لانه ما يرجع لحالته السابقه وهذا كل المعلومات البسيطه الي اعرفها وشكرا لكم جميعا

[ولـد الدوادمي]

الله يجزاك الجنه يا
ابو كلام
بس اعرفلي كم واحد وضبو قيور مواترهم

والله عاشت معهم سنين وبنين ....إلخ

الله لايهينكم

ولد الدوادمي

[هدار]

السلام عليكم:
انا مع كلامك ياولد الدوادمي بس الظاهر ان خاطرك طاب من الموتر ومتردد
على قولة اهل اليمن (جني تعرفه ولا جني ما تعرفه)

[عاشق السيل]

جراند شيروكي ؟؟!! وتوضيب قير ؟؟!!

بع ،، بع ،، بع ،، بع

أنصحك أخوي لاتتردد بالبيع القراند شيروكي بالذات معروف إذا فتح الكبوت مرة يبلشك ألف مرة ،،

أقولك هالكلام من سيارة واحد من الشباب اشتغل بالقير مرة وإلى اليوم وهو يتردد على الصناعية من القير وغيره ..

اقبل نصيحتي قبل تندم (( والله نصيحة من القلب ))

عاشـقالسيل

[ولـد الدوادمي]

والله الضمان 6شهور ابكرفه 4 إلى 5 شهور وأبيعه

والله لايهينكم يالربع

[غونو]

لوخيروني اشتي الباث فاندر

[ابوريناد1979]

والله ياخوي على حسب استخدامك
ان كانك راعي بر ولا راعي ممشى واجد وماترحم السياره تجلدها جلد ,, انصحك تبيعه
وان كانك حنين على الموتر ولاتحركه دايم او معك سياره ثانيه والشيروكي مخليه بعض الأوقات لاتبيعه
والنصيحه كانه جاب لك سعر يرضيك اكرشه ولانتاب متحسف

[ولـد الدوادمي]

لا بالله يا بو ريناد راعي جلد ومقناص

بس ابستخدمه كم شهر وعليه صمان 6 شهور الحين

وعقبه ابقشطه بالمعراض

والله لايهينكم يالربع
ولد الدوادمي