فلتر مكيف الها يلوكس

[الماضي الجميل]

السلام عليكم ورحمة الله وبركاتة

يا اخوان من يدلني على فلتر المكيف اللي موجود خلف درج الطبلون
لإني دورت علية ما حصلتة

[alkongrs]

والله علمي علمك الشباب ما يقصرون

[ابو ناصر2020]

للرفع لتعم الفائده .

[لاندكروزر]

السلام عليكم

اذا كان مكيف الهايلكس نفس الي في لاندكروزر ترى مالها فلتر اذا تريد تنظف المكيف فك الثلاجة مكيف واغسلها ونشفها بالهواء

هذا الي اعرفة واسأل الشباب

[برق السما]

شف انا قد فكيت شي يتعلق بالمكيف لكن يبدو انه مروحه .. ولا مانع كون الفلتر تبعاً له , أو حوله !!

فك الديكور اللي عند الراكب اللي جنب السواق .. تبدا به طبعاً من مسامير اللي تحت الباب , والباقي أغلبه كبس .. وبالضبط بتلقاه خلف الدرج اللي أمام الراكب الأمامي .. بعد فك الديكور بتلقاه أمامك ..

هذي المروحه وممكن يكون الفلتر معها ..


هذا اللي اقدر افيدك فيه ..

[badwi]

اخي المستقبل الأجمل انشاء الله هذه اول مشاركاتي ويشرفني ان تكون لك
انا عندي هايلكس 93 وكان صوت المكيف عالي بدون هواء المهم انه لايوجد فلتر فكيت الثلاجة كاملة اللي تحت الدرج وغسلتها بالماء والهواء
ورديتها بس الغاز لازم يعاد تعبيته .
وبراد الجنة انشاء الله لنا ولك ولجميع المسلمين

[الماضي الجميل]

كل الشكر لكم يا اخوان ولمشاركتكم

لاند كروزر
والله ما عندي علم انها تشبة الالندكروزر الف شكر لك


برق السما
يخوي فكيت درج الراكب فوجدت حوسة اشغال من ما صورة نقل التبريد
واشغال مالي فيها
عموماً بيض الله وجهك


بدوي مشكور على المساعدة
ولو اني اشك ان في الهلي 2004 فلتر للمكيف
لكن السؤال هنا
وينة

[ابو ناصر2020]

للرفع لتعم الفائده

ومشكورين على ردوردك

[فهد325]

برق السما
يخوي فكيت درج الراكب فوجدت حوسة اشغال من ما صورة نقل التبريد
واشغال مالي فيها
عموماً بيض الله وجهك


السلام عليكم ورحمة الله وبركاته
نفس الحكاية صارت معي فكيت الدرج لقيت خربطه ورجعت كل شي في مكانه عكس الكامري على طول تفك الدرج تلقاه قدامك فكه ونفهخه بالهوى ورجعه

بس وين اصحاب الخبره ما اتحفونا
والشكر للجميع ولصاحب الموضوع المهم

[الماضي الجميل]

كلامك سليم اخوي فهد
في الكامري تشوفة مباشرة بعد فك الدرج
لكن في الهايلكس وينة
هذا اللي حنا نسأل علية
نصبر لين يجينا الخبير

[فهد325]

وين الخبراء

[الماضي الجميل]

نعم وين الخبراء

[فهد325]

للتحديث للتحديث

[الكابتن]

ونفس السؤال بس للاندكروزر

ومشكورين

[فهد325]

:what: :what: :what: :what: