من يدلني ابي اركب تانكي بنزين للسفاري

[الاصلع]

الله يمسيكم بالخير جميعا والحقيقه ابيكم تقولون لي كيف اركب تانكي اضافي حق جيب سفاري مديل 92 االماخوذ يشفط التانكي خلال 250 كيلو واذا امشي بسرعه 100 يوصل 300 كيلو نبي حل اللي يعرف لايبخل علينا وكم تكلفت التانكي الاضافي علما انني بحفر الباطن
بس مايمنع لو بالقصيم او بالرياض احد يضبط لنا الشغل والسعر جيد مومشكله نعنا له وشاكرجدا من اخبرنا

[سفاري 91]

خوووووي غير ابرة الكربليتر

انا مغيرها عند خويي مكنيكي


وفلل

ومشي حوالي 400كيلو متر ويبقا اشكل من الربع طبعن ونا ماسك خك


يسمونه اصلاح ابرت الكربليتر ونت بي كيفك

الي يريحك سوه

اخوك


سفاري 91

[المارينز77]

اي والله انا اعاني بعد نبي حل ياتركيب تانكي اكبر او شي ثاني. الي عنده حل ومجرب لايبخل علينا تكفون ووين نسويه باي محل

[alcobra2000]

مرحبا اخواني الكرام بصراحه انا اعرف شخص ركب تانكي بانزين على سياره نوع شاص و FG عند ورشه اسمها السوافي في مخرج 18 ويمدح شغلهم

[كديان]

احرص على تنظيف الفلتر انسداد الفلتر يموت العزم
بالاضافة الى رد المشرف تحت

رد في موضوع سابق


و عليكم السلام و رحمة الله

احتمال عندك مشكلة بحساس او منظم الهواء
لازم تسوي وزن ديلكو + وزن بلوف + تغيير صفاي البنزين
تاكد من البواجي و الاسلاك
تجرب تغير البنزين الى احمر 95 او العكس
فلتر الهواء مسدود
لو كان عندك تنسم بخرطوش القربة يصرف الموتر و يكتم عزمه
لانه هواء زايد
دايم ينشعر خرطوش الباترول يحطون شطرطون عليه و يضبط
صفاوة المكينة له دخل بالصرفيه
اذ كان السلندر مخروط يصرف الموتر لان خانة البستم اكبر من حق البلد
اسباب اخرى للصرفيه
نقص هواء الكفرات + ثقل الكفر اذا كان بالون او كان عريض
لتقليل الصرفية
ركب فرارات + هدرز + مرواح كهرب + ضغط الفكرات 30
عندك ورشة ابو صالح التركي تخصص نيسان بالصناعية القديمه
وين موقعك ؟
ان بغيت ورش ببريده

روابط للفائدة

لكل من بهت الباترول بصرفية البانزين إليكم تجربتي - منتديات مكشات

من يعطينا حل لمشكلة البنزين للباترول 96 وهل هو خوي للنفود ...


الباترول هبل بي ؟؟ ارجو المساعده - منتديات مكشات


استفتاء كم كيلو يوصلك تانكي الباترول - الصفحة 2 - منتديات مكشات


وش الحل مع صرفية البنزين الزايدة في الباترول - الصفحة 2 - منتديات ...


دعوة للنقاش((الباترول))مزايه وعيوبه000 - منتديات مكشات


الباترول ..................... والبنزين ........... - الصفحة 2 ...



موفق

[كديان]

اذا كان الموتر صافي من ناحية
بواجي اسلاك وزن ديلكو صح و بلوف و كلبيتر و ليات صح و ابرة التيما و فرارات
فابشر بقلة الصرفية

و عليكم السلام و رحمة الله

انا اخبر احد الربع معه نفس موترك يمشي بالتانكي تقريبا 400
لكن هو حاط مرواح كهرب بدل السير + فرارات
و الباترول معروف بالصرفيه

و الفتك اخوي قناص متقاعد
مكينته بخاخ
لذلك اكيد يبي يكون اقل صرفيه

حل اخر

تغيير ابرة الكبليتر برقم اقل
لكن يضعف العزم قليلا
بمعنى
ان الموتر يمشي طبيعي لكن فزته عند الاشارة تكون اقل
و اذا كنت بنفود عالي ما يمشي بالدبل الثقيل

مثال اخر
جيب ربع تويوتا م97 كبليتر
مغير الابر حقاته برقم اصغر
يمشي بالتانكي 550
لكن بالنفود ما يمشي الا بالثقيل


رابط
لاصلاح ليات الكبليتر

هل تعاني من تقطيع او زيادة صرفية او دخان اسود في الباترول من 88 ...

[كديان]

وينك ياراعي الموضوع بتاريخ م2007