لأهل الرياض الكراااااااااااام

[khalid 6]

السلام عليكم ورحمة الله وبركاته

انا من دبي وجاي على الرياض بإذن الله وبكون يوم الاربعاء هناك والخميس بروح ابها ان شاء الله

يالربع اللي يعرف ورشة المميز ويتعامل معهم ياريت يساعدني ويطلب منهم يجهزون لي سله للتاهو 2007 الشكل

الجديد باللون البني المعروف عند الوكيل بالبرونز إن امكن ذلك او يكون اسود وانا اكون شاكر لكم .

ترى ماعندي غير المكشاتيين أعتمد عليهم.. بعد الله سبحانه وتعالى

لكم مني جزيل الشكر

[m1m]

هلا اخوي

تحتاج واحد عنده تاهو مثل اللي عندك .. لأنهم يطلبون السيارة عندهم ..على شان المقاسات وأحيانا إبقاء السيارة وتراك ما بينت سلة خلفية والا فوق السيارة !!

كان ودي أخدمك

وأي خدمة في الرياض ما نقصر

[khalid 6]

مشكور أخوي ام 1 ام على ردك .... أنا ابغي السله الخلفيه

حسب ماعرفت من اخونا المكشاتي خيام الندم ان عندهم المقاسات ويفصلونها ب 400 ريال وهو وعدني انه يجهزها لي من أعزم على السفر للرياض ولكن للأسف من عزمت على السفر ارسلتله رساله على الخاص مارد علي والغايب حجته معاه قلت الجأ لباقي المكشاتيين النشامى ومابيقصرون ..

تحياتي لك

[khalid 6]

من سبعين شخص رد واحد فقط !!!!!!!!!!!!!!!!!!!!!!!

[قانوص الكويت]

ما باليد حيله يابو وليد

مر الكويت وانا اظبطك.

[خيام الندم]

ابشر بعزك اخوي الغالي ,,,,,,,,,,,,, انتظرك على ايميلي _a_mr_999_ على الهوتميل

[راعي الخن]

اخوي خالد6 لاتزعل على اهل الرياض المميز ترى مواعيده با الا سبوع والعشر ايام يمكن تروح لأبها وتجي وهي ما خلصت للمعلوميه فقط الله يوفقك ويحفضك

[البيـرق]

عزيزي الاخ خالد اعذرني انا حاليا خارج منطقة الرياض.....ولا لكم حق علينا يا اخواننا اهل الامارات.........

واقدر اخدمك بالمعلومات التالية.........

انهم بحاجة لاخذ المقاس ولازم ياخذون رايك بالارتفاع والابعاد..والاضاءة ويحتاج العمل عليها

يوم تقريبا....الا ان وجدت جاهزة عندهم......وبصراحة شغلهم اهم مافيه الجودة......

ولو اني عندهم كان جهزتها لك وخليتك تاخذها من عند البيت......بعد ماتتشرب فنجالك عندي.......

ورشة المميز تقع في صناعية الدائري.......ورقم تلفونهم.....

0096612707070 وسامحنا على القصور.....اخوك ابو ناصر...

[هاوي الله]

ابو ناصر الدوسري

[باترول 4×4]

نخدمك بعيوننا لكن الوقت ما سمح بكرة طالع مكة إن شاء الله
لكن هذه أرقام أخرى للورشة وإن شاء الله تكلمهم ومايردونك .
0504457189
0554457189

[menadi]

هلا اخوي اذا كنت مستعجل عندك شارع الغرابي عندهم انواع جاهزة بس الاسعار مااعرف عنها شي ولو اني شفت سؤالك قبل ماروح كان سألتك عنها.

[khalid 6]

السلام عليكم ورحمة الله وبركاته

اخواني

ام 1 ام

قانوص الكويت

راعي الخن

البيرق

هاوي الله

منادي

باترول 4x4

خيام الندم

والله ان فيكم الخير والبركة وماتقصرون ويكفي كلامكم

الحلو اللي يريح القلب وخليتوني أحس ان فعلا عندي

إخوان يعتمد عليهم في الخليج .

وانا اشكر أخوي خيام الندم اللي فعلا ماقصر معاي من

البداية للنهاية وساعدني في الموضوع واستعجلي في

تجهيز السلة وركبتها على السيارة .

لكم مني كل الشكر على اهتمامكم

تحياتي للجميع