سؤال خاص لك يا من تملك باثفايندر !!!

[أبو ياسر]

السلام عليكم ورحمة الله وبركاتة


اخوي بحكم ان معك باثفندر ابسئلك عنه كم سؤال

بس جاوبني بصراحة يعني لاتتحيز للموتر عشانة معك

اولاً

هل الموتر يتحمل المطامر والكشتات والقنص ولالا

هل الموتر يتفكك بسرعة ولالا

وهل هو يغرز أو يتعلق بعض المرات

هل فية خرابات ولا لا

شلون الحرارة حقت السيارة ترتفع ولا لا

والسلام عليكم ورحمة الله وبركاتة

[خالد940]

ارحب يا ابوياسر انا نعي باث تبي الصراحة انا معي 2005 عزالله انة موتر ميزتة في البر انة خفيف خصوصا بالنفود ويتحمل مطامر ونص والحرارة والله ما تعدى الربع في عز القيض ومتماسك اكثر من البترول وفزتة قوية جدا خصوصا انة 6 سليندر اما الجدد 2006 وطالع والله ما ادري عنهن .

[ابوريناد1979]

ياكثر ماتكلمو عنه بهالمنتدى اكثر من اي سيارة ثانيه
سو بحث باسمه وبتلقى كل اللي تبي

[ابوجعفر]

الباثفاندر ممتاز من 2004ومافوق ولاتنسي الاسخدام النظيف يطوال معك.

[ق ب م 632]

هلا اخوي ابو ياسر


والله الموتر مايحتاااااااااااج ومرغوب مره بالسوق والموتر ماعليه كلام ابد ويعجبك



تقبل تحيات اخوك

[أبو ياسر]

الله يجزاكم خير فعلا من سئل ما تاه

ابسئلكم انا ناوي اركب بطارية اضافية للجيب هل يتحمل الضغط او الكهرب مايتحمل تركيب بطارية اضافية له

وهل يوجد مكان للبطارية في الكبوت

[عبدالرحمن]

هلا بك ابو ياسر
الباث صغير بالنسبه للكلام الي تسمعه عن اللاند والباترول تقدر تقول نصف السيارات الكبيره حجم وسعر
يعجبك في البر و في البلد صرفيه بنزين قليله و تحمله مثل الباترول في الخرابات لانه فرخ منه
البطاريه الاضافيه ما اعتقد تقدر تركب لان جحمه صغير و الكبوت صغير وما فيه فراغ
لو خليت معك في الكشتات بطاريه اضافيه مع العزبه ورا بكرتونها تثقل عليك ؟

بالنسبه للتغريز باذن الله اذا شغلت الدبل قبل تدخل الغراز تتسهل امورك
و التعلق حجمه صغير ومرتفع عن الارض ان شاء الله ما يتعلق

[خالد940]

ابوياسر بالنسبة للبطارية الاضافية اية تجي بكبوت الباث لاني اتصلت صخصيا براعي ورشة بالرياض متخصص بذا الامور يقالة المنصور وسالتة قال نغير البطارية الموجودة ونحط ثنتين صغاروعلى مسئوليتي .

[أبو ياسر]

الله يجزاكم خير

خالد 940 _ عبد الرحمن _ ق ب م 632

آخر سؤال

وش تنصحون الي ناوي يرفع الباث هل يرفعة من ورا بس ولا من قدام

ويرفعهن بكعكات ولا يايات واتمنى انكم تحددون نوع اليايات و مقاس ونوع الكعكات

[الستانس]

هل الموتر يتحمل المطامر والكشتات والقنص ولالا

هذي ما يبيلها كلام

هل الموتر يتفكك بسرعة ولالا
الي معي تفكك بس لا تشيل هم يربطونها ب 50 ريال

وهل هو يغرز أو يتعلق بعض المرات
يتعلق ما اعتقد بس يغرز على حسب السواقة

هل فية خرابات ولا لا
ما شفت منه غثة في الخرابات بس انه يخرب ما أقولك لا

شلون الحرارة حقت السيارة ترتفع ولا لا
هذي عاد لا تشيل همها النيسان معروف حرارته علطول تحت



على فكرة الي معي 2000 مدري عن غيرة