قصتي مع ونش الجيب والغرازفي الطين بالصور؟؟؟؟؟

[بو خليفه]

ابو جبل ماسويت إلا صح
حمدلله على السلامة
و يوجد أيضاً عفريته أو جاك لرفع السيارة من الصدام وانا استخدمته بحيث تستطيع ميلان السيارة وتحريكها بيدك بكل سهولة وهذه يستخدمونها خاصة لاندروفر

[باني]

عز الله ان معك خوي شقردي ..

[ماطر]

اول شي الحمد لله على سلامتك

وابعدوا عن الطين يا اخوي

[نيتروجين xp]

الحمــد لله على ســـلامتــكم وما تشوفون شــــر . .


وأحب أساعدكم وعلشان الكل يستفيد

فيه موضوع للأخ: الخبير عن الونش والأطناب ونصايح ثمينه تهمكم . .


من الموضوع :


إذا كنت في البر و غاصت السيارة في الطين وش تبي تسوي، طبيعي تربط الونش في أقرب شجرة حولك، ولكن إذا كنت في الطعوس و غرزت السيارة وش تبي تسوي؟
هنا تجي فايدة الأطناب، وهذي الأطناب هي مثل أطناب الخيمة ولكن مواصفات ثانية، يعني الطول متر و السمك 5 سم. الموجود في السوق عندنا طوله متر ولكن سمكه 2 أو أقل وهذا ينعفط مع أقل شد. ولتسهيل دخول الطنب في الأرض و ثباته تحط لولب على أوله .

طريقة وضع الأطناب:
يوضع الطنب ثم تضرب الراس بمطرقة ثقيلة ( أنا أستخدم وحدة ثقل الراس 6 كيلو ) ثم لامنه وصل للمروحة ابد ابرم المروحة في الأرض، تبي تلقاه يغاص في الأرض ويثبت أهم شئ إنك تغرسه لأقصاه ( في الصور ما ركزته لأقصاه لأني كنت طالع بالحالي و ذبحنى العج ) ثم تربط شنكار الونش في الشنكار المربوط الملحم في الطنب.

هذي المقاومة جيدة و تقدر تسحب السيارة الخفيفة بس، إذا كنت تبي تثبيت أكبر يبيلك طنب ثاني، تحط الطنب الأول موازي للطرف الأيمن للسيارة و الثاني موازي الطرف الثاني ثم تجيب لك واير و تفره على الطنبين بحيث يكون شكل مثلث ( راسين على الطنبين و الثالث على السيارة ) مثل كذا



أهم شئ إنك تطق الأطناب في أرض صلبة، يعني تطقها على راس طعس ما ينفع.
إذا ما كان معك طنب ولا حولك شجرة، تقدر تفك الإستبنه و تحفر لك حفرة عمقها متر تقريباً ثم ترمي فيها الإستبنه ولا تنسى تربط الشنكار فيها ثم إدفن الكفر. وسم باسم الله و توكل عليه.
إذا كانت قوة الونش 3 طن، فأنت تقدر تزيدها إلى 6 طن عن طريق بكرة.





ولمشــاهــدة المـوضوع كامل للأخ الخبيــر أضغــط هـــنــــا >> الونش وطرق الإستفادة منه <<



وتقبلوا تحيـاتي ’ ’ ’

[مقلع الرمث]

الحمد لله على كل خير

[أبووسم]

أبدعتــم جميعاً

صاحب الموضوع

و

الاخوان المردفين للحلول والاقتراحات

بارك الله فيكم

[الجماجمي]

أبدعتــم جميعاً

صاحب الموضوع

و

الاخوان المردفين للحلول والاقتراحات

بارك الله فيكم

هذا ما تعودناه من مكشات واهله الى الامام دون توقف

[ابو جبل]

اشكر الجميع على المرور
والله لايخلينا من منتدانا وأهله وعلومه الطيبة

أخوكم أبو جبل,,,,

[الكتراز]

طريقه حلوه بارك الله فيك

[الغرنوق vip]

من الجميع نستفيد
بارك الله فيكم
الله يبعد عنا وعنكم ما يكدر الخاطر ويحفظنا ويحفظكم

[M2W2M]

مشكور وبارك الله فيك

[التعـ King ـديل]

الحمدلله على السلامه

وبصراحه فكره حلوة .. يعطيك العافيه

[الطير040]

مشااااااااااااء الله عليكم الله لايضركم

[الصمان 2]

الحمد لله على السلامة


وفكرة رائعة .


.

[gxr2001]

ليتك اخوي ان قدرت تعطينا صورة للوتد
لاني صلحت واحد يطلع او ينثني
او عطنا مواصفاته
تحياتي

الحمد لله على السلامة

و بالنسبة للوتد تفضل الرابط من أخوي المتميز DARK2

http://www.mekshat.com/vb/showthread.php?t=184579