15 نوفمبر 2015 - 16:514 نوفمبر 2015 - 21:27 منتديات مكشات


لمتابعة "الأحوال الجوية والرحلات" عبر جوال مكشات أرسل الرقم 1 إلى 809207 (اتصالات) - 601259 ( موبايلي )

::::::: تابعونا على تويتر مكشات :::::::


المنتدى لازال قيد التطوير ، وسيتم حل المشاكل وإكمال النواقص قريبا إن شاء الله

::::::: تطبيق مكشات للأجهزة الذكية :::::::


تفعيل العضوية

إرسال كود التفعيل

مركز تحميل الصور

باحث قوقل لمكشات

الرصد الجوي

رادارات المناطق

إستعادة كلمة المرور

تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية
النتائج 1 إلى 14 من 14

الموضوع: يا ذيب عاهدني وعاهدك مرميـــــــك***مرميك انا يا ذيب لو زان مرمـــاك

  1. #1
    تاريخ التسجيل
    Feb 2004
    المشاركات
    120

    يا ذيب عاهدني وعاهدك مرميـــــــك***مرميك انا يا ذيب لو زان مرمـــاك

    قصيدة الشاعر الفارس / براكات الشريف ينصح ابنه مالك
    يا مرقب بالصبح نطيـــت راقيـــــك = ما واحد قبلي خبرته تعـــــــــــــلاك
    وليت ياذا الدهر ما كثر بلاويـــــــك = الله يزودنا السلامة من اتـــــــــــلاك
    ياللي على العربان عمت شكاويـــك = وليت يا دهر الشقا ول مقــــــــــواك
    واليوم هالكانون غادن شبابيــــــــك = تلعب به الارياح من كل شبـــــــــاك
    يامالك اسمع جابتي يوم اوصيـــــك = واعرف ترى يابوك بامرك وانهاك
    وصية من والد طامع فيـــــــــــــــك = تسبق على الساقه السانه العليــــاك
    اوصيك بالتقوى عساء الله يهديــــك = الها وتدركها بتوفيـــــــــق مــــولاك
    الله بحق اجدادك العز يعطيــــــــــك = مرضاته مع ما تمنا من امنــــــــاك
    احفظ دبشك اللي عن الناس مغنيــك = اللي الى بان الخلل فيك يرفــــــــاك
    وعرف ترى مكة والاها ابناخيـــك = لو تطلبه خمسة ملاليم ما عطـــــاك
    اجعل دروب المرجلة من معانيـــك = واحذر تميل عن درجها بمرقـــــاك
    لا تنسدح عنها وتبغيني اعطيـــــك = جميع ما يكفيك ما حاصــــــــل ذاك
    ادب ولدك ان كان تبغيه يشفيــــــك = واستسعفه من بعد مرباه يـــــــا لاك
    اما سمج وستسمجك عند شانيــــك = ويغر من فعله صديقك وشــــــرواك
    والا بعد جهله تـــراه ياذيـــــــــــك = لو زعلت امه لا تخليه يـــــــــــالاك
    واحذر تضيع كل منهو ذخر فيــــك = معروفه لا تنساه واوفه بعرفـــــــاك
    ترا الصنايع بين الاجواد تشريــــك = اليا طمعت بغرسهــــا لا تعــــــــداك
    واحذر سرور بغبة البحر يرميــــك = ولا عنده املس من تشكيك وبكـــاك
    واوف الرجال حقوقها قبل تعنيــــك = والا تعتمد بالقول والحق يقفـــــــاك
    وهرج النميمة والقفا لا يجي فيــــك = واياك عرض الغافل اياي وايـــــاك
    تبدي حديث للملا فيه تشكيــــــــــك = وتهيم عند الناس بالكذب وشـــراك
    واليا نويت احذر تعلم بطاريـــــــك = كم واحد تبغي منه عرف وغـــواك
    واحذر شماتة صاحب لك مصافيــك = اليا جرالك جاري قال لــــــــــولاك
    ولا تحسب ان الله قطوع يخليـــــــك = ولاتفرح ان الله على الخلق بـــــداك
    الضيف قدم له حيــــن يلفيــــــــــــك = مما تنوله يا فتى الجود يمنــــــــــاك
    اكرم اقباله فانها من شواديــــــــــــك = وابذل له المجهود ما دام يعنــــاك
    احذر تلقي الضيف مقرن علابيــــــك = خله محب لك صديق اذا جـــــــاك
    واوصيك زلات الصديق ان عثا فيــك = ما دام يغطاها الشعر فاحتمــل ذاك
    راعه ولو ما شفت انـــه يراعيــــــــك = عساك تكسر نيته عن معــــــــاداك
    واحذر عدوك لو ظهر بي يصافيـــــك = خلك نبيه وراقبه وين ما جـــــــاك
    لا تامنه واطلب من الله ينجيــــــــــــك = ويكفيك ربك شــــــر ذولا وذولاك
    شفني انا يا بوك ابامرك ونهيــــــــــك = عند التعرض بين الاثنيــن حذراك
    اذا حضرت إطلابة مع شرابيــــــــــك = اسع لهم بالصلح واللاش يفــــــداك
    ابذل لهم بالطيب ربك ينجيـــــــــــــك = والا تجضع الميزان مع ذا ولا ذاك
    اما الشهادة فادها ان ادعو فيــــــــك = بين عمود الدين لا عميت اريــــاك
    بالك تماشي واحد لك يرديـــــــــــــك = طالع بني جنسك وفكر بممشــــــاك
    رابع اصيل في زمانك بشاكيــــــــــك = لاشاف خملاتك عن الناس غطـــاك
    واحذرك عن طرد المقفي حذاريــــك = عليك بالمقبل وترك اللي تعـــــــداك
    ثم العن الشيطان لياه يغويــــــــــــــك = ترى ان تبعته للشرا بيــــــك وداك
    واوصيك لا تشكي علينا بلاويـــــــــك = انت السبب أخذك اعيونك بيمنـاك
    واعرف ترى ما قد وطا الفعر واطيك = ولانت اعز من الجمــــاعة هذولاك
    المسك يا راسي عن الذل واخطيــــك = واحذر تكلم يا لســـــــاني وحذراك
    والطف بجارك وقم دون عانيـــــــــك = وافطن لما يعنيك عن ربعة اخــواك
    ياذيب وان جتك الغنم في مفاليـــــــك = فاكمن لين ان الرعايـــــــــا تعداك
    امنول يا ذيب تفرس باياديــــــــــــــك = واليوم جا ذيب عن الفـــــرس عداك
    يا ذيب عاهدني وعاهدك مرميـــــــك = مرميك انا يا ذيب لو زان مرمـــاك
    والنفس خالف رايها قبل ترميـــــــك = ترى لها الشيطان يرمي بالإهـــلاك
    ومن بعد ذا الا تصحب النذل يعديـك = وعن صحبة الانذاك حاشاك حاشاك
    ترى العشير النذل يخلف طواريـــك = وانا ارجي انك ما تجي دون ابــــاك
    والهقوه انك ما تجي دون اهاليــــك = ولا ظن عود الورد يثمر بتنبـــــاك
    والحر مثلك يستحي يصحب الديــك = وان صاحبه عاعا معاعات الاديـاك
    لا تسمع قول الطرف يوم يلفيــــــك = بالكذب يقضي حاجته كل ما جــــاك
    من نم لك نم بك ما فيه تشكيـــــــك = ويلاه قد ازرا رفيقـــــك وأزراك
    عندك حكا فينا وعندي حكا فيـــــك = واصبحت كارهنا وحنا كرهنــاك
    ماخطاك ما صابك ولو كان راميـك = وللي يصيبك لو تتقيت ما خطـــــاك
    مير استمع مني عسى الله يهديــــك = النصح يا مــالك لك االله مـــــــولاك
    عندي مظنه ما تمثلتها فيـــــــــــــك = واطلب لك التوفيق من عند مـــولاك
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  2. #2
    تاريخ التسجيل
    Mar 2004
    المشاركات
    1

    شكر

    بسم الله الرحمن الرحيم
    السلام عليكم ورحمة الله وبركاته
    الاخ العزيز عقال اشكرك على الاختيار الرائع لهذه القصيده

  3. #3
    تاريخ التسجيل
    Jan 2004
    الدولة
    وهل يخفى القمر!!
    المشاركات
    597
    رحم الله الشاعر
    الصراحة قصيدة فيها من الحكم الكثير
    لكن .. خل عنك قصيده.. وبس
    شكراً لحسن اختيارك
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  4. #4
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489


    شكراً أخي العزيز عقال على هذه المشاركه الجيده والجميل بحق

    وصح لسانك ويعطيك العافيه

    ونتطلع لجديد

    وتقبل تحياتي // العاشق الولهان

  5. #5
    تاريخ التسجيل
    Feb 2004
    المشاركات
    120
    يعطيكم العافية على الردود

  6. #6
    تاريخ التسجيل
    Mar 2004
    الدولة
    الرياض
    المشاركات
    31

    عافاك وصح لسانك ياعقال

    السلام عليكم ورحمة الله وبركاته
    صح لسانك ياعقال وقصيدة طيبة ولو مافيها الا :
    يـا ذيـب عاهدنـي وعـاهـدك مرمـيـك
    مرميـك انـا يـا ذيـب لـو زان مرمـاك

    ويعطيك العافية
    تراك يابالي الطبع والذمة ......... تسوقك اقدارك وربي حسيبي
    مابين لبس الثوب والعمة ......... تشوف احوال واهوال تهيبي
    img]http://www.mekshat.com/pix/upload/sign/images/mk7936.gif[/img]img]http://www.mekshat.com/pix/upload/sign/images/mk7936.gif[/img]

  7. #7
    تاريخ التسجيل
    Mar 2004
    المشاركات
    50
    السلام عليكم ورحمة الله وبركاته

    قصيده رائعه جدا ..

    جزلة المعاني ..

    شكرا على هذه المشاركه الرائعه .....

  8. #8
    تاريخ التسجيل
    Dec 2002
    المشاركات
    1,824
    يا اخوان كل مرة تمر علي هالقصيدة

    احس ان وراها شي

    يعني المسألة ما هي بس نصيحة ولد

    يقول
    امـنـول يـــا ذيـــب تـفــرس بـايـاديـك
    واليـوم جـا ذيـب عـن الفـرس عــداك

    لكيد هو يشير الى شي

    لكن وشو هالشي؟!!

    أحد يا اخوان الله يجزاكم خير يقول لنا وش سالفة هالقصيدة

  9. #9
    تاريخ التسجيل
    Mar 2007
    الدولة
    المجمعة ـ الخفيسات
    المشاركات
    106

    مشاركة: يا ذيب عاهدني وعاهدك مرميـــــــك***مرميك انا يا ذيب لو زان مرمـــاك

    أخوي عقال مشكوووووووووور على القصيدة

    فيه قصيدة فيه قصيدة يقو مطلعها
    التايه اللي جاب مصري يقنه مدري من تكون له نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  10. #10
    تاريخ التسجيل
    Jun 2006
    المشاركات
    466

    مشاركة: يا ذيب عاهدني وعاهدك مرميـــــــك***مرميك انا يا ذيب لو زان مرمـــاك

    اخوي عقال...
    صح لسان قيله
    ونقله
    بس طويله ممله
    لو صوتيه كان ازين
    بس مشكووووووور
    لا إله إالا الله
    محمد رسول الله
    °°

  11. #11
    تاريخ التسجيل
    Nov 2007
    الدولة
    نجد((جعلها السيل))
    المشاركات
    976

    رد: يا ذيب عاهدني وعاهدك مرميـــــــك***مرميك انا يا ذيب لو زان مرمـــاك

    مشكوووووووووووووووورررررررررر
    لا إله إلا الله

  12. #12
    تاريخ التسجيل
    Dec 2006
    المشاركات
    624

    رد: يا ذيب عاهدني وعاهدك مرميـــــــك***مرميك انا يا ذيب لو زان مرمـــاك

    صح لسانك ويعطيك العافيه

  13. #13
    تاريخ التسجيل
    Jan 2008
    المشاركات
    202

    رد: يا ذيب عاهدني وعاهدك مرميـــــــك***مرميك انا يا ذيب لو زان مرمـــاك

    ياسلام ابيات درر من جواهر وياقوت
    خاصه هذي الابيات فيها من المعاني الكثير
    تشكر على الاختيار الطيب

    مـن نـم لـك نـم بـك مــا فـيـه تشكـيـك
    ويـــلاه قــــد ازرا رفـيـقــك وأزراك
    عنـدك حكـا فينـا وعـنـدي حـكـا فـيـك
    واصبـحـت كارهـنـا وحـنـا كرهـنـاك

  14. #14
    تاريخ التسجيل
    Oct 2007
    الدولة
    رغبه
    المشاركات
    561

    رد: يا ذيب عاهدني وعاهدك مرميـــــــك***مرميك انا يا ذيب لو زان مرمـــاك

    شكرا اخوي على القصيده الجزله والحكيمه

    احيي ابن عمي سبيع الغلباء وجميع الاعضاء

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •