استشاره في الفورد

[abdul000]

ياربع انا معي كراون فكتوريا 2008 وصوتها مكتوم وشكيت عليها في الوكاله قالو سليمه والسبب الرصاص الي يجي في الشكمان هل تنصوحوني اشيهله وهل في طريقه اذا شلته ماتولع لمبة المكينه لانها حصلت مع واحد من العيال بس موتره 99 والشي الثاني هي جايه شكمان واحد هل فيه ضرر لو ركبت شكمان ثاني وشكرا

[أبا مجاهد]

هلا اخوي

انا معي فكتوريا وفكيت دبة الرصاص وليتني مافكيتها

صحيح ان المكينه ينخفض ضغطها شي بسييط

لكن صوت الموتر سار عااالي وعزمه طاح عن اول 20%

فنصيحه لاتفكها ولو كان فيها مضره ماركبوها الشركه

الشي الثاني تقدر تركب شكمان ثاني والشغله كلها تركيب الماصوره والكنداسه فقط وبدون توليف لوجود مكانها ..

لكن وجهة نظري الشخصيه اني اخليها مثل وكالتها

اتمنى لك الاستفاده

[abdul000]

مشكور على مرورك بس ياحبيبي انا موتري مستورد امريكي مب سعودي هل موترك نفس الشي والشي الثاني هل ولعت لمبه المكينه يوم فكيته السبب الي يخليني افكر افكها لان الموتر ماتفصل مراوح بسسب الحراره بس ماترتفع وقالو لي الورش السببب الرصاص وانا والله محتار

[ابو انس2006]

أسمعني ياخوي اذا ان موترك أستخدام امريكي ففك الدبات الصغيره حقة الرصاص وما راح تندم
واذا انت بالدمام فتوجه الى مصنع العتيبي بالدمام وهو متخصص بالشكمانات وتفصيلها

وثاني شي واهم شي لازم تفك الرديتر وتسيخه وتنظفه وموترك أن شاء الله يطلع 100%

وتري هذا الكلام من واقع تجربه لي على موتر مورد فكتوري موديل 2003

دمت بود

[سوبر VTC]

اغلب السيارات المستورده به حساسات اوكسجين
غالبا يكون راكب على القزوز
و ظيفته يقلل صرفيه البنزين بمعنى انه يقلل من عمل البخاخات ما يبخن كل شوي
و هذه تسبب ان العزم كاتم و يحتمي الموتر
غالبا ان دبه الرصاص تكتم العزم
الفورد الجديد به نظام انه البخاخات ماتعطي بنزين الا اذا خلص البنزين اللي بحجرة الاحتراق نهائيا اللي هي غرفه الاحتراق/البستم
لذلك يوفر لك البنزين بشكل اقتصادي

انتبه من الحرارة لا ترتفع
لانه الامريكي المستورد رصه وحده الاديتر
موفق

[abdul000]

مشكورين على مروركم الحراره على النص بس المراوح ماترتاح والموتر مكتوم بس الدبات الصغيره اذا فكيتها في حساس والاحساس راح يولع لمبه المكينه ف وش الحل اني افكها وماتولع اللمبه والله يجزاكم خير كل احد ن بسمه

[Magellan]

سبق وأحد الأخوان أستفسر عن نفس حالتك إلا أنه كان قد فك الدبات وولعت هليه لمبة المكينة، وردي كان بالإقتباس أسفل:

حساس الشكمان الموجود بعد دبات التلوث سهل جدا ابعاد الرسالة التحذيرية بالطبلون والحل إنك تبعد الحساس عن قراءة الشكمان ، لأن الإستخدام الأمريكي أول ماتبيعه الصالات تفرغ دبات التلوث في الورش فبالتالي الحساس يقرأ نسبة تلوث عاليه ويعطيك رساله CHECK ENGINE SOON والحل تجيب وصله مثل اللي تحت بحيث تخدع الحساس من القراءة

تركبه على الماصورة ثم تركب الحساس وبالتالي مايكون الحساس مباشرة يلتقط المعلومات من ماصورة الشكمان
وأخبر فيه ورش بشارع الجمعيه بالرياض الصناعيه القديمه ،أخر الشارع وأنت وجهك غرب ، فيه ورش على اليسار مكتوب نشيل علامة CHECK ENGINE وأغلب لوحاتها مكتوب صيانة الفورد فأتوقع إنهم يعرفون لها الحركة
وأنصحك تقرأ عن حلها بهالرابطين:
http://www.assayyarat.com/forums/sho...d.php?t=141426
http://forums.bimmerforums.com/forum...d.php?t=525568

[المميز99]

جزاكم الله خير

[abdul000]

الله يبيض وجيهكم لاكن نبي الراي لاخير نفكها ولا لا وين اقدر احصل الحساس وين افضل ورشه انا من سكان الرياض والله لايحرمكم الاجر

[ابو انس2006]

الدبات تقدر تشيلها من دون ما تفك الحساسات

واكثر المحلات الحين يسونها

والطريقة يفكون لك الدبه ثم يشيلونالرصاص الذي بداخلها ويعيدون تركيبها

[abdul000]

لاكن ياخوي ابو انت المشكله في قرات الحساس لمستوى الكربون

[abdul000]

للتعديل اخوي ابو انس@@@