المشاركة الأصلية كتبت بواسطة تاهو2007
ألسلام عليكم ورحمة ألله وبركاته
أحبتي
عندي ألسيارة طبعاً تاهو 2007
قمت بتغيير حساس البخاخ وقيمته من الوكيل 750
لأن الأول بعد مافكوه ونظفوهـ صار ال RPM عالي ومايقدرون يعدلونه
المهم غيروا واحد جديد وسوينا برمجه جديده وطفت لمبه ال تشيك انجن
ولكن لاحظت شيء منذ استلامي للسياره
وهي أنني حينما أهدي السرعه وتنزل تحت الأربعين بشوي
يكون فيه رجه بسيطه او اهتزاز
رجعت لهم وقالوا يمكن من الفرامل .. لكن الرجه تجي من غير ما اكون ضاغط الفرامل ... يعني لو أهدي واترك السيارة وتوصل أربعين تجي الرجه
المهم أني سويت فحص للفرامل .. وما أختفت الرجه الي ألحين
الرجه أشبه ماتكون ب الأرتجاف البسيط اللي تحس فيه وتسمع له صوت بسيط
والله مدري وش السبب !!
هل البرمجه فيها عيب
على الرغم من انهم فحصوها مره ثانيه بجهاز الوكاله وماطلع معهم شيء
وش السواة يالربع
مشورتكم لاهنتوا
وعـــلــيــكــُم السلام ورحمة الله
ولا تهون .
في الغآلب زي ما تفضل به الأخ الحبيب / البآثفندر .
يمكن وبقوة أن ســُرعة الخمول الوآطية عندك نآزلة عن الحد الأدنى
أو تحوم حول الحد الأدنى .
المشاركة الأصلية كتبت بواسطة الباثفندر 3.5
اخوي كيف ال rpm عالي و ما يقدرون ينزلونه!!!
المفروض تشكتي عليهم هالحراميه لانهم لعبو بالموتر و الرجفه احتمال من الكفرات يمكن من الوقفه حبلت او من كراسي المكينه
أخي / الباثفنندر
سؤآلك بالبديآية صحيح ومزبوط 100% :
أذا ســُرعة المـُحرّك { د ف د RPM } تنزل عن الحد الطبيعي .
يرتجــّف المـُحرّك والسيآرة جديدة ما أمدآها تخرب كرآسي المـُحرك ولا كرآسي القير .
نبغى منك أخي صآحب الموضوع تــُرآقب دورآت المـُحرّك { د ف د RPM }
زي ما تفضل الأخ الكريم / باثفندر وفقهُ الله .
وبعدين نشوف أن شاء الله يكون فقط هو السبب .
وأذا هو السبب فتحتآج :
تنظيف صمآم الهواء IACV .
يقع على وبمدخل الخآنق { الثرتل بدي Throttle Body } .
أذا بتنظف أي حسآس والمُحرك مطفي :
فأفصل أصبع البطآرية السآلب .
وبعض الأحيآن بعد التنظيف أو تصليح أي حسآس أو تغيير البطآرية ببعض السيآرآت
تحتآج تنتظر يومين أو ثلاثة وأنت تستخدم السيآرة حتى تعود طبيعية .
تــُسمى أستعآدة التعليم { ري لرن Re-Learn }
يعني الحآسوب يستعيد أستيعآب اللي حصل .
أكثرها ما يأخــُذ 15 دقيقة ويستعيد ذآكرتهُ { وعيــُه } .
أذا أنك دوبك مسوي التنظيف فلا تستعجل بيستعيذ الذآكرة ويفيق من غيبوبته .