Canon SX60 HS الجديده والزوم الخرافي

[Hamadq8]

السلام عليكم

صبحكم الله بالخير وهذي اول مشاركة لي انشالله اني اكون خفيف عليكم

اتقبلوني بينكم اخوكم الصغير من الكويت - حمد

شباب اذكر من سنتين دخلت عندكم وقريت عن كاميرا قديمة عندكم واستفدت منكم جدا عسالله يعطيكم الصحة 😊

اما الان فانا جيتكم بموضوعي الجديد عن كامرتي الجديده شريتها قبل اسبوعين تقريبا من الحارثي او بالاحرى تاريخ 22-10 الي فات كانون اس اكس 60 الجديده

امانتا ماني محترف لكن بذكر لكم مميزاتها الرئيسية

زوم اوبتيكال حتى 65
زوم بلص حتى 130
زوم العادي حتى 260

بصراحة زومها خرافي اما الميغا بيكسل 16.1
وفيها واي فاي انقل الصول للايفون والجلكسي عن طريق قطعة واي فاي مباشر

وفيها ميزه اعتقد جديده بالكاميرات مو متاكد لاني هاوي جديد الميزه هي التركيز التلقائي بالفيديوا على شخص معين اكون انا محدده وتصير الكاميرا مركزه عليه لو بين 10 رياجيل التركيز عليه لحاله يعني لو يروح اقصى اليمين او اليسار الكاميرا تلقائياً تتحكم بالروم عشان لايخرج من اللقطة الي محدد انا علية التركيز بصراحة ميزه قوية

وتصويرها فل ات دي 60 اطار و الموديل الي قبلها كان حده 30 اطار
وفيها مميزات جديد عن الـsx50 بس ماتحضرني امانتا وبنزل لكم صور عنها انشالله وهذا الموضوع اعتبروه متواضع لانه الاول لي وقاعد اكتب من التليفون

شكرا لكم

[ابو ايمن]

حياك الله اخ حمد

ونرحب فيك بيننا

ونشكرك على المعلومات المفيدة

تقبل تحياتي

[فارس شراز]

عليكم السلام.
حياك الله بمكشات وبداية قوية وننتظر الأقوى بملكة الزوم الجبارة.

أتمنى توضح أسعار الكام يالغالي؟

[عزام الصوان]

حياك الله احمد
تكفى اخوي انك تشرح طريقة تشغيلها واستعمالها
من الصفر الى اعلى شي
انا شريت الكمره وامس شحنوها لي من الرياض
وللان ماوصلت
بس مشكلتي انا ماعندي اي خلفيه عنها.
واخاف انها تعذبني باستخدامها

انتظر ردك مع شرحك الوافي

[فارس شراز]

تفضل أخوي عزام هذا المهم والأهم الي لازم تفهمه.

أتمنى توضيح أسعارها وبكم شريتها مع الشحن للشرقية؟!!

مبارك عليك مقدما .

[عزام الصوان]

تفضل أخوي عزام هذا المهم والأهم الي لازم تفهمه.

أتمنى توضيح أسعارها وبكم شريتها مع الشحن للشرقية؟!!

مبارك عليك مقدما .

الله يجزاك كل خير اخي فارس

الله يبارك فيك ويحفظك ربي

شريتها من الحارثي ب 1800 والشحن عليهم لاي مكان بالمملكة

[فارس شراز]

وياك يالغالي.

لدي النسخه القديمه 50 أكبر عيوبها ظهور صوت الزوم بتسجيل الفيديو والنسخه الجديده 60 لايوجد بها هذا العيب وتعتبر ميزة أخرى تضاف لها.

حسب خبرتي المتواضعه لايوجد أفضل منها لعشاق الصيد .

جاري شرائها وضمها لمجموعة الكانون

بإنتظار أحد الأخوان تصوير القمر إذا ماسبقتكم أنا

[Hamadq8]

الف شكر للمرور و المشاركات شباب

اخواني الكاميرا سهله جداً جداً الى درجة اني ما استخدم كاميرات وهي اول كاميرا شريتها بحياتي ومالقيت ولا موضوع يتكلم عنها إلا اني اعرف لـ٧٠٪ منها لحالي بسبب اللغة العربية الي فيها ونظامها السهل جداً جداً

اخوي عزام حط وضع الكاميرا على الاوتو من الفراره من فوق و استعملها في كل المجالات والحلات وهي الكاميرا تلقائياً تعدل وضعها حسب الوضعيه الي انت فيها

واذا تبي تفنن وتلعب في وضعياتها حطها على المنوال M يكتبولك بالعربي اي وضعيه تبي (( تحت غيوم او اضائة قوية او خافته او تصوير هدف سريع او تصوير ليلي ...الخ

وكل شي فيها سهل جدا جدا

بخصوص الاسعار : انا شريتها من الحارثي و استلمتها في الخفجي سعرها ١٨٠٠ ريال + ميموري ١٦ جيجا عادي و جنطة

بس اليون نزلت عندنا بالكويت في اللكترونيات الغانم : ١٥٠ دينار + ميموري وجنطة.

بس ملاحظتي الوحيدة فيها ماتصور فوتوغراف اثناء تصوير الفيديوا كسابقتها الــsx50

والف شكر مره ثانيه للتفاعل شباب ��

[عزام الصوان]

الف شكر للمرور و المشاركات شباب

اخواني الكاميرا سهله جداً جداً الى درجة اني ما استخدم كاميرات وهي اول كاميرا شريتها بحياتي ومالقيت ولا موضوع يتكلم عنها إلا اني اعرف لـ70٪ منها لحالي بسبب اللغة العربية الي فيها ونظامها السهل جداً جداً

اخوي عزام حط وضع الكاميرا على الاوتو من الفراره من فوق و استعملها في كل المجالات والحلات وهي الكاميرا تلقائياً تعدل وضعها حسب الوضعيه الي انت فيها

واذا تبي تفنن وتلعب في وضعياتها حطها على المنوال M يكتبولك بالعربي اي وضعيه تبي (( تحت غيوم او اضائة قوية او خافته او تصوير هدف سريع او تصوير ليلي ...الخ

وكل شي فيها سهل جدا جدا

بخصوص الاسعار : انا شريتها من الحارثي و استلمتها في الخفجي سعرها 1800 ريال + ميموري 16 جيجا عادي و جنطة

بس اليون نزلت عندنا بالكويت في اللكترونيات الغانم : 150 دينار + ميموري وجنطة.

بس ملاحظتي الوحيدة فيها ماتصور فوتوغراف اثناء تصوير الفيديوا كسابقتها الــsx50

والف شكر مره ثانيه للتفاعل شباب ��

الله يبشرك بالخير وعساها مبروكة وفالها خير عليييك يارب

بعض الاستفسارات :
هل يوجد فيها مؤقت تصوير يعني لو كنت لحالي انا
والكمره ثابته اقدر اصير قدامها واتصور

هل يوجد فيها تصوير ليلي على مسافه بعيده من دون وجود اضائه
وهل يكون واضح..

كيف طريقة نقلهن للجوال عن طريق الواي فاي

[Hamadq8]

الله يبشرك بالخير وعساها مبروكة وفالها خير عليييك يارب

بعض الاستفسارات :
هل يوجد فيها مؤقت تصوير يعني لو كنت لحالي انا
والكمره ثابته اقدر اصير قدامها واتصور

هل يوجد فيها تصوير ليلي على مسافه بعيده من دون وجود اضائه
وهل يكون واضح..

كيف طريقة نقلهن للجوال عن طريق الواي فاي

نعم اخوي فيها موقت ذاتي للتصوير الذاتي 10 ثواني وتقدر تغيير عدد الثواني

بالنسبة لنقل الصور للايفون مالي تنزل برنامج كانون الرسمي من الابل ستور وتشبك الكاميرا على نفس الواي فاي الي انت شابك منه وتلقائي البرنامج يعرضلك الصور والي تبي تخزنهم عندك بس تحط صح عليها وتنزلها

شكرا لمرور

[خالد الغنامي]

شريتها اول ما نزلت في اكتوبر الصراحة اني ندمت اني شريتها

ازعجونا بزومها الجبار بس للاسف زووم الكام فاشل
ما فائدة الزوم اذا جودة الصوره 0
واذا استخدمت الزوم لا تستطيع توزن الصوره والجودة فاشله بكل ما تعنيه الكلمة

في التصوير العادي بدون زوم تصويرها رائع