شاعر الخيمة >>>>>>>>> >>>>>>>>> >>>>>>>>>

[أبوعبدالرحمن99]

إخوتي أعضاء خيمة القصائد :

السلام عليكم ورحمة الله وبركاته،،

وبعد
فبناءا على مشورة أخي الغالي أبو حمد ، شاعرنا عدم الانحياز ،، و في محاولة منا لكسر هذا الجمود في هذه الخيمة التي تستحق منا الكثير ،، و من خلال رصيد لها سابق غني بدرر وجواهر ثمينة في قيمتها الأدبية لا يعدلها أي قيمة مادية،، فضلاً عن أن هذا الجهد الرفيع تم من خلال أشخاص كانوا و ما زالوا قدوة في العطاء والتعامل من خلال ما نلمسة اثناء مطالعة متصفحاتهم ،، فإرثهم الثري الموجود لايزال مرجعاً نستقي منه فناً وبراعة و نقتبس منه إبداعا و توهجا ،، بارك الله في الأحياء وتجاوز عن الأموات وعمنا و إياهم برحمة منه و رضوان .


أحبابي :
موضوعي هذا ليس جديداً على الساحة العامة فقد وجدته في كثير من المواقع بين النشاط والخمول على درجات متفاوتة إلا أنني حاولت أن أُدخل على هذا الطرح سمة جديدة من خلال التسمية وبعض الشروط - وما هي إلا محاولة آمل أن يشارك فيها المتمكن والمبتدئ لترسم صورة عن مستوى الحركة الحقيقي في الخيمة والذي لا نشعر به لشح المشاركات في ظل وجود مشاهدات بل ان الملاحظ هو تضخم المشاهدات في بعض المواضيع لأسباب غير معروفة ،، المؤكد أنها تخفى علي شخصيا ولا أفهم لها سببا .

الموضوع يكون وفق الاشتراطات التالية :
1 - تكون المشاركة من خلال بيتين (على الأقل) مع بقاء عدد الزيادة مفتوح .

2 - تكون بداية البيتين بآخر حرفين من أبيات الشاعر السابق لك .

3 - يجب ألا يكون ضمن قافية المشاركة الجديدة أي حرف من القافية السابقة .

4 - لا يشترط الالتزام بالطرق واللحن السابق .

5 - يجب أن تكون الابيات من بدع العضو نفسة وعدم قبول أي منقول ،، و يتم حذفه .

6 - البعد التام عن توجيه الأبيات لشخص معين حتى لا يتم حكر المشاركات بين شخصين وكأنها مساجلة .

7 - في حال رغب الشخص في نقد ما يقدم فيجب عليه أن يعطي الأبيات المراد نقدها اللون الاحمر أو يشير الى ذلك كتابة..



بالتوفيق للجميع

[عدم الانحياز]

وعليكم السلام ورحمة الله وبركاته
وحياك الله اخوي الفاضل مشرف خيمتنا العامرة بفضل الله ثم بموروث شعرائها السابقين وعطاء شعراءها الحاضرين
وان كنت اظن اني لا استحق ان يشار الى اسمي خلال هذه الافتتاحية لعلمي انني لم افعل ما يستحق ان انال به هذا
الشرف ولكنه كرم الطيبين وتواضع الكبار . هذا للتوضيح مع شكري وتقديري لك استاذنا القدير ابو عبدالرحمن
كلل الله جهودك بالنجاح والتوفيق وما انا الا عضوا لن تجد مني الا المؤازة والمعونة والشد على عضدك شأني شأن
كل اخواني الذين اعلم فيهم كريم السجايا مع تحملهم اسوة بك حمل هم الرقي بهذه الخيمة من خلال تواجدهم هنا

اتشرف بالمشاركة الاولى :

من لامني في الزين والزين مطلوب
مطلوب غالي ولحراوية طلاب
هاك استلم قاف به اللحن مسكوب
مسكوب جوف النحل حلو وسكاب
ذايب وسط در الاباكير محلوب
محلوب ساقه للخطاطير حلاب
يستاهله شاعر زهى قافه اسلوب
اسلوب يسلب حاز الاعجاب سلاب

ودمت سالمين

[ام الدجيجات]

وعليكم السلام ورحمة الله وبركاته

وحياك الله اخوي الفاضل مشرف خيمتنا العامرة بفضل الله ثم بموروث شعرائها السابقين وعطاء شعراءها الحاضرين
وان كنت اظن اني لا استحق ان يشار الى اسمي خلال هذه الافتتاحية لعلمي انني لم افعل ما يستحق ان انال به هذا
الشرف ولكنه كرم الطيبين وتواضع الكبار . هذا للتوضيح مع شكري وتقديري لك استاذنا القدير ابو عبدالرحمن
كلل الله جهودك بالنجاح والتوفيق وما انا الا عضوا لن تجد مني الا المؤازة والمعونة والشد على عضدك شأني شأن
كل اخواني الذين اعلم فيهم كريم السجايا مع تحملهم اسوة بك حمل هم الرقي بهذه الخيمة من خلال تواجدهم هنا


اتشرف بالمشاركة الاولى :



من لامني في الزين والزين مطلوب


مطلوب غالي ولحراوية طلاب
هاك استلم قاف به اللحن مسكوب
مسكوب جوف النحل حلو وسكاب
ذايب وسط در الاباكير محلوب
محلوب ساقه للخطاطير حلاب
يستاهله شاعر زهى قافه اسلوب
اسلوب يسلب حاز الاعجاب سلاب



ودمت سالمين



حى الذى يكتب على كل مسحوب
ينقش بيوت الشعر قافيته أأأأأب
لاجره هجينى غدا الجاش مسلوب
باإسلوب يسلب حاز الإعجاب سلااب
أبيات جزله مالقووو فيهن عيوب
حاز الشهاده من خويه والأصحاب

أم الدجيجات

[ام الدجيجات]

أم الدجيجااااااات

[أبوعبدالرحمن99]

ببداية المبدا سلام
ود و تحية و احترام
غالين يالربع الكرام
و الكل له منزل كبير
ساكن غلاكم في القلوب
في كل ركن و كل صوب
و الود ما هو بمْحسوب
ما له قياس و لا نظير

[ام الدجيجات]

[QUOTE=أسير النور;10534827]






ببداية المبدا سلام
ود و تحية و احترام
غالين يالربع الكرام
و الكل له منزل كبير
ساكن غلاكم في القلوب
في كل ركن و كل صوب
و الود ما هو بمْحسوب
ما له قياس و لا نظير



















أسيييييييييييير النوووووووور


أهلااا هلااا بولد الكرام
شوقنى تغريد الحمااام
يجر صوته ياسلااام
والجاش مخطورن يطير

شوقنى نظمك للشعر
بيوتك معانيهن جمرر
إكتبهن وإبدع بالسطر
وإعلم ترا قلبى خطيير

أم الدجيجات

[عدم الانحياز]

باعتبار ان آخر حرفين عند اختي ام الدجيجات (ير) فابدى بها - استلموا



يرقى على الملحون مع هاجسه قاف
ولشجرة الالحان قصده توقف
ينقى ترانيم الشعر قطف ولقاف
اللي تطير مع السماء يلقفه لقف
يا شاعر الخيمة كثير لك اشقاف
خصص لنا من زود جودك ولو شقف


ودمت سالمين

للي بعدي (ق ف)

[احمدالدمام]

حرك سكون اهل الخيام
واطلق جناحك بالغمام
وغادر ميادين الظلام
وادخل على ربعك سرور

مافيه عذر(ن) للغياب
كلاً نبي منه الجواب
شارك تفاعل بالخطاب
لا تنغمس وســط القبور

[أبوعبدالرحمن99]

ورا كل راعي طيّبة بالجمايل دار
كريمة تسقّى طيبته من منابعها
و ورا كل هافي طبع من معدن الاشرار
ديارن تربى و انتشى في مراتعها

[الحزوبر]

هاض قلبي لعبكم يالمطاليق الحشام
ولاقصور بلعب بنت الرجال اخت الرجال
ابدع القيفان ويهيضني نوح الحمام
شاعرن قلبه خضر ماتغيره الليال
ياهل الخيمه سلام وتحيه واحترام
عد ماهل المطر من مقاديم الخيال

[أبوعبدالرحمن99]

هاض قلبي لعبكم يالمطاليق الحشام
ولاقصور بلعب بنت الرجال اخت الرجال
ابدع القيفان ويهيضني نوح الحمام
شاعرن قلبه خضر ماتغيره الليال
ياهل الخيمه سلام وتحيه واحترام
عد ماهل المطر من مقاديم الخيال

يا هلا يا مرحبا شاعرنا الغائب الحاضر في القلوب :D ،،
أنتهز الفرصة للترحيب بك من جديد.

[عدم الانحياز]

ارحب يالحزوبر
والله اني شفت معرفك وفرحت به ولا بغيت اسبق مشاركتك لاني توقعتها
نفرح بك وانت ما تعرفنا لكن نعرفك من اثرك الطيب



الهوى ذعذع وبنه كادين وبدهن عود
مرحبا مثنيةٍ بالشاعر لداره وعاد
للحزوبر وسط خيمتنا حضور وفيه فود
كم قديمن نستقي منه ومنه نستفاد
جعلها طله ويتبعها توابيعن وزود
الرصيد بشوف مثله زايدن قدره وزاد



ودمت سالمين

للي بعدي (ا د)

[الحزوبر]

اسير النور وعدم الانحياز اشكركم على حفاوتكم وترحيبكم ويعلم الله قدركم عندي والدنيا تشغلنا عنكم وانتو دايم عالبال حتى لو ماشاركنا

[الحزوبر]

ادلهم الليل والمزن به برق ورعد
ضوح برقه نور وصار للساري دليل
البقا ياللي ترحب وجيتك مستعد
افرح بشوف المطاليق هيل بدون كيل
والله انا لو ماجينا على حسب الوعد
ان لكم فالقلب ياصحابنا ذكرن جميل

[احمدالدمام]

يلي تبي العلم الأكيد
الليل اقبل من جديد
يلوي هجوس الي وحيد
لين ايتعداء منتهاه

اه من صروف الدهر
تستهلك ايام العمر
ما تامن النفس الخطر
وكل شي بتدبير الآله

[ابو البر]

له من الحب دنيا بيت يسكن به حياه
وحده اللي حكم به ووحده اللي قضاه

أنجهر شوف عيني كل ماحرك يداه
والتهدد بموتي كل ما حرك شفاه

[عدم الانحياز]

مع التحية - استلموا لاعدمتكم




اهز الغصن واطمع في الثمر مع شجرة الايام
وانا مروي ثرى عرقه وراعي الفضل هو الاول
والا ياعزتي للي شكى كبره وزود اسقام
قعوده عقب ما ماكل عطى المجلاد ثم شول
لا عاد له رجعة وهو سِمح من حاضره ثم شام
الا ليت الزمن يرجع وحملي دون ما تول



ودمت سالمين

شاعرنا القادم (و ل)

[ام الدجيجات]

إلى الشاعر التالي





و لو مريت أبكتبلك بيوتن وأختمه فى أأأش
وإذا أستصعبت من قافى ختمته لك بحرف الإيش
أنا ودى على المسراا.. وأحب الليل والمغباااااش
أناجى نايح القمرى وأسابق أمهااات الريييش
لوإنك تدرى عن قلبى وهمن ساطين بالجاش
علومن تذهل العاقل ويجهلها الذى به طييييش

شاعرة مكشات أم الدجيجات

و اذا تم الرد تولم ياللي بعده بس ،،،
تولم يعنى تجهزززز

[عدم الانحياز]

مع التحية - استلموا لاعدمتكم



يشع بها القصيد ومرحبا مدخن ومعه طشاش
طشاش الطايفي دهنن وعودن فوق جمر يطيش
.
.
حشيمة ياحشيمة والقصيد بذوق ماش خراش
وِلا جيته تهزه هزك وصابك بزود خريش
.
.
ولا باسن ولا باسن الا ياجعل مابك ماش
وياجعله كما صبغن على شعرك بذاك الميش
.
.
تجدد طلتك ثم انتقض لك بالطبيعه عاش
ولولا المر والحلوة نجافي لذة فالعيش
.
.
ابدعي لك مع الملحون لا شرن ولا لك ناش
وحذرا نوطة العالي تمزع كتفك وما نيش
.
.
نقيتي الصعب ظنك صعب غيرك يصرفه بالكاش
كما صرف المكاين نقد من جاها يبي التكييش
.
.
بغيت الوذ عن طرقك واحط لقافك المهماش
وشفت الفن ذا راقي ولا يستاهل التهميش

ودمت سالمين

(ي ش)

[بن عويف]

يشوقني ذب الخرايم مع الطير
ويزيد شوقي لا روى القاع ودان
البر له في داخل الجاش تقدير
والطير له بين المحاديب مسكان
#بن_عويف

[احمدالدمام]

ان كان شفك سجة بالبراري
احرص على شقران لايبتعد عنك
اسبره لاحلق لطرد الحباري
لاتخلي ادني شي ياخوي يشغلك

[أبوعبدالرحمن99]

لكسب الجمايل بين الاجواد عالي شان
هني من دروبه للجميلات وفّقته
يبي يصير بالحاضر على النايفة عنوان
و بالقادم المستور تزهى به ورقْته

[أبوعبدالرحمن99]

يشوقني ذب الخرايم مع الطير
ويزيد شوقي لا روى القاع ودان
البر له في داخل الجاش تقدير
والطير له بين المحاديب مسكان
#بن_عويف
حيا الله بن عويف ،،
اسفرت و انورت ،،
تشرفنا و سعدنا بحضورك طال عمرك ،،
أملنا بمزيد من التواصل ،،
دمت بسعادة و توفيق .

[احمدالدمام]

تهيا ما تهيا من جمال الطرح والعنوان
نواصل هل الخبرات ونسمع فرايدها
عسى الله يجملنا مع هل الشعر والميدان
ونجدد حروف ( ن ) للقوافي ما نرددها

[ابو البر]

هانت العشره معك ياللي مقفي
وين حلفك يوم كفك في يدي

والله ان الودّ في قلبي موفي
بس حظي طاح في شخصن ردي

[بن عويف]

حيا الله بن عويف ،،
اسفرت و انورت ،،
تشرفنا و سعدنا بحضورك طال عمرك ،،
أملنا بمزيد من التواصل ،،
دمت بسعادة و توفيق .

النور نورك نفداك
ومعكم معكم ان الله يسر وما نيب مجنب
راع الولع لا تلومه ما له ديره ولا تمسكه الارض

تحياتي لك وللجميع

دير النظر يا صاحبي في خوافيك
صف النوايا كان جاها نوايا
وادمح وســامح كان تبغا عــوافيك
ترا النوايا هي علاج الخفايا
بن عويف

[احمدالدمام]

يالي تبي تجمع خصال حميده
عليك بتقوى الله يثبت خطاويك
واستبسل بكسب الأمور الفريده
وجار الذي بالخير دايم يجاريك

[عدم الانحياز]

يكسر جمود الصمت عقب السهاوه
قاف نقوا تقراه كل المخاليق
ياكاتبين الحرف وش ذا الحلاوه
الله يجمل حالكم يالمطاليق
الجو في الخيمة بزايد طراوه
والفكر سابح شف طيوره محاليق
سافرت معكم في محاري لجاوه
واعود اصحى في رياض زماليق
الله يبيض وجه راع النقاوه
من شارك الصفحة حروفه مداليق

ودمت سالمين

[احمدالدمام]

يقولون اهل العلم والله اعلم
اصبر ترى بالصبر تفرج همومك
ولتناقش الجاهل بامر مسلم
يشتت افكارك ويذهب علومك

[ابو البر]

النور نورك نفداك
ومعكم معكم ان الله يسر وما نيب مجنب
راع الولع لا تلومه ما له ديره ولا تمسكه الارض

تحياتي لك وللجميع

دير النظر يا صاحبي في خوافيك
صف النوايا كان جاها نوايا
وادمح وســامح كان تبغا عــوافيك
ترا النوايا هي علاج الخفايا
بن عويف
انت واسير خالفتو نظام الخيمه
ترى بشتكي للمشرف

[ابو البر]

دير النظر يا صاحبي في خوافيك
صف النوايا كان جاها نوايا
وادمح وســامح كان تبغا عــوافيك
ترا النوايا هي علاج الخفايا

الله اكبر عليك يابن عويف
عيد النظر ياصاحبي في خوافيك
الله الله
بيتين عن قصيده

[عدم الانحياز]

مكر الثعاله يغثي الكبد وتحوم
حتى ولو راعية من روس وشيوخ
يرجح به اللي بطرف الناس والقوم
لو هو عدوي دام قرم ومطنوخ

[بن عويف]

انت واسير خالفتو نظام الخيمه
ترى بشتكي للمشرف

وخر تراي اليوم مدري علامي
بخرق نظم كل النظم واتحدى
وان كانك بتشكي لراع النظامي
انا واسير لكل علم نتصدى
:p

[بن عويف]

دير النظر يا صاحبي في خوافيك
صف النوايا كان جاها نوايا
وادمح وســامح كان تبغا عــوافيك
ترا النوايا هي علاج الخفايا

الله اكبر عليك يابن عويف
عيد النظر ياصاحبي في خوافيك
الله الله
بيتين عن قصيده

داويتها يا صاحبي والحطب طاح
والنفس لعلومك تراها طروبه
واقبل سلام اللي بغا يصير نطاح
يا مصدر احساس العرب والعروبه

[بن عويف]

بهط لي تنكر وباهط لي ذود
وبهط لي تيرن واصيد الهباري
ولو قيل كيف الذود بااا قول في زود
وبا اعشي الحر الكطامي كماري
لاني اهب العود ما اخالف العود
بتبع هـــواها لو تدوج الحواري

:D
مشوها ذا المره نفداكم
:)
معاني الكلمات :
بهط - بحط
تنكر - وايت
تيرن - طيرن
الهباري - البط ؛)
الكطامي كماري - القطامي قماري
اهب - احب
تحياتي للجميع

[ام الدجيجات]

للجمييييييييييييييييييييع

أبنظم القيفان وأختم على أأأكااااا
من يضرب الميدان ويكمل بكيييك
إبشر بسعدك لاأستواا ثم تركاااااا
وجاب القصايد كامله بدون تشكيك
تجى القصايد وافيه بدون لكااااا
يبدع إليامنه كتب مايبى ((بيييييييييك))
مانى من اللى بالشدايد تشكااااااااا
أسرى بعتمة ليل ماأدور تريييييييييييك

أم الدجيجات

[عدم الانحياز]

الا نا فداك انت يابن عويف ان تكثر :good2:

ريحة عبسها يعدل الطيب قِطر
وردن مورد من فرنسا ومخصوص
لاصار تسرح ثم تضحي وتفطر
عشب الحيا ماهوب كيسن ومقصوص
اي بالله اتبع شفها ووين تمطر
وادبل حصصها من عطى ربي حصوص
ترتع مفاليها ولا خبر تنطر
واللي توهق يبشر الشر منصوص



ودمتم سالمين

[بن عويف]

وص الخوي لا يترك الطيب وصه
وصه تراي اليوم حيـ ن واوصيك
وان جاه من بعض الصواديف غصه
لا تتركه لا شربكت فالشرابيك
الطيب له عند الشغاميم قصه
قصة وفا يوم الايادي المفاليك

بن عويف

[أبوعبدالرحمن99]

يكبر بي الإعجاب فيما تسوقون
عز الله إلا اشوف باهي فرايد
قصيد من زينه منمق و ملحون
و غلاه عندي كلما زاد زايد

[احمدالدمام]

يد بيد نرتقي بالأساليب
ونزداد شوق بجمعة اغلى الحبايب
صحبة توردنا طوال المراقيب
في خيمة طيبه من الطيب طايب

[بن عويف]

يبو داحم واهجن فالجاش جظ
يوم قيل ان اليماني قد ظهر
شوف قلبي من لواهيبه نجظ
من شهر اتنا ظهوره من شهر

بن عويف

هـ ر
:D

[عدم الانحياز]

هرى عمره جهول وبالجهاله شايزت الاوضاع
ولا يمدي سفيه ضاع عمره يرجع الضايع
ترى حسن الطبيعه في الصغر تلفي بحسن اطباع
وطاعة ناصح منصح تجيب الخير يا طايع

[احمدالدمام]

يعاودني شعور(ن) شامخ (ن) يشتعل بالجاش
اشارك في جيوش المعركة لااعلن التجييش
واساهم في حياظ العز واكسر شوكة الاوباش
ونال النصر اوموت الشهادة ومن يعيش يعيش

[بن عويف]

هرى عمره جهول وبالجهاله شايزت الاوضاع
ولا يمدي سفيه ضاع عمره يرجع الضايع
ترى حسن الطبيعه في الصغر تلفي بحسن اطباع
وطاعة ناصح منصح تجيب الخير يا طايع

يشوشني جزيل القاف واصغي لاجله الاسماع
غميقات المعاني صيتها بين البشر ذايع
الا يهل البدايع جعل ما نعدم من الابداع
قديم المعرفه ينبيك عنه اسلوبه الرايع

بن عويف

[عجيبان]

يشعل النيران مابين القرايب
كثرت الصده وقل الاحترام
والقطيعه ذنب من بداه خايب
خايبن والحال في بيته حطام

ابواحمد الغامدي

[عجيبان]

قافي على اخوي احمد الدمام

[ابو البر]

وص الخوي لا يترك الطيب وصه
وصه تراي اليوم حيـ ن واوصيك
وان جاه من بعض الصواديف غصه
لا تتركه لا شربكت فالشرابيك
الطيب له عند الشغاميم قصه
قصة وفا يوم الايادي المفاليك

بن عويف
الله يلعن شيطانك
سبقتني
طول الليل وانا الف وادور على القافيه

[ابو البر]

يكبر بي الإعجاب فيما تسوقون
عز الله إلا اشوف باهي فرايد
قصيد من زينه منمق و ملحون
و غلاه عندي كلما زاد زايد
اسير
ليش كذا
اشوف ردودك بعض الأحيان فيها تواضع اكثر من اللازم فديتك
فلا تخدعنا تكفى .
ترانا نفهم وانا خوك.
تصور نفسك هين لين متواضع ثم ترجفنا برد مثل كذا فجأه.
بديت احس انك فتحت الموضوع هاذا علشان تتسلى علينا والله صدق.

[ام الدجيجات]

الله يلعن شيطانك
سبقتني
طول الليل وانا الف وادور على القافيه
هههههههههههههه

[عدم الانحياز]

اخي الحبيب عجيبان
السلام عليكم
مع الاحترام والتقدير والاسف والاعتذار السلسله وقفت عند ابن عويف (ي ع) ولا يجوز الرجوع لقافية من قبله وبناء عليه اطرح مشاركتي وكلي امل بتفهمك


يعاوني ونا له عون لا بجايع ولا هو جاع
ولكن نجتمع بلحون وفكرن جا لها جايع
اسامره ويسامرني على سلعه وكلن باع
وانا وياه شرايه وربح البيع يابايع

[بن عويف]

يعدون الليالي من كساه الهم والاوجاع
وحنا نجتهد نبغا نضيع وقتنا الضايع
حسايف كيف نهدر وقتنا يوم الملا هجاع
بلا ركعه ولا دعوه ولا تهليل يا شايع
بن عويف

[بن عويف]

الله يلعن شيطانك
سبقتني
طول الليل وانا الف وادور على القافيه

يعل القاف ياتي لك على مشهاك يا بو البر
وتكتب لك عشر ابيات مسبوكه وملتكه
وتتفجر قريحتكم وتكتب عن نسيم البر
وتنزف لين تصبح خيمة الشعار منتكه
بن عويف
:D
گ هـ

[عدم الانحياز]

كهن ذيك الصوامع زودوا بالضيق شرن فاع
وجاك الوسط دينك خير لا ضيقن ولا فايع
وزود حظك برطب الذكر وجهك يزور القاع
لرب واحدن فردن يسوق الرزق في القايع
كما قال الصحابي ساعه وساعه بمد وصاع
ترى من شد في دينن يشده واصبح الصايع
امرت بخير جعلك خير وزود الخير حولك زاع
وترك الذنب اوجب من مباح كثر او زايع

[راعي عرقة]

أعتبر ياسايق وأخذ اليوم عبرة
ونتبه لا تصير انت للناس عبرات
أوراق ضحايا الطرق مايجف حبرة
الله يحفظنا من كل شر وعثرات

[عجيبان]

قافي على عديم الانحياز

يعيش الكفو مرفوع راسه مدى الازمان
وعيشت ردي الساس ماحدً يدانيها
وانا غامدي الاصل و الجد من قحطان
وربعي هل الهيلا ذليلً معاديها

ونعم بجميع القبايل بس جت براسي وسلامتكم

[احمدالدمام]

هانت وزانت واستقامت ضروفك
واصبحت عقب الهم ياخوي فرحان
احمد آله ابعد اليوم خوفك
ومن عقب منتب ضاميً صرت رويان

[عجيبان]

هانت وزانت واستقامت ضروفك
واصبحت عقب الهم ياخوي فرحان
احمد آله ابعد اليوم خوفك
ومن عقب منتب ضاميً صرت رويان


انشهد انك صادقً في حروفك
ياساكن الدمام للعلم ميدان
يازينها طاعه ولاحدً يشوفك
غير الوحيد الي له الناس تندان

[أبوعبدالرحمن99]

انتبه يالذيب لا تاكل خويك
ثم تقعد لا ونيس و لا خشير
تكتسي بالحسرة و يكثر عويّك
و تمضي ايامك على شر و شِرير

[احمدالدمام]

يرحم الله من سعى بلم الشتات
رحمة من عند رب العالمين
خصه الله للنفوس الطاهرات
ويكرم الي سعيهم دنيا ودين

[عجيبان]

ينعرف علم الرجال الطيباتي
والفعول الطيبه عندي تبين
انعُم الله للخلايق شاملاتي
السمع و الشوف و العقل الرزين

[احمدالدمام]

ينبيك عن معدن هل الطيب منطق
منهم يفوح الورد ويعطر الكون
قلوبهم وصدورهم ما تغلق
وترى المراجل له علامات وعيون

[عدم الانحياز]

وندق هاجسي طرقن يمسيني ولا هو بات
ولولا الحبر حولي روح الطاروق ونبوته
الا ياصاحي حذرا تبحث شي وقته فات
ينقص من رصيد العقل والْحق حاضرك فوته
والا يا صاحبي جنب سفيه وكنك اللي مات
يولعه الطناش وعجل الحقران من موته

[الحزوبر]

تهربت مني يوم جيتك على الوعد
ونا خابرك ما تخلف الميعاد
فلا شك اباسامحك يالطيب الصخي
منا احب اويق بغرة الاجواد

[أبوعبدالرحمن99]

ادرس الموضوع و ارجع و استخير
و اعزم النية على تقوى و دين
الله العالم بما هو في الضمير
و الله لعبده على الشدة معين

[الحزوبر]

ينوح الحمام ونوحه اشقى العشاشيقي
ينوحون مثله كل ما كوسر النوحي
ونا لي زمن مادغدغتني معاليقي
عرفت الهوى مامن مطارده مصلوحي

[ابو البر]

حياتي شفتها صوره تميل احيان بعد احيان
ولا به شي يخفاكم دعاء ربي هو البرهان


اذا منه غلبني شي مثلي مثل اي انسان
لعنة ابوه ثم ابوه لأنه من خبث شيطان

[راعي عرقة]

أنا اليوم غديت ما بين شطنين
الله على الدنيا وكثرة صعايبها
ضغوط وغثى وتربية بزارين
زين سجة النفس ورجلي ادرجها

[أبوعبدالرحمن99]

هاجسي يا هاجسي
لا تحوس و لا تدوس
ان صعب عليك قاف
جيب لك غيره عروس :D

[احمدالدمام]

وسط لحضة تراحم فز حي الضمير
والمواقف لأهلها قولها بفعالها
نغبط الي تجمل بفزعته للفقير
والمراجل جواهر جابها رجالها
ومن سعى بالجمايل مثل شيخ بصير
جاهز للحمول وللجمل جمالها

[أبوعبدالرحمن99]

هاجر و سافر و اسبر ديار و ديار
تلقى الفوايد في كثير الترحّال
هاذي هي الدنيا و لا دامت لمار
الكل فيها بين راحل و نزّال

[احمدالدمام]

المشاعر والشعر واسمى الشعور
به تهيض خاطري وارسل سلام
ودون ابيات تترجمها سطور
وخص اسير النور من بين الانام
وجه طلق ويرسم البسمة جسور
وراي راشد وفكر يمشي للامام
وحكمة في حل صعبات الامور
وقلب صاحي لايلوم ولايلام
شامخ مثل البدر ويشع نور
وعالي بين البشر سامي سنام
وراسي مثل الجبل وسط البحور
لا يهزه لا رياح ولا غمام
منجم للطيب واصناف السرور
ومعدنه يزيد عام بعد عام
المكارم بين ايدينه تدور
وارثه من بيت اجواد كرام

[أبوعبدالرحمن99]

احمد المكتوم راعي الدمام ،، البستني حلة باهية ،، وما كان من عطائي هنا فهو بكم و لكم و قليل مما عندكم ،،
حفظكم الله و بارك فيكم.

[ام الدجيجات]

هلااااااااا

[ام الدجيجات]

ر

اياراكب اللى من حفيزه مطلع كااااش
ماقاصده ثم جدولوله على الراتب
دفع قيمته فى شيك مايحترى المعااااااش
كروزر أليامنه مشى يعجب الراكب
أسلم عليكم ياجماعه وأنا مندااااااش
على صغير السن فيكم وعلى الشاااا يب
زمان يضيع اللى نظيفن وقلبه شااااااااش
ويعيش فيه الملتوى ومنبعه خااااااايب
أم دجيجات

[الحزوبر]

يبا الله يسهل دربكم ياهل المطراش
مدام النوايا صافيه والهدف واجب
صلة رحم ومواجه قرابه وفرقا لاش
ولا فيه بوابات قصرن ولا حاجب
على اللي الا منه استوى الخط فيه خراش
يقرب بعيد الخد وبنمظره عاجب

[ابو البر]

جبت علمك يالحزوبر وانصحك تفهم كلامي
قد توظف الف مخبر لك ومن خالف نظامي

القنابل فوق راسك وابرة المنصع ولامي
ودنا فوق الحزام وظرب من تحت الحزامي:D

[أبوعبدالرحمن99]

ميزة الشعر بغموضه و التباس حروف نظمه
يرسمون الحرف صورة تحتها معنى و معنى
يفهمه من هو قراه بشكل في ترتيب وسمه
و يختلف مفهوم قافه عند من هو يستمعنا

[الحزوبر]

ناشني رميه خفيفه جاتني من غير رامي
غير ابا وقف لها مثل الجمل زامي السنامي
يوم بعض الناس لاجاه الحمل يرغي شمامي
ماحسبنا للخطر نمشي مع الصف الامامي
الخصم نقضي عليه لعين مردوع الوشامي

[ابو البر]

ميل عني يالحزوبر لايغرك شوف نابي
انت غرن شاف ناب وتفتكرني بن عويفي


لو توسط بالأسير ولو بيفزع لك هبابي
شقتي للثوب وارد شقتن ماله وصيفي :j

[الحزوبر]

فيك خير وبن عويفي شاعرن ماهو يهابي
والجمل قد قلت لك ماهمه حوارن صويفي

قلتها والسيف يارجال يحماه النصابي
مير صاحبني وتسلم من شبا رمحي وسيفي

[عدم الانحياز]

في مضيق الظرف ولا في وساعه
عادة الطيب تراحيب تهلي
ما يمثل سحنته وبها براعه
طايعن طبعه وطبعن له يدلي

[ابو البر]

لي مكانن بعتلي به
والبنا نظم القوافي
اتمنظر في قعودي
ياكذا وللا كوذيه


من تعنا لي بكيفه
سمها ينتج عوافي
مثل ماقالو جدودي
حوف يالرفلا كوليه

[احمدالدمام]

يهل الدمع من عين الجريح البائس المضلوم
وتبقى غصة الحسرة اسيرة نزف شريانه
تعيس يكفف الدمعة ونبضة خافق مكلوم
ويرجي رحمة الخالق اله الكون سبحانه

[بن عويف]

نهيت قلبن بين الاضلاع شلع
والكبد شفقانه على ذبة الريع
يا طير انا جاشي من البعد ولع
نتنا سهيل وطوّل سهيل ماذيع
ياسهيل ماشفت الخفوق المولع
شفقن على مدعى ذهب فالذعاذيع
#بن_عويف‬

http://t.co/Lg5HWLmwa7

[عقاب التميمي]

نشاء برقن على الوادي تلامع
ونا عيني لمنشا المزن شفقانه

دوي رعوده القصيا لها سامع
ولاكن مالقيت سيول وديانه

[بن عويف]

اخطيت الدرب ي عقاب
البدع تبدا باخر حرفين للي قبلك


يعنـــي .. كذا .. والا كذا .. والا كذا
سـوق الجزايل ثم جب .. هذي وذي
و لا تســـــبّـق بــ الهجـــــا الا و إذا
جاك الهجا مقصـود والهـاجي وذي
راع الــــوذا نسقيـــه من جـم الـوذا
والطيب لاهل الطيب والنطق العذي

بن عويف
ابيات ع الطاير:D

[عقاب التميمي]

ههههههههه اما به حرفين السالفه

مانتبهت لشروط لاكن ابشر بالسعد

[لفَاح]

يعويف هذا سهيل يذكر ولا شيف *** يافرحة نفــوسـن تحـــرى تــشوفه
الله اكبر لاطلع يرحـــل الصـــيف *** فرَع ذهب وقت الفجر شف يشوفه
اسمه دليل ولايبي منك توصـيف *** وانا من اسمه خيلت لي وصــــوفه

[بن عويف]

يعويف هذا سهيل يذكر ولا شيف *** يافرحة نفــوسـن تحـــرى تــشوفه
الله اكبر لاطلع يرحـــل الصـــيف *** فرَع ذهب وقت الفجر شف يشوفه
اسمه دليل ولايبي منك توصـيف *** وانا من اسمه خيلت لي وصــــوفه

وانت اخطيت الدرب مع عقاب التميمي جعله يسلم وجعل عمره دهور

لذلك بكمل على قافي السابق
ذي مواري نجمنا قد قيل شيف ** شيف لك وبحول ربي تشوفه
يا الخوي برد ترا ما فيه صيف ** صيفنا يا صاح قرب نكوفه

[أبوعبدالرحمن99]

فهم للشروط و جاك يلعب على المضمون
يحييه ربي من مسيره الى حِلّه
حضوره فخر للي على حرفه يمرون
و لا هو قصور بباقي الربع و الشلّة

[لفَاح]

لهمت الاول على التصنيف *****شطرك ب(يع) اخر حروفه
انا بعرعر واشوف طريف ***** ومن اليمن لاااااخر الكوفه

[احمدالدمام]

فهمت قصدك من التحليل
وشرحك سرا واكتك معروفه
واللعب اشكل مع التدبيل
وقامت عليك وبانت ظروفه

[لفَاح]

فهرست قولي عن التاويل **** الضن لا يخلـف الشـوفه
شفاف واضح كنجم سهيل **** وادي تحامل على جروفه
والقول الاقشر من التسهيل**** ماطـافنـي بس انا اطوفه

[لفَاح]

فهمك السؤال به نصف الاجابه **** يوم راجعته تبين لي خطاي
العذر مني وعـن قـــافي نيــــابه **** باغين بس السموحه ياخوياي
شرطها الثالث غدى بظل السحابه ****بوقتها قلبي تغيب عن سماي

[احمدالدمام]

اياك تنسى عهدنا يالسنافي
عهدً عقدنا فيه وعد وميثاق
ومهما حصل مابيننا من خلافي
تبقى الاخوة سلسبيلا وتنساق

[أبوعبدالرحمن99]

اقترب و اسجد و سبح و اذكر الله
و اكثر التحميد و اخشع في التلاوة
احفظ الله يحفظك من كل خلة
و يتهيا لك من الخلق الحفاوة

[بن عويف]

وهـ وهـ وهـ من لهيب الجاش وهـ
ولع بجاشي سعيرن واشتواه
به به به .. غِـلْـقه وقل شِــــهٓـ وهـ
عقب كان الجاش عالي مستواه
له له له بعضنا فيه فِـهٓـ وه
والبعض ينقص عن الذيب بعواه
كه كه كه ضحك من جاه غِـفٓـ وه
وخاطره غلقن ولا يُعْــرٓف دواه
:D
عويفيات

[ام الدجيجات]

وهـ وهـ وهـ من لهيب الجاش وهـ
ولع بجاشي سعيرن واشتواه
به به به .. غِـلْـقه وقل شِــــهٓـ وهـ
عقب كان الجاش عالي مستواه
له له له بعضنا فيه فِـهٓـ وه
والبعض ينقص عن الذيب بعواه
كه كه كه ضحك من جاه غِـفٓـ وه
وخاطره غلقن ولا يُعْــرٓف دواه
:D
عويفيات (((بن عويف ))

ههههههههههههههههههه

[ام الدجيجات]

جزيل المعانى لاكتب يبدع المنظوم
يكتب جزيلات القصايد على الراحه
أنا خاطرى لانيب طيب وفى هموم
ماشى بيسلى لوتمشيت بالباحه
لوإنى بفياضن مخضره والسماء بغيوم
والجو مذهل والرياحين فواحه
أحس العنا والضيق والخاطر المضيوم
تنغص عليه لوتمشيت بسياحه

أم الدجيجات

[أبوعبدالرحمن99]

صباح الخير اختنا الفاضلة ام الدجيجات و صباح الخير للجميع ،،

عليك مخالفة في بداية الابيات ،، و هو الالتزام بالحرفين الاخيرة لمن قبلك ،، ا هــ ،،
آمل الانتباه لذلك في المشاركات القادمة ،،
و صح لسانك ،

[عدم الانحياز]

اهوز النظم اببرد خاطري ببيات
وعيا الشعر ما جالي على كيفي
برغم الوحدة اللي تكتنف بسبات
وجو الفكر لا شتوي ولا صيفي
ولا ابلغ من جميل القول الا صدة بسكات
وقولت مرحبا ياضيف فمان الله ياضيفي

[ام الدجيجات]

صباح الخير اختنا الفاضلة ام الدجيجات و صباح الخير للجميع ،،

عليك مخالفة في بداية الابيات ،، و هو الالتزام بالحرفين الاخيرة لمن قبلك ،، ا هــ ،،
آمل الانتباه لذلك في المشاركات القادمة ،،
و صح لسانك ،

صباح النوووووور
للجميع
أفضل الإنسحاب من الكتابه بالصفحه وأتركها للشعراء المكشاتيه :j

[أبوعبدالرحمن99]

صباح النوووووور
للجميع
أفضل الإنسحاب من الكتابه بالصفحه وأتركها للشعراء المكشاتيه :j

ما قصدنا كذا الله يحفظك ،، و الدعوى تنبيه فقط ،، و الخطأ وارد ،، و السهو يحصل ،،سواءا منك او من غيرك ،، و قد تم تنبيهم في مشاركات سابقة ،،
بانتظار جديدك .

[أبوعبدالرحمن99]

(يفيض) بالابداع يوم يتباين
مسبوك بدعه مثل سبك الجواهر
لا من حضر صاروا لبوحه رهاين
عذب القصيد اللي لقاريه باهر

عكسنا الكلمة الاخيرة كاملة :D

[لفَاح]

هرم واهـــرمات ماقيل بالشعــر **** وش رايكم يتعب على القاف ناظمه
ان كان ماهاضت بنظمه قريحته **** وش رايكم في يـــوم يثنـي قـوايمه

[ابو البر]

صباح النوووووور
للجميع
أفضل الإنسحاب من الكتابه بالصفحه وأتركها للشعراء المكشاتيه :j
هههههه ليش ليش
اذا كل ما نوه المشرف لأحد بشي ناخذ بخاطرنا كان ما شاركنا ..
وسعي صدرك وانا من المتابعين لمشاركاتك واقول هالكلام بدون مجامله .
وعليكي مخالفه ثانيه يوم تعلنين الأنسحاب .
-----------------

ارجع بالمشاركه في لب الموضوع .
مهما حصل ياصاحبي فنت مسموح
واللي يبي يسطاد في الوحل خاطي


ما قلتها وانا معي منك مصلوح
ماغير الف ريال من تحت البساطي:D

[ابو البر]

(يفيض) بالابداع يوم يتباين
مسبوك بدعه مثل سبك الجواهر
لا من حضر صاروا لبوحه رهاين
عذب القصيد اللي لقاريه باهر

عكسنا الكلمة الاخيرة كاملة :D
ههههههههههههه
مهوب على كيفك وللا علشانك مشرف نمشيها لك
عليك مخالفه :D:D:D:D:D:D:D

[بن عويف]

حبايبي
مستمتعين بتعليقاتكم
ولكن لا يصير فقط تعليق
علق ثم كمل وعطنا قافك في نفس التعليق
لكي لا نخرج عن النص
<<< وكيل رقيب السريه :alarm:

مه مه مه ههههههههه
مهما تقولون المقاصد عميقه
سباحها يارد على كل مدسوس
والجزل قطاف المعاني الغميقه
ماهوب في بدع الطواريق بربوس
ماخذ على سبك الفرايد وثيقه
ياتي بها عذبه وياتي بها موس

و س:D

[أبوعبدالرحمن99]

وساوس الشيطان تدفع بالخشوع
لكنما الموضوع يحتاج لحسم
بالاستعاذة يخنس و يمضي رجوع
و تجلى الصدور ان كان غاشيها عسم

[الحزوبر]

سم الهوى حالي ونا حالي صخيف
عزي لمن مثلي بخله مرتبط
افز لا من هب نسناسن خفيف
فزة غشيمن لامس عيون القطط

[بن عويف]

ططط ثمن ططط ثمن ططط ططط
صوت الذي يخلف موازين الغدد
اللي يفتش صاحبه عند النقط
خصن الا من كان راكب له هدد
راعيه يتهم بالتمرد والخطط
لا وقفه فردين فالنقطه جدد
:j

[لفَاح]

دديد زامورن سمعته مشفته بالعتام** يومن ارسلت القوافي على متن حلمه
سـم اسيـر النور ياخــذ بـه وسـام ** لابنا الشيــطاـن فرقـا تدفــق وهدـمه
حام لفاح السنافي على متن الغمام **محذر لسانه عن الشين مع خط قلمه

[الحزوبر]

مها الريم لورحتي فلا تبخلي اللفته
ترى لفتتش تحيي عسا ماعدم راسش
لعلش بعد يالريم من حفته وعفته
لونش عنيده هالني القوه بباسش

[بن عويف]

يا مجررررم
س ش
:eek:
سشيب ياللي تبا تكتب على الآلة
اوزن اصابعك فالكيبورد يا طرجم
واكتب كمنتا بكل اصبع على حاله
وان جاك حرفن صعب ياصاحبي ترجم
بعض القوافي ترا لو زان مواله
ما ينشرح لك ولا تلقاه فالمعجم

[عجيبان]

وش حدك يالحزوبر على الحرفين هاذي

[عجيبان]

لاتوجد كلمه تبدا ب سش

[الحزوبر]

ههههههههه حرام عليك يبن عويف ماني بمجرم

عجيبان جت من حظك دبرها هههههه

[عجيبان]

اعتذر من الاخوه لم اجد كلمه تبدا بحرفين س و ش لذالك اخذت الحرفين الي قبلها

اسمع كلامي زين يالغالي الزين
واحرص على التركيز بالي بقوله
جبت الصعيبه يالحزوبر بقافين
خلك على قافك ويلزم تطوله

اطلب من اخي الحزوبر الرد على قافي بالقاف الي كتبه سش

[عجيبان]

طبعً انا تجنبت تطويع الكلام والى كان يمديني ارد عليه ، وسلامتكم جميع

[أبوعبدالرحمن99]

سشوّال راح و هلّ بعده سذي القعده
س والله س حالة كيف س ودنا نمشي

سهههههههه
:D

[عجيبان]

ماتجي ماتجي هههههههههههههه

[لفَاح]

لهفة الشاعر على نظم القوافي ***لاسرد فيها مواضيع وقصص
لابدا ماقيل في قوله عوافي ***كنه مدرس ويعطي بها حصص

[الحزوبر]

ص ص وتشبكها معا تستوي صص
ياللي تشربكها لقينا لها حل
واللي ليا منه خبص طاح فالرص
اللي لعب ضده يجي منه معتل

بعدين يالنشاما ترى سش لها حل لان الشين لغه مثل التسا تقدر تبدلها بكاف وتمشي امورك ههههههههههههه

[بن عويف]

انا جبته فوق كملوا
ومشوها لا احد يدقق

[عدم الانحياز]

بعدين تراكم قافزين التسلسل من عند ابو البر
واليوم سيلكم نحو ما تردون لاعدمت المطاليق شرواكم

[عدم الانحياز]

بعدين تراكم قافزين التسلسل من عند ابو البر
واليوم سيلكم نحو ما تردون لاعدمت المطاليق شرواكم

[احمدالدمام]

ها هاها البهلول وفها وانتبه
طق طق الطبله بطاقاً طاق طاق
خل خل حروف القوافي واكتبه
ودن دن بدآ نته واشبعها عناق

[بن عويف]

صح الله لسانك ، اخوي ابياتك حازت على اعجابي وبقوه ، هاذا الطرق يذبحني

صح الله بدنك وهذا من طيب راسك وقافك وانتقائك

اقبل سلامي يالخوي واحترامي
واقبل تحيات الموده بلا حد
وان كان زان الرمي من غير رامي
فاعلم تراها وفقة الرب الاوحد
وانته قطامي يالحصان الهمامي
ولانيب في مدح المخاليق منحد

[القسامي511]

مرحبا بكم بعد انقطاع دام طويلا

عل وعسى الجميع بخير

[القسامي511]

صح الله بدنك وهذا من طيب راسك وقافك وانتقائك

اقبل سلامي يالخوي واحترامي
واقبل تحيات الموده بلا حد
وان كان زان الرمي من غير رامي
فاعلم تراها وفقة الرب الاوحد
وانته قطامي يالحصان الهمامي
ولانيب في مدح المخاليق منحد

حد المشاعر يم مكشات الاجواد . . بدع القصيد اللي مزونه مراهيش

عقب البطا جينا على غير ميعاد . . كله على شان القروم المداغيش

محمد القسامي

[بن عويف]

حد المشاعر يم مكشات الاجواد . . بدع القصيد اللي مزونه مراهيش

عقب البطا جينا على غير ميعاد . . كله على شان القروم المداغيش

محمد القسامي

يشوقني طرق البيوت الثقيله
ويزيد شوقي للرجال النعاتيت
يا مرحبا عداد وبل المخيله
ويا مرحبا عد الفياض المنابيت

ارحب يبن العم سبعين مرحبا

[بن عويف]

يتلا تراحيب المرحب مهلّا
ويتلا المهلا عكة السمن والحيل
وستين طلقه للنشامى تهلّا
والعود الازرق واشقر البن والهيل

[بن عويف]

يلومني من لا يحب التراحيب
اللي عن الطالات قصرت يمينه
انا وريث الطيب يا جاهل الطيب
ومداتنا وقت النوايب سمينه
نحيا على سلم الكرم والمواجيب
هذي مواريث الجدود الثمينه
ومن لا تعلا فوق روس المراقيب
الله على سود الليالي يعينه
ومن ثلم مخلابه فرته المخاليب
ومن غرته نفسه زمانه يهينه
ومنهو تربى في حضان الرعابيب
ينشا هدين ولا يسره خدينه
واللي شرب من جم عكف الاشانيب
يدحم بزنديه الزنود المتينه
ومن لا يهيّب جملة الناس ماهيب
ومن يطلق لسانه لسانه يدينه

بندر محمد بن عويف
هذي والله الخيمه المبروكه والربع المشببين
محبس القريحه غدا تقول بزبوزن صيني
اصكه وتسني افك:D
يا ما شاء الله لا قوة الا بالله

[بن عويف]

اجل بتـ نهنهـ انا
نهيت نفسي عن المطلاع والبر
وهاضت بزابيز القريحه وصبت
هات العزب والطير ياصاح بو البر
هذي ذعاذيع المطاليع هبت

[عدم الانحياز]

على خط وذبحني النوم وهذ اللي طلع معي

بتاتا بتاتا بتات البات
لاهو تويتر ولاهو شات
ولكن خيمه في مكشات
وشفت فنون منثعيه
هذا يكمل على الحرفين
زادت سطوره او سطرين
زين وزين وزان الزين
وشفت قروم في سعيه
هذاك يبني بيته مراكي
واخوه جهز نظمه الزاكي
لا لوك لوك ولا لكلاك لكلاكي
وردت خيمتي بوعيه

[احمدالدمام]

يهل المروة والعزم والحشيمة
رواد خيمة انصبوها بمكشات
شديتو اطناب التلاقي بقيمة
انتم رفاق اليوم والأمس والآت
قاده اسير النور وامست سليمة
آسر بها قلوب (ن) وللطيب نفحات

[بن عويف]

يا سلام عليك ي احمد عليت وعلا شانك

اتٍ أتاني يوم الايام عسرات
ضاقت ملابيس الرخا من يوم جاني
شحت يمين الطيب في ماضيٍ فات
بغيتها جزلا ووقتي عصاني

[بن عويف]

على خط وذبحني النوم وهذ اللي طلع معي

بتاتا بتاتا بتات البات
لاهو تويتر ولاهو شات
ولكن خيمه في مكشات
وشفت فنون منثعيه
هذا يكمل على الحرفين
زادت سطوره او سطرين
زين وزين وزان الزين
وشفت قروم في سعيه
هذاك يبني بيته مراكي
واخوه جهز نظمه الزاكي
لا لوك لوك ولا لكلاك لكلاكي
وردت خيمتي بوعيه

:D
تحضير هذي
بس ابداع يا كنق

[ابو البر]

نية على ما قيل تصبح مطيه
والطيب بين الناس دايم مزيه


يازين من يعطي كثير العطيه
ويازين من يعطي عطايا خفيه

[احمدالدمام]

يهزني ذكر(ن) وينتابني شوق
ويطربني المعنى على كل موال
وافرح اليا ساهمت باسعاد مخلوق
وتحولت احوال حال بعد حال

[ابو البر]

حال
الله وحده عالم الغيب والحال
يالله تيسرها على كل مخلوق


تغني فقير الحال بالستروالمال
مده ودرب الموت لابد مطروق

[احمدالدمام]

مساكم الله بالخير
كيف استطيع ان احذف مشاركة اورد وماهي الخطوات
افتونا ماجورين

[أبوعبدالرحمن99]

مساكم الله بالخير
كيف استطيع ان احذف مشاركة اورد وماهي الخطوات
افتونا ماجورين
مساك الله بالنور
يوجد بجانب الاقتباس اسفل المشاركة ، أيقونة للتعديل أو الحذف ،، و لكنه ينتهي خلال فترة معينة من المشاركة ،،
و شكرا

[احمدالدمام]

وقتنا الحاضر تنوع بالنعم
من فضل ربي تزايد نعمته
الله الي اوجد الشيء من عدم
رحمته تسبق عذابه رحمته

[عدم الانحياز]

تهت انا ويتيه من شاف النعم
وسط برميل الزباله ياعجب
والبلا بلوى وبلواها تعم
فاعل يفعل ومن له ما شجب
شغله الواجب على حسب الزعم
ويمنع الفضله على من له تجب
ليت لقم ما رمى لفمه كعم
والبقوس ردوف في ظهره لجب

[احمدالدمام]

جبت الخبر والعلم ماظن يجهلك
ان التمادي درب يودي مهالك
وجندت جندك وجادت اجمل جمايلك
وجريت جرح الروح والليل حالك

[عدم الانحياز]

لك الله يالرفيق اللي على شفي وانا ممنون
يزارق فعله العليا ولا يطريك بالمِنه
الا منه ركب جنبك يروح الخط قطف فنون
ولا منه تباعد عنك ياسر فكرك بفنه
ولا قلبت جوفه يعجبك بالجوهر المكنون
ولا من مسته جمره فعودن يطربك كنه

[احمدالدمام]

نهارك يستوي مع ليلتك شمس شفقها نجوم
وصمت الصبر يبسط سر ويسري في سماء همسك
تجرعت الحقايق قول وفعلك تعتريه علوم
وجنبت المجالس يوم تجلت من بني جنسك

[أبوعبدالرحمن99]

نهض و اطلق جناحه للغمامة بعد ما قد حام
و حول مثل سهم الريح و عزومه تخافقته
الا ياللي تعزوى به عزيت بساطي و ضرغام
علومه غانمة ما عمرها في يوم فارقته

[أبوعبدالرحمن99]

سبقتني يا احمد ،،،
ما شاء الله عليك ،،

[احمدالدمام]

تهمش قافيت بيتي ياسير النور يالمحشوم
يامشرفنا ياريسنا وتضللنا ضياء شمسك

[عدم الانحياز]

نهض و اطلق جناحه للغمامة بعد ما قد حام
و حول مثل سهم الريح و عزومه تخافقته
الا ياللي تعزوى به عزيت بساطي و ضرغام
علومه غانمة ما عمرها في يوم فارقته




تهل القاف هل اللي زرع له شجرة من هيل
وقافك بالمعاني ينحت القاسي من رخامي
الا مني سلامٍ كنه الذيدان ولا الخيل
وتارد جمك الملحون كرّع فيه يالضامي

[عدم الانحياز]

تهمش قافيت بيتي ياسير النور يالمحشوم
يامشرفنا ياريسنا وتضللنا ضياء شمسك


سكبت القاف يااحمد ولا مثلك عليه اللوم
تعجب من اسير يخالف شروطه بقافيته
ولكن انت حديته وحديت البدع بعلوم
ما يمدي على الحرفين بابياتك ووافيته
وانا من بعده اسابق على الحرفين وابغى سلوم
وجيت وشفت منك بيت عنه اخوه جافيته

[أبوعبدالرحمن99]

تهيمن سطوة ابداعه على قافه و منطوقه
و يرفع معنوية من قرا حرفه و يرقى به
و انا يطربني المنشور وسط الصفحة يسوقه
يحوفه من هنا و هناك لجل اللي تهنى به

[احمدالدمام]

بهاذي ماعليك خلاف ولاشرهة ولا منقود
وانت الفارس الملهم وانت القايد العادل
وانت الي جمعت الشمل ورسمت من الحدود حدود
ولاقد يوم شفتك فيه متغطرس ولا تجادل

[عدم الانحياز]

دليل الجمرة توقد على كبدن شكت بحروق
وقدها بالهباله من حملها راح يحييها
خصيمك نفسك اللي تمنع البيعات وسط السوق
وكلن راح يعرض سلعه او خطط بيشريها
ولا تفرح صحات الجو ثم يبرق سماك بروق
ومن عقب الصحاة يصير عاليها لواطيها

[احمدالدمام]

هانت عليك المعضله يابن الأجواد
وزانت علومك واستقامت ظروفك
ودونت لك في صفحة المجد ميلاد
وتبدلت شكاواك وانزال خوفك

[ابو البر]

هات وقول وش عندك وعلمني وش المقصود
مدام اخترت تبعدني عن ادروبك وخافيها

يجيلك يوم تتذكر اذا منك نويت تعود
تلعن يومها دنياك قاصيها ودانيها

[ابو البر]

هانت عليك المعضله يابن الأجواد
وزانت علومك واستقامت ظروفك
ودونت لك في صفحة المجد ميلاد
وتبدلت شكاواك وانزال خوفك
افتكو لحي العدو
وش انت :D
فك اللثام وخلنا نعرف الوجه
ما دمت غازينا وحنا ضعوفي

[عدم الانحياز]

في خايع الوحده مع شرد الافكار
ابني مبانيها بنقش اللحوني
اليا بغيت اسج حركت بيطار
حسه مع الفرجه يلاحي شجوني
صديت عن دنيا المفاليس والدار
وارهيت يم اللي يبدد حزوني
قفرن بعيدن ما وردته مع القار
ما جاه ولد اللاش بالاي فوني
ماتوي الا عرق ما خِلط بحجار
كني على المريخ شوفة عيوني
لا جره لراعي ولا موترن سار
ذاك الفضاء عشقي وجنن جنوني

[أبوعبدالرحمن99]

كني على المريخ شوفة عيوني ،،
الله الله ،،

نياز جا تأشيرته سايق الباص
و اليوم اشوفه راكبن جيب لكزس

:D :D

صباح الخير

[عدم الانحياز]

يا صباح الورد والسرور
كلها من الحزوبر هو راعي السنة بالاول (س ش) والحين انت (ز س)

زستافا تصنع للقتل عدة الاشكال
مسدس ورشاشن عن الضعف محميه
ولكن عيونك تذبح الناس بالاجمال
وتودع جثث صرعاك بالكوم مرميه
ولا يالحزوبر ليه ياطيب بالفال
وش اللي حداك تسن قافات ملويه
ومن بعدك المشرف علينا بها ثم مال
بقولته لكزس وين اباجيب من زيه
عليكم عقوبة بندقينن وسبع جمال
كفيل وقبيل ومن يعاود فمثنية

[أبوعبدالرحمن99]

يتمتم يحلطم ثم ياقف تقل مصدوم
قصيدي و انا قافي على الكيف طوعته
مع آبو حمد مدري وش اللي يجي له دوم
مع اني قبل يا كم من الحرف سنعته
بغيت اعجزه و احدّ من فيضه المحموم
و مع ذاك ردي من تلّويه جبّعته
كتبته ببيت و صرت بالتكملة ملزوم
و عودت خاسر لا شريته و لا بعته





















:D

على اساس ان مثنية ياء و تاء

[أبوعبدالرحمن99]

بتفاعلكم الرائع يستحق الموضوع خمسا من النجوم ،، و كلكم مميزون ،،
أطيب تحية .

[ابو البر]

تهنى في حياتك صح واترك عنك هالتهويل
لاتندم على ما فات..... ترى نعمه اذا فاتك


حنا في زمن اغبر....نعشق حبكة التفشيل
نطوفك لاغشاك الهم...وجالس تجلد بذاتك

[احمدالدمام]

تكفى يابو نورة طلبتك وانا اخوك
من دون احراج ومن غير تكليف
يالي اليا عدو هل الطيب عدوك
خوتك في وقت القنص شفً و تشريف

[عدم الانحياز]

يفر بهاجسي شين يفره كنه الملواح
وقلبي يسمع الداعي على شلو ولا به شي
ومن يجهم يسابق خطوة اللي ساقها مسراح
وتفطن للخطى دربك وجنبها الوطا هشي

[احمدالدمام]

شيهانة صفت على ريشها ريش
ما تنبغى ببلاش لو فعلها ويش
اما الحرار الي قنوه المطاريش
سهمه صعد بشويش بشويش بشويش

[عدم الانحياز]

يشقي دجاج الخم يومه يكاكي
تظهر تباشيره على قولته كاك
واقبل مربيها عليها فكاكي
يجمع نتاج البيض من قبل مدكاك
كم واحدن قوله وفعله لكاكي
بين عيوبه ينقل العيب عكاك
اليا نويته طيب ضيق تكاكي
واليا نويت العسر زاد التحكاك
حقه على الصدغين عشرن صكاكي
لا دمعة عينه نشيجه تمكاك

[أبوعبدالرحمن99]

(عشرة أيام)

إخواني أعضاء خيمة القصائد
السلام عليكم ورحمة الله وبركاته
في هذه اللحظة تمت دورة عمرية بسيطة لموضوعنا المتجدد (شاعر الخيمة) عشــــــ10ـــــــــرة أيام والذي تم طرحه بعد تردد وذلك لما لمسناه جميعاً خلال الفترة المنصرمة من عزوف عن المشاركة ولو بكلمة واحدة ما أدى إلى شح المشاركات ومن ثم تمسك العضو طارح الموضوع بالمشاركات الواردة إلى موضوعه مفتوحة ليتم الرد عليها بعد فترة طويلة لتتسنى له فرصة أخرى برفع موضوعه إلى المقدمة فكان العزوف أشد من قبل الأعضاء المشاركين لعدم تلقيهم ردة فعل مباشرة تلهب مشاعرهم وترفع معنوياتهم لكتابة ما يجدونه في أنفسهم بعد قراءة النص وهذه مشكلة حقيقة نواجهها هنا فالكل هنا ملوم و الكل هنا معذور .
نعود إلى موضوعنا ونشيد بهذا النجاح الجماعي المبهر والذي فاق كل توقع وعكس الصورة الحقيقة التي نتأملها جميعاً داخل الخيمة وبإحصائية رقمية بسيطة فقد كانت الإحصاءات كالتالي :

المشاهدات أكثر من 3600 بمتوسط يومي 360 مشاهده فضلا عن التواجد الجماعي وبشكل متكرر
الردود أكثر من 170 بمتوسط 17 رد يومياً
المشاركون 12 بمتوسط 14 مشاركة لكل واحد
ترتيب الموضوع من حيث عدد الردود قفز إلى المرتبة الثالثة (من بين 6200 موضوع)
ترتيب الموضوع من حيث عدد المشاهدات قفر الى ترتيب 375 تقريباً (من بين 6200 موضوع)
عدى عن صورة الأرقام الجميلة الجامدة إلا أن الصورة التي ارتسمت ورسمت مدى عمق وأصالة هذه الخيمة بما تحوية من قيمة عالية من خلال أعضاءها الذين لم يشارك منهم إلا عدد محدود جداً فكانت هذه الروح المتجددة والدماء الجديدة المتدفقة بالعطاء وما لمسناه جميعاً خلال المشاركات من من قبول وتناغم وتجاوز وتكاتف بين الجميع أدى إلى بلوغ هذا المستوى الجميل الأخاذ وحيث ان كل عمل بشري لا يخلو من الهفوات التي يجب توضيحها إلا أن عين الرضى طغت على كل مثلب وأبت إلا أن تكون كليلة فلم ترى إلا كل حسن مبهج وكما قال الشاعر (وعينُ الرِّضا عن كلِ عيبٍ كليلة) فأشكركم جزيل الشكر والامتنان وأقدر لكل واحد منكم من مشاركين ومشاهدين كل جهد بذله كلٌ بحسب عطائه الذي وإن قل فهو يُرى بعين جليلة تسمنه ،، ونذكره فنشكره جميعاً ، وبناء على هذا النجاح فأعدكم -بإذن الله تعالى - بطرح موضوع آخر متجدد بفكرة جديدة يكون فيه التنافس فانتظروا الجديد بعون الله
والسلام عليكم .

[عدم الانحياز]

وعليكم السلام ورحمة الله وبركاته
الله يسلمك يابو عبدالرحمن
والحقيقة ان المئمول منك كثير جدا وانت ان شاء الله
أهل لذلك وبرأيي المتواضع فالكرة في ملعب السلطة حيالاً
ومادام سلمت مشاركتي هذي من التعديل - فالقادم احلى ان شاء الله تحقيقاً لا تعليقاً

اكابد العوجاء على درب القدى والمقديه
وان هي عصت خليتها ماليبها ماليبها
والله لا ببدا الخطاء ولا انثني للمخطيه
ومن جاز له عضه يجية اللي يكسر نيبها

[احمدالدمام]

هاذى هو الواجب نجازيه بانجاز
يفوق حد التوقع حدوده
اكتملت الصورة وكلاً لها حاز
وشارك وساهم في ثنايا ردوده
وان كان فيه اسباب وارموز وايعاز
فهبت اسير النور عد معدوده

[ابو البر]

عزيزي اسير النور
حنا معك قدام في كل انجاز
هاذا بفضل الله واجب علينا
شعارنا فازين ماهو ابد فاز
والكهرباء نحذر تلامس يدينا
واللي يشارك يعتبرعندنا فاز
واللي يشاهد عاجبه ما بنينا
توضيح للي مايعرف معنى الفاز(خط 110 يعتبر واحد فاز وخط 220 يعتبر فازين)
--------
استلم يا اخ احمد
دهن المرق محلاه بعد الذبيحه
لاصار به ليمون او فلفل اسود
هههههههه

[عجيبان]

ودي على دله وشاهي ببراد
ومن القصيم اخلاصها بالهيبه
في حزتً والغيم يبرق ورعاد
ثم ينزوي والسيل تسمع ضريبه

ابو احمد الغامدي

[عدم الانحياز]

بها زين القناد اللي نقيته غالين مخبور
من الهند المورد يتعبة جنيه وحصاله
هيلن يشابه بالوصف زمرد اخضر ومزبور
ومسمار اشقرن حره على شفي تحلوى له
هذا عقب مجناي زين البن مناليمن بسبور
اصبحها تصبحني واحييها بدرقاله

[راعي سبحه]

تعـال فاحـت دلـة الـشـوق بالهـيـل
وهبـت مــن عـيـون القصايدنسـايـم

تعـال مالـي غيـر قـربـك محاصـيـل
مـا غيـر أنـا وهمـوم صـدري عزايـم

أسهر مع الهوجاس وأناجي سهيل
وأقـول يـا حـظـك تـشـوف النعـايـم

لكـن عــزاي تـزيـن لــي بالمقابـيـل
ومـن طـول الغيبـات جــاب الغنـايـم

والله مدري من هي له لكن فيها أبيات أعجبتني ونقلتها لكم

[ابو البر]

تعـال فاحـت دلـة الـشـوق بالهـيـل
وهبـت مــن عـيـون القصايدنسـايـم

تعـال مالـي غيـر قـربـك محاصـيـل
مـا غيـر أنـا وهمـوم صـدري عزايـم

أسهر مع الهوجاس وأناجي سهيل
وأقـول يـا حـظـك تـشـوف النعـايـم

لكـن عــزاي تـزيـن لــي بالمقابـيـل
ومـن طـول الغيبـات جــاب الغنـايـم

والله مدري من هي له لكن فيها أبيات أعجبتني ونقلتها لكم
فديتك ياراعي السبحه
ولو قريت اول الموضوع كان غيرت رأئيك
-------
المطلوب ابيات من نظمك وتتقيد با أخر قافيه للي قبلك
تبداء فيها ابياتك .
وسلامتك .
ويامرحبا بك مليون .

[ابو البر]

له في حياتي الف معنى ومليون
وأنا جزاتي ظلم وأحيان مغبون


اما يعاملني كما المثل بالهون
وللا يخليني مع الحزن محزون

[عدم الانحياز]

ون وونينه جاوب الذيب بعواه
على عديل الروح خيرة عياله
.
.
لوه دفين الارض يرضاه بخباه
ولو هو طريح فراش يفداه برياله
.
.
لكن بلاه الطيش والجهل عزاه
لين انقضى حاله وكنه خِياله
.
.
ما صيده الحاجة او العوز يازاه
لكن طبيعة اب رقت حياله

[احمدالدمام]

له في فنون المعرفة بالتفاصيل
موسوعة بحره بعلم الفريضه
يسوق فنجال(ن)مشبع من الهيل
تشفى بها نفس الكبود المريضة
ديوان مدهال (ن) لصفوة رجاجيل
الي لهم صفحة صفات عريضة

[ابو البر]

ضها تفداك بيشه مع جده
وأفديك ياديرت هلي وحباني

اشتاق لك في رخا وفي شده
انتي الدفا لاصرت برداني

[عدم الانحياز]

نيازك جوي تحول على الافكار تقصفها
وصارت كالاحاجي صعب انظمها وسط صورة
.
.
ولا مني نظمت اطرافها تقبل وتعصفها
رياح الهاجس العاتي بلطم امواجه وجوره
.
.
وبين القصف وذاك العصف بالآمال نخصفها
ويبرز في الدجى بدرن رسمنا اللوحة بنوره

[احمدالدمام]

رهيبة لحظة ضمت ضياء ضوك وضل رضاك
وتنفست السعد ساعة وعسى الساعات تسعدني
عظيمة صدفة ساقت يميناً تنتظر يمناك
بلا ميعاد عاد وجاد وقربني وابعدني
جميلة جنة الأجيال من مجناك الى مجناك
ابي وعد وعهد علك تودع ثم تواعدني

[عدم الانحياز]

نيام بامن ما نشكي وهذي رفوف مرصوصه
ومن حول الوطن شاكي ذليل ظروفه ترصه
.
.
ونسمع عنه ونشوفه مع التلفاز باقصوصه
وهو وجه العدو صامد يعيش الدور فالقصه
.
.
نعرف الواقع المؤلم ونغفل عنه وشصوصه
ولو غاب اللبن ساعة نسب حضوض منشصه

[عدم الانحياز]

صهر المعادن ماستوى بين النحاسه والذهب
والفرق لا منك نزلت السوق تبغى بيعها
.
.
ومن لادرس وش خطوته يطير كده في المهب
من راس ماله خاسرن واللي رجا من ريعها

[أبوعبدالرحمن99]

هاتفي سجل مع انفاس الصباح
و العبير اللي يفوح من الخزام
سجل المعنى رباح من الرباح
ارسل الود و تحية و احترام

[عدم الانحياز]

السلام عليكم - صباح الخير ،،



--------------------------------------------------------------------------------------------------------------------------------------------------
امتع الاوقات مع طلعت فجر
ذعذع النسناس وانساك الضجر
داعب الاوراق وغصون الشجر
نور يبدى وتشرق به حياة


.

ثم تذكرت التغلي والهجر
كيف قلب انسان اقسى من حجر
وادله بفنجال مع دنة نجر
والجفاء ينذر غروب للحياة

[احمدالدمام]

اهلاً بأهل الخيمة الي بمكشات
ربعاً لهم في داخل القلب منزل
ماتوفي ابيات النضم والعبارات
حلفت عن رفقة هل الطيب مانزل

[ابو البر]

زلزل امورك لابدا يلطف الجو
جهز فراشك والمعاميل والنور


اطلع الى بر(ن)يزها به النو
لافيه جدرانن ولا يزعجك سور



خلك تشوف النجم مع شبةالضو
وانسى همو (ن) يومها كنه شهور
بقعا تصوعك يا أحمد
ما امداني افكر الا وانت سبقتني ههههه
بسم الله الرحمن الرحيم
يبغالي ثاني مره
اكتب وبس

[أبوعبدالرحمن99]

ما شاء الله عليكم الله لا يضركم ،،
إبداع ،،
صحت الالسن

ورد الجفا ينبت له بحضنه اشواك
يجرح بها وقت الملاقى عميله
احرص على من صافي الود ولّاك
و اترك صعيب الطبع جنّب سبيله

[عدم الانحياز]

صح بدنك مشرفنا القدير

لهى قلبي مع السجات يعشق طرقها وحده
وهاجس فكري يغرد مع الوحشه بلحنن زان
وكلن منهم يعلم رفيقه سالفة صده
طعونن غادرة يدرا سببها والسبب انسان

[احمدالدمام]

ان عدتو عدنا جولة بعد صولات
حزم وحسم وحس حس وحماسة
حنا لنا في ساحة العز عادات
نقطع جذور الشر ونجز راسه

[ابو البر]

سهم المحبه بيننا صار مكسور
ما عاد ينفع بعد كسره علاجه

ماني معك مجبور ولنته بمجبور
واللي غناه الله ماهو بحاجه

[احمدالدمام]

جهداً بذلته في وصال القرايب
وحبل الرحم موصول في عرش باريه
من يقطعه هالك وضايع وخايب
والي يشده مستقيمة مباديه

[عدم الانحياز]

يهدوني يهدوني وانا ابكي تدمع عيوني
اماني بصدرها الحاني وفاقد دفقه الحالي
غريبة كيف تبعدني وانا اللي كونها كوني
واثاريها تدربني على القادم من اهوالي
تفطر قلبها لحزني ونظراتي لها طعوني
تضحي بنفسها لجلي تقول افديك يالغالي
فطمتك ياضناي صغير وليتك تفهم كنوني
ابيها لك طبيعة ترفعك بالصبر منزالي
ابزرع بذرة لشجرة ظليلة ترفض الهوني
تعيش بها عزيز ومجلسك في مرقبٍ عالي

[أبوعبدالرحمن99]

ليت نلحق من جزاهم لو قليل
مير عند الله لهم خير الجزا
كل ما تعطي فهو يبقى حصيل
ينفع الانسان في ساعة وزا

[عدم الانحياز]

زادك المصحف وبالسنه عباءات الوقار
تنهل العذب اللذيذ ومن لجا له يسلمي
لفيت لسيد الحكمة وكالعادة لقيت إبهار
وسبحان الذي علم وحيد بمعزله أمي
الا صلي عليه عداد من وقف عليها وسار
الا سلم عليه اضعاف ما يلمع بها نجمي
يقول المصطفى من يؤمن بجنة عدن والنار
فينطق خير او يصمت واختم بقولتن تمي

[ابو البر]

ميعادنا يوم الحساب بعده تجي جنه ونار
ما عاد ينفع بعدها يارب جنبني الحساب


انكنت عاقل يافتى استغفره ليل و نهار
الله يغفر زلتك مسلم ومذنب ثم تاب

[احمدالدمام]

ابشر بخير وعز وتحقيق احلام
وتيسير يا وجه السعد في حياتك
ان قاله الله تسمع علوم قدام
يا ساعي بالخير جتك امنياتك
بعض العلوم تستوجب اصرار واقدام
واستشعر الصبر الجميل بصفاتك
وواصل اسلوب البذل تعزيز واسهام
ترى البذل وقود قٌوتك وذاتك

[عدم الانحياز]

تكدر ظروف الحياة المشاريب
ومن لا يذوق الكدر ما جا صفاها
ابا تعاطى فوق عالي المراقيب
واشب ضوا القاف واصلى دفاها
وابا ابتعد عن قافي الرجل بالغيب
واقرب اللي صوت قلبي دعاها
وحدة خلا واسج بالعز والطيب
اخير من جمعا كثيرن غثاها

[عدم الانحياز]

هانت وهان الردي واهل الهوان
احسب ان السيل قد رعودها
جعجع الطاحون ما شفت الطحان
صوته اللي روحت به نودها
ما هقيت الرجل يرضى بالطمان
تزأر اقواله ويصوي قودها

[عدم الانحياز]

هالني سيف البحر شكله مهيب
والبحر والله من شافه يهاب
سبت المجهول في وسطه رهيب
راكب موجه يصيبه بالرهاب
نمقته بالغدر وندشه نهيب
ننهب كنوزه وجازى بالنهاب
مزهبه مليان مع بطشن زهيب
لولا حفظ الله ما ينفع زهاب
يبلع المبلوع وحمامن شهيب
وما لفى من جو دقه والشهاب
يطفي اللاهب ويطبخ به لهيب
سجر بجوفه براكين اللهاب

[أبوعبدالرحمن99]

ابحث عن المطلوب و ارجع بلا فود
مدري عمى بالشوف و لا البصيرة
على الله انه ما يجي فيه منقود
منا الحضور و تستمر المسيرة

[عدم الانحياز]

ابحث عن المطلوب و ارجع بلا فود
مدري عمى بالشوف و لا البصيرة
على الله انه ما يجي فيه منقود
منا الحضور و تستمر المسيرة



رهنت قافي في سعدكم على الزود
والتيله تنور على الدرب نيره
يمرحبا وعداد ما هبت النود
وعداد نورن يشعق اليوم ديره
تلقى الخطأ خامس بيوته وموجود
في الشطر الاول كان تبغى تديره
اخره هوني سبقه ال بحدود
حرفين يالمشرف تراها صغيره
واحد صفر واثنين ترتيب معدود
رقم الحقل دله ومثلك خبيره

[عدم الانحياز]

رهيب الطفل في ممشى الطفوله
غرير ويسلب الحبه غصب
وغريب الرجل يزعم هالرجوله
ووجهه ناشف ماه ونضب

[عدم الانحياز]

ضب شكى من داخل الجحر مقهور
لا واعذاب القلب صارت كسافه
اما غرق والا فدخان ماطور
والا فناري مدها من مسافه
والعرفجة ترفيعها جد مخطور
لو هي قريب البيت سهل مشافه
كل يصيد الضب كابر ومكبور
برد وقيضن وين يلقى النصافه

[احمدالدمام]

فهمت ومن نشدعلم (ن) تعلم
ومن يجهل سئل عن مابداله
مجال الجهل جداً حيل مؤلم
وطريق المعرفة مالك بداله

[أبوعبدالرحمن99]

لهم حضور و زاد عن كل مامول
لا و الله الا طاب جني الحصيلة
بعض البشر وارد معانيه منقول
و الذيب جاب حدايته من شليله

[عدم الانحياز]

لهرج بالمثل قالوا لمن يجهل قدى فعله
يشيل الشينه من القاع ينسفها على راسه
ومفهومه يخلينا نكرر قولنا جعله
يفصل قدره بنفسه وبادر يمه وداسه

[عدم الانحياز]

سهل قولت هات يتبعها عطا
وسهل تنفق مالفاك بلا تعب
لا تعود وضع يدك بالوطا
واغنم العليا حديث في الكتب
وانتبه للبسط وردها الخطا
كانه اللي ضم مكسوبه عتب
الوسط حيه وشخص به شطا
كاسبن للخير ولغيره نتب

[عدم الانحياز]

تبنى بيوت الشعر باللحن والقاف
وكب القصيد اللي بليا معاني
وليا بدع شاعر يصور بالاوصاف
فكثر له بقولة يصح اللساني
هذي لغتنا تهدي المبدع الطاف
واللي رماها بعجز جاهل وجاني
مخزونها زاخر اباكير وعطاف
مير البلا همت هروش السواني

[أبوعبدالرحمن99]

نيسان له حروة ربع عام قاضي
و قبل امس كنا في نهاية اغسطس
هذي حوال الوقت و الكل ماضي
لا بد له في تالي العمر يفطس

:D

[احمدالدمام]

الله يسامحك يامشرفنا
مالقيت تاقف الا على ( طس ):D:D

[عدم الانحياز]

طسه مع الملحون والكي رصه
ترى ضعيف النفس والله مسكين
اما يموت رهاب او جاه غصه
قلبه يخرفش وافزعوا له بتسكين
دواه عشر عصي من فوق عصه
ما تحمل اوضاعه تذكيه سكين

[احمدالدمام]

ينسان ربي يوم افكر بنسياك
في ماقفً كل الملاء تجتمع فيه
حبوك كل الناس والله حياك
يا صورةٍ للخير بأجمل معانيه
يا مسلحة بالصبر عن ضيم دنياك
ما خاب من خاوى الصبر في بلاويه
لك الدعاء منا من قلوب تفداك
ينزلك بالجنه ويرحمك ندعيه
يالله لك نرفع كفوفٍ طلبناك
تقبل دعانا و لمي الخير تجريه
وتغفرلها في ماقفً يوم لقياك
ويازارع للخير بالخير تجزيه

[عجيبان]

يهيم الفتى لفلت حبال الدين
وضيع صلاته عقب ماكان يحفظها
حياةً بلى طاعه كوردً بلى مسقين
ادناة هبه مع الايام نتثرها

[ابو البر]

رهابه في كتابت شعرك الموزون يا موزون
تحدى كل من يبنون .. قليل ان كان او جلله


الى مني قريت الشعر اهيج اصير كالمجنون
عايش في خلا وحده يطارد منخبل ظلله

[عجيبان]

له الناس طول الليل ترفع دعاويها
رفيع المكانه والخلايق تصلي له
تفرد بملك الارض والي مشى فيها
ونزل كتابً محكماتً تنازيله

[قوافي ( أم نهار )]

السلام عليكم ورحمة الله وبركاته

اشكرك مشرفنا الفاضل

موضوع يستحق التقييم الاعلى والتميز

كما اشكر اخواني ممن شاركو بابياتهم واثرو الساحه بجميل حروفهم ..بارك الله بالجميع

تحياتي وتقديري واحترامي

[احمدالدمام]

له تميز لاستقام الحال يلزم
والتجاوب عادت المتميزين
كل من شارك وبارك او تحزم
زاد زود الزين زين فوق زين

[ابو البر]

له الله من سهر وحده لاجيره ولا جيران
يعيش بعالمه تايه مغير يكلم الجدران


ولا مره فتح بابه للصدقان والخلان
مغير لصاحب المطعم او لقمة من الجيران:)



سبقتني
خذها وانا ولد ابوي


لاكن كلمة (زين) غزليه حسب نظام المنتدى غيرها او انا بغيرها الى (شين)
شين وصار زين في عيون امه واخوه
كلها يومين عود بعد ماهو زين شين


ابتلشنا وشنقوله هو شبه امه و ابوه
واتفقنا شبه عمه ثم خاله صار زين

[عجيبان]

يضعّف الرجال ويطيح عزومه
صحبته لصاحب الي مايفيد
والكفو معروف بالنفس الخدومه
راعي الفزعه بحزات الشديد

[عدم الانحياز]

يدك اليمنى عطاها الله يسار
مايز الثنتين في حكمه بليغه
ما عليك الا تطيعه في القرار
يثبت اجرك بالهدى ثم تستسيغه

[عدم الانحياز]

غهب الليالي اتعبت كل سراي
احد على العليا بنوره عبرها
واحدن ظلامه يخلف العلم والراي
ياعزتي له يوم ياقف سفرها

[ابو البر]

هات الكتاب اللي قريته أبقراه
اشوف وش تقراء وافسره لك

يمكن اذا فسرت حرفه ومعناه
يبين عندي كيف علمك وفهمك

عشنا وشفنا شي بالعين شفناه
وياما وياما ينكشف فيه جهلك

[ابو البر]

يدك اليمنى عطاها الله يسار




مايز الثنتين في حكمه بليغه
ما عليك الا تطيعه في القرار
يثبت اجرك بالهدى ثم تستسيغه

صباح الخير عزيزي عدم الأنحياز
القافيه صعبه وودي تسمح لي بتوظيفها بطريقه اخرى كرما منك .


غهب الذنوب يصيدها غافل الدين
لامن جلس في مجلس القوم وشاي


وغهب المصايد تنحصر بين ثنتين
صيد السلاح وصاحبه عنه غفاي

في اللغه العربيه كلمة غهب تعني ( الصيد اللذي أصابه السهم بدون قصد من الرامي ) فيسمى صيد الغهب .

[عدم الانحياز]

لك الحمد ياربي وسبحانك ايا معبود
عليك المتكل وانت اللذي تفرض قسايمها
ابركع لك وابسجد انت ياللي دايماً موجود
عساها تحين لحظة قسمي الجنة ولايمها

[أبوعبدالرحمن99]

مهارة صاحب الكلمة بتطويع الحروف لخير
ما دام انه يكيفها يرتبها على ما راد
بغى فيها رضا ربه ، وصور غايته تصوير
و يبقى العالي الوالي ،، و يبقون العباد عباد

[عدم الانحياز]

اداعب حرفي اللي انتشي به من شعور كان
يترجمها يوصفها يثورها يداري مره ومره
واشوف ان الثمر منه اذا داعب وتر انسان
عساه يهيض الملحون ويرسم لوحه بدره

[خوي المطاليق.]

رهيب القاف هيضني وبرسم بالحروف اشكال
والونها على مبغى مناضر تسحر الانظار

عساكم ياعرب فيها فهالدنيا بخير الحال
وعسى وبل السحاب يهل فاوطاني بليا اضرار

[ابو البر]

ارحب ياخوي المطاليق
يا مرحبا ومسهلا

[خوي المطاليق.]

هلابك ابو البر

وشاكرلك هالترحيب

تحياتي لك

[عدم الانحياز]

ارحب ارحب ياخويي كيف والمطلق خويك
شاعر ويبدع قوافي شكلها بالزود وافي
هات هات اعرض بضاعه من عذيبك واهنيك
اذكر الله واذكر الله حافظ عبده وكافي

[احمدالدمام]

في ليلة شع البدر نور نوره
واكمل تمامه ولم شمل المحبين
في فرحة يلزم علينا حضوره
في عرس عبدالله حضرنا مهنين
سرنا وشوق النفس يفرض سروره
ودعواتنا تصعد وجينا ملبين
يا ابوعادل ياضلال للصورة
اشوف فيك الجود واللطف والين
طيبك تشبع من منابع عطوره
وما مات من ربى رجال على الدين
ادعي عسى منزله بأعلى قصوره
في جنة ضمت انهار وبساتين

[خوي المطاليق.]

ينثر اللولو من اثمه بين زخات الفكر
شاعر لله دره يفتل الكلمه فتل

اشرف انك لي خوي(ن)وافتخر فيكم فخر
البقا و بك المهلا× ينحر× العليا× بتل

[أبوعبدالرحمن99]

صح لسانك يا خوي المطاليق ،،
و يا مرحبا ،،

[عدم الانحياز]

تلاقيني وفوتها تضيعني ولاقيها تدارجني وادارجها
ولكنه اكيد اكيد تجاملني واجاملها ونطلع كلنا كسبان
تخاصمني واخاصمها تعاتبني تراضيني تعلمني وادارسها
هذيك الفكره الكلمة هذيك الغنوه الحلوه اداعبها وانا طربان

[احمدالدمام]

ان كان للتبريك حزة وميعاد
افراحنا عادت وزادت وزانت
وتوشحت بخوي المطاليق الاجواد
عزيز قوم وعزة الله بانت
لنا مواعيد تجدد وتنقاد
عشرة عمر ما عمرها يوم شانت

[عدم الانحياز]

نتابع جودكم ياجواد خيمتنا وطبتوا طاب
وتطرب له شفاة النفس وقلب يطرب وطابي
يخلي اللي غزاه الهم يفتح للونس ابواب
وكل اللي لفو صاحوا هذا بابي هذا بابي

[ابو البر]

بيني وبينك ما تفيد المعاذير
حنا انتهينا واترك الأمر لله

هاذا قراري قدرته المقادير
اما قرارك بل في الماي بله

[عدم الانحياز]

له الله من مشى الشارع وساقه حظه الدكان
ركب سيارته واقفى على الخباز يخبز له
وعود يم داره افطر وتكى وهو طربان
وفي ساعة ضحى يسجد وورد ينطقه كله
وبعد الظهر روح يجلب من المدرسه بزران
يوصلهم لداره ثم صفو للغدى حله
تمغط ثم خذا غفوه يجي بعد العصر نعشان
وفي القادم نخبركم على اللي صار ونهله

[خوي المطاليق.]

صح لسانك يا خوي المطاليق ،،
و يا مرحبا ،،


صح بدنك يامشرفنا ولا عدمناك

له الحمد المليك الي بعد ما مت احياني
بين الامس وبين اليوم سبحان الذي احيان

عسى الجنه تجمعنا جميعاً قاصي وداني
صباح الخير يا قاري صباحٍ ما تجية احزان

هههههههههههههه ما انتبهت لابو احمد مير فكني الله جت على نفس الحرفين :D

[عدم الانحياز]

انا لا شفت لي طرقن جميلن صبت واعداني
وغصب ما اردد لحنه الوافي وانا طربان
يهيضني ووندق به وزان الجو ياخواني
دعيت وجعل ما تدعي بخيرن هل لك الوان

[عدم الانحياز]

انشف من الصلب المجلفن ولاحجار
والين من القطنه على الماء غشاها
هذي قلوب الناس في كل الاقطار
تحنو على القطه وتسفك دماها

[خوي المطاليق.]

هامت عيوني في مواضيع مكشات
فيه العجب ياخوي هذي مزاياه


فيه النشاما ضللو كل الاوقات
كنه معسكر ماتفرغ حناياه

[عدم الانحياز]

اهل مهلهل ورودن كما قطفت من الجاني
بعبقن خالط انفاسك يغذي قلبها والروح
ويجعل حولك الهالة يغبطك قاصي وداني
وكل يزهمك ويقول تعال اقرب هنا لا تروح

[عدم الانحياز]

وحيد في قفر زها عاوي الذيب
خطوتك توطى وطي جرة ذيابه
اخير من صحبة اوادم لها نيب
والكل منهم محتسيٍ لك بنابه

[قصيمي 9311]

بهرت دلة وسيف الشعر مستله
حتى قرين الشعر خليته ينطط
من شان من مر عقبي دربه يدله
يتعب على بدعة الطاروق ويخطط

[احمدالدمام]

طط طط طاط طط
يضرب بوري ويفحط
شباب فاضي ينطط
ودك من فحط يمحط

ويربصله خيزران
ويعلق فوق الجدران
ويمرغ وسط الغدران
شال وحط وشال وحط

[عدم الانحياز]

حط العلامة وسط خطك مع السير
وارسم مع الهاجوس دنياك بمخطط
وليا وصلت مناك من غير تحيير
فاحمد وليٍ بيده العمر مطط