تواير المقناص بالوعر (الحجره)........

[أبو جواهر]

تواير المقناص بالوعر (الحجره)........

السلام عليكم ،،،،،،،،،،،،،،

كيف حالكم يا صقاره يعلكم طيبين انشاء الله وابشركم بالموسم وصل ومابقا شي وانشاءالله اللي ناطر الصقر يصيد الصقر واللي ناطر ابرق الريش يهد وهو مستانس مع النشاما.

يا جماعه بخصوص المقناص انا اقنص بالاماكن الوعره (الحجره)وتصادفني دائما مشاكل وخاصة البنشر
ما ادري هو من التاير او من الرنق لا زم يكون ضعيف،وهالسنه ناوي اقنص الحجره بإذن الله.

تكفون يالنشاما علموني عن التاير اللي يصلح( بالحجره) وشنو نوعه وليه (شنو الميزه فيه).
اذا كان الرنق له سبب علموني شنو الرنق الزين للسياره مع العلم ان سيارتي جيب سفاري.

بعض الناس يمدحون تواير البالون بالحجره ياليت تعلموني السبب اللي يعرف السبب....؟


لكم مني كل التقدير والاحترام...........وجزاكم الله خير

[المطروشي]

السلام عليكم..
طاب حالك يا أبو جواهر
واله كل السنة كانت عندنا مشكلة في التواير و كانت دوم اتسير لنا نفس مشكلتك,
و جربنا ال تواير البالون بالحجره و كانت احسن تاير استخدمناة,
بس في تاير أحسن منه ما اعرف شو أسمه بس هذه الصورة

[mohamad1121]

اخي المطروشي

ذكر اخونا العضو اربعه في اربعه ملاحظه على التدقيق الاملائي من ناحية التعبير عن الفكره او الموضوع ولكن عندما يكون الخطا في كتابة اسم الله سبحانه وتعالى فلابد من التركيز اكثر ،،، شاكرا سلفا تفهمكم والله يعطيك العافيه ،،،ودمتم

ومن ناحية الصوره المنشوره (( ويكرم الجميع )) عن نوعية الكفر فالنوعيه يتضح انها تصلح للوعر ومن ميزاتها انها ثقيله على السيارات الخفيفه ولكن للجيوب وبالذات الدفع الرباعي فهي لمرحلة القنص فقط .
راجيا ان اكون قد اوضحت القصد من مشاركتي وللجميع الشكر .

اخوكم ابوكاسر

[أبو جواهر]

السلام عليكم،،،،،،،،،،،

الله يعطيكم العافيه وما قصرتوا وما نستغني عن خدماتكم (المطروشيو
.mohamad1121
لكن يا اخوي اذا كان البالون احسن ايه اركب البالون العريض ولا الضعيف مع البعلم
ان سيارتي جيب سفاري يا ليت تعطيني رايك.

والصوره الموجوده شنو اسم التاير وشنو النوع،وبخصوص الجنط(الرنق)شنو احسن للحجره والوعر ويا ليت تعطيني رايك في جنط الشنبر(الشنبر موجود علىسيارات الجيوب ابو شنب الي هي جيب شاص)

مع الشكر

[mohamad1121]

اخي العزيز

بعد التحيه
نوعية التاير لم يعرف اخي المطروشي اسمها ولكن يتضح من الصوره انها من الكفرات التي تتحمل الوعر فحسب الصوره هي من نوعيه تسمى حسب معرفتي الحجريه والتي تتحمل الظروف الصعبه ولكن ثقيله على السيارات وفي الرمل وحسب الصوره ((interco)) ومن ناحية الرنق فالشنبر اسرع واسهل للفك وتحديد حجم الجنط فهو متروك لك وعلى حسب الكفرات ومقاسها واختيارك.


اخوك ابوكاسر