أشيروا علي ايها الناس....!

[المتهادي]

السلام عليكم جميعاً .........وكل عام وانتم بخير

كنت في المعارض هذا اليوم مساءً وشاهدت سيارة انا اراها في الشارع احياناً ولكنها لم تلفت انتباهي الا اليوم !!!!
وهي سيارة AVALANCHE من شركة شفروليه شكلها رائع وحجمها كبير وسيارة مخصصة للرحلات المهم اعجبتني السيارة وحطيتها في نافوخي (على قولة اخوانا)

سألت عن سعرها لقيت 2002 بسعر 55000 ريال بحثت عن موديل احدث ما لقيت ا لا 2003 بسعر 58000 ريال

المهم رحت للعم جوجل وبحثت ولقيت مواقع كثيرة جداً
وكلها في امريكا فقط ضع (avalanche for sale )
وسوف تجد مبتغاك .....مثلاً
http://www.internetautoguide.com/use...che/index.html

سؤالي حفظكم الله هو :
اولاً - هل استطيع استيراد سيارة شخصية وهل هي عملية ام غير ذلك لان السعر فرق كبير جداً وخاصة ان هناك موديلات حديثة وهو المطلوب لي ...!
ثانياً - ما رأيكم في السيارة هذي في النفود خاصةً وفي البر عامة ولا يهمني إذا كان سعرها ينكسر جداً عند البيع

ارجو ان يكون استفساري واضح واسف على الاطالة


تحياتي لكم جميعاً

[sall]

نصيحتي

غير الوجهه

يا جمس حوض العادة ولا بلاش

رأي فقط

واسأل الله ان يكتب لك الخيرة اينما كانت

[المتهادي]

اخوي sall
تحياتي لك ومشكووور على نصيحتك ....

لكن سؤالي ما تم الإجابة عليه ....خلاص انا حطيتها في بالي ....بس ابي مساندة من الاخوان عن كيفية الاستيراد
وليست حاجتي بونيت ولكن شكل جديد بالنسبة لي ....
....وما زلت بانتظاركم ...

تحياتي

[مساير الليل]

صراحه السيارهـ ماعرفت شكلها لاكن لو تدرج لها صورهـ


وبقولك شي إن شاء الله تلاقيها فيه رح شف المعارض ألي بين مخرج 10 و 11 أو 11 و 12

وإن شاء الله تلاقي مرادك

[المتهادي]

هذه الصورة لمن لا يعرفها (مثلي اول)

تابع المشاركة التالية

[المتهادي]

هذه السيارة محاولة مرة ثانية

[عاشق خلاوي]

هلابك اخوي المتهادي ..

السياره كمنظر حلو مره بس انا استغربت من سعره المستعمل يطيح مره ويوم سألت ولد خالي قالي: ان قطع غياره ماهيب متوفره..... والله اعلم

[المتهادي]

عاشق الخلاوي

معلومة جديدة ...بارك الله فيك ننتظر شور النشاما

[حنوش]

انا اقول الله يبارك لك ويرزقك السيارة النظيفة الطيبة وتكسرها بالعافية

[المتهادي]

الأخ حنوش تقبل الله دعائك ...وممشكور على المرور
وما زلت انتظر جواب الاستفسار !!!!

[الدحبول]

موديل 2007 صار وجهة مثل التاهو تمام شفته على موقعهم
التوقع قطع المكينة والقير و الدفرنش نفس السوبربان والتاهو شفرليت
القير 4l6t أوتومتيك قطع غيارة ماليه السوق والاسعار معقولة مثل الجموس
القير 4l6t إثبت كفائته وعمليته وصيانته سهلة مجرب
المكينة 5300 مثل السوبربان
بس عليه شكل مشاء الله ممتاز
إنصحك بالمستعمل بما إن سعره يطيح واجد خذ موديل 2003 أو 2004 يعتبر حديث

وبالتوفيق لاتاخذ إلا غمارتين والشاصي قصير هو المرغوب والادرج هذي الايام

[المتهادي]

اخوي الدحبول ...جزاك الله خير
انا انتظر مثل هالكلام ....هذي الفايدة الي انا استناها
افدتنا كثيراً .....بارك الله فيك

....................

[كوبوليفا]

لقيت لك واحد اليوم بقسم السيارات المستعمله عند تويوتا

فرع طريق الملك فهد لونه رمادي غامق او اسود

بس ماسألت عنه شفته وانا مار من عندهم

[shaheenshah]

وجهة نظر

طلعت مع واحد من الشباب معاه افالانش وبصراحة مخيسة في الرمل ما تنفع ولا بقرش وبصراحة ديكوراتها من داخل تقول كرتون وتحس ما فيها اي نوع من المتانة

انا اقول لا توهق به وشفلك غيره احسن لك

[حاتم نجد]

اخوي المتهادي
انا معي افلانش 2002 فل كامل
صراحة الموتر ممتاز جربناة نفود وجلد
لكن مايسرع اخر الطبلون 160
وقطع الغيار مثل الجمس
الحمد لله له معي اربع شهود وسافرت علية بعز القايلة والحرارة تمام والمكيف تمام
صراحة الموتر شي خذ لك فل كامل ازين
مراتب جلد وفتحة وريموت
الله يوفقنا وياك