الرأي يالربع..جراند شيروكي؟

[مضغوط متمدد]

السلام عليكم.. رأيكم يالربع بالجراند شيروكي كسيارة دفع رباعي ، وإذا كان رأيكم فيه إيجابي ،
أبي تعطوني رأيكم بسعر هالعرض:
جيب جراند شيروكي موديل 2002 فل كامل ليمتد ذهبي 8 سلندر
يحده راعيه بـ49000 ريال

[jomran]

ولله ما انصحك فيه لانه مستعمل والجراند شروكي علله واجد وقطع غياره غاليه شوي ولا يعرف يصلحه الا الوكاله ولا تغرك الورش في الصناعيه الي يقولون انا متخصصين في الشروكي تراهم نصابين وانا مجربهم .

[الدحبول]

جراند شيروكي النظيف ماعليه كلام
بس السعر مرتفع جدا قيمة 2004
حده 35 فقط
وش مكينة 5.7 أو 4.7 ؟؟

[سيد النشاما..]

السلام عليكم ورحمة الله

أخوي مضغوط متمدد
والله لو تبعد عن الشروكي يكون أفضل وخاصة هالقرد قصدي الجراند ..........,,,,,,


بمبلغ (( 49000 )) غالي ومعروفه الشروكيات وخراباتهن (( يقول الكثير الشروكي لاطلع من الديرة دلى يتلفت يمين وشمال . لين ماشاف أحد ... وقف على جنب )),,,... كيف تشد به الظهر يالطيب ؟؟؟

بهالقيمة طق لك سوبر سفاري موديل 98 -99 يمال الغنيمة وريح راسك

بتلاقي النظيف النظيف إن شاء الله . يمسك قيمته - موتر ماعليه كلام - شغل وأمش - القطع متواجدة بكل مكان - الصيانة متوفرة وأكثر الورش تعرف لصيانة الباترول في كل زمان - يمسك قيمته عند البيع - ونسأل الرحيم الناصر الرحمن أن يوفقنا وياك لما يحب ويرضا

أنت طلبت الرأي ....................... وهذا رأي. محبك في الله (( سيد النشاما.. )) والسلام عليكم ورحمة الله

[alkongrs]

نصيحة لا تجرب الشروكي ماله داعي كل شوي خربان عليك ولا تنسى الاستخارة

[ابن صقيه]

عن تجربة يا خوي لا تقرب الشيروكي خاصة القراند شروكي كان معنا المذكور آنفا فاكينه وكالة بـ 140ألف والله لا يوريك كل خمس دقايق يبغى له ورشة تخيل بعناه 35 ألف وهو ما مشى إلا 100 ألف فقط .
واقترح عليك بالخمسين ألف تدور لك برادو أو باث فيندر نظيف أحسن لك .. وسلامتك .

[احب البرواهله]

ياريتك تبعد عنه الشروكي عن تجربه كنت عايش ومبصوط ولا أعرف شي أسمه ورش إلا للأشياء الأستهلاكيه وشاءت قدرة المولى عز وجل وشريت شيروكي 2002وصرت بعدها خبير بالورش وخاصه فيما يتعلق بالقير والحراره وأقلب مشاويري بليموزين وبعد حوالي 8 أشهر ثلاثة أشهر منها الموتر واقف خربان و شريت غيره وبعته بخساره 9000 ريال وكنت مبصوط من الفرحه أنه بيع حتى أخواني أفتكوا من غثا موتري كل شوي متصل على واحد يجي ياخذني أنا والأهل من شوارع الرياض وطريق الملك عبدالله صار لي فيه أكثر من موقف

[علي101]

عن تجربة يا خوي لا تقرب الشيروكي خاصة القراند شروكي كان معنا المذكور آنفا فاكينه وكالة بـ 140ألف والله لا يوريك كل خمس دقايق يبغى له ورشة تخيل بعناه 35 ألف وهو ما مشى إلا 100 ألف فقط .
واقترح عليك بالخمسين ألف تدور لك برادو أو باث فيندر نظيف أحسن لك .. وسلامتك .

لا حول ولا قوة إلا بالله
تجربتي مع الجراند شيروكي ( شريت اثنين الأول موديل 97 مستعمل سعودي أتعبني ,
والثاني مجدد أمريكي موديل 2000 كمل معاى سنتين ونصف ووالله الذي لا إله إلا هو لم يشتكي ولم يطلب ولم يقصر مع أنني قاس عليه, ولكن ميزة واحدة سلبية به وهي الحرارة في الرمال وطلعة كرا فقط لو لم يبدأ يطلب ( والملك طلباته مو أي واحد يقدر عليها ) لما بعته وقلبي معه.
وطلبي من السائل الكريم أن يبحث عن مجدد أمريكي فقط

[مضغوط متمدد]

أشكر للأخوان مشورتهم..شوركم وهداية الله.
الله يعطيكم العافية.

[بواسامه]

عقب هالشور يامضغوط
اسمع وطبق الشور
واياني واياك تسول لك نفسك
انه تفكر بشروكي ولا جراند شروكي
ترى بزعل ان شريته
الله لا يبلانا بس
كل من شفت معه هالموتر ودي اوقف موتري واسجد لله سجود شكر اني ماشريت مثله

[مـدحـدر]

مضغوط متمدد للحين متردد والا غيرت رايك عن الشروكي


يعني اتكلم والا اسكت كككخخخخخخخ

الله يوفقك

[ابو ضي]

عندي جراند شيروكي 96 له ثلاث سنوات - واستخدمه بهدوء - لكن يدي على قلبي القطعه ما تلقاها وباقي فيك نفس - يعني تروح للصناعيه تدور حض يا نصيب يا تلقى يا دبرحالك .

هههههههههههههه اذا طلع من الديره قام يتلفت يمين وشمال واذا ما شاف احد وقف على جنب
هههههههههههههههههههههههههههههههههههههههههههههههههه ههه حلوه

[ابو ضي]

ملاحظة : عندي سيارة غيره - انتبه لاتتوهق - ترا ما لقيت له زبون .

[عشقتك يامكشات]

الحمد لله اني فتحت هالموضوع وقريت ردودكم اللي كرهتني في هالسياره , كنت ناوي اشتري واحد اغتريت بفخامته وشكله وسعره ... الله يجزاكم خير ويوفقكم