وش الحل مع صرف البنزين في الباترول

[باترول]

وش الحل مع صرف البنزين في الباترول الي عنده حل يعطينا اياه وخاصة الكربوريتر............................باترول
علماً ان صرفية سيارتي تقريباً من 350 -380 داخل المدينة لكن انا اشوفها انها تصرف كثير ....وش الحل

[الباهي]

معروف ان البترول يشفط البنزين شفط

[تالي الاولين*]

.


الحقيقة انا مالي ذيك الخبره في السيارات

بس سمعت انهم يركبون ابرة التيما

تخفف الصارفية .

هذي معلوماتي والشباب ماهم مقصرين

ان شاء الله خاصة الخبير منهم


.

[mohamad1121]

باترول
مع التحيه

لست الوحيد الذي يشتكي من صرف البنزين فالكثير من مالكي النيسان الباترول يعانون من نفس المشكله .
ولعلمك انا امتلك لاندكروزر ويشرب البنزين كانه مدمن على محطات البنزين ، وكنت سابقا والكثير يعرف ان سمعة السيارات الامريكيه سيئه من ناحية شفط البنزين لكن في الوقت الحالي هي ارحم من السيارات اليابانيه ((( ليست دعايه للصناعه الامريكيه ))) هو واقع ملموس .

الله يعينك على بلواك ،،،،،،،

ابوكاسر

[عاشق الجبال]

السلام عليكم ورحمة الله وبركاته . شكرالك على طرحك الموضوع الرائع
انا معي باترول 98 بخاخ وصلني على الخط الطويل 350 كلم وباقي الخزان الصغير فل اما
الكبير باقي اقل من الربع علما بأني امشي بسرعة 140وحيانا 150كلم اما داخل المدينه
املا الخزانين وبعد 15 يوم يكون الصغير اكثر من النصف اما الكبير اقل من الثلث.
تقبل تحياتي

[الدلولة]

بعد التحية
لحل مشكلة الصرفية شوي قم بعمل التالي :-
1 - شل مروحة الماكينة وركب بدالة مروحة مكسيما 0
2 -غير أبر الكاربريتر بأبر التيما ( بس هناك مشكلة بسيطة وهي أن الموتر يصير فيه كتمة بسيطة عند القومة أو إذا رفعت رجلك عن دعسة البانزين ثم دعست ثانية 0 بس مع الوقت تبي تعود عليه )
العمليتين إن سويتهن يضيفلك من 60 إلى 80 كلم تقريباً 0
الكلام من واقع تجربة سابقة
تقبل تحياتي ودمت في رعاية الله ،،،

[الدلوع]

غير الكاربريتر وركب حق 200 L
بس المشكله يتغير عزمه عند القومه(( مجرب توفر الصرفيه من 350 الى 250 تقريباً))

[IMG][/IMG]

[جوكر]

بسم الله الرحمن الرحيم

ياراعي الباترول من ناحية الصرفية انا معي باترول كربريتر مهوب بخاخ.... والله بيني وبينك داخل الرياض مهوب يشرب بنزين وبس....الا يبلع بلع......بس شف شيك على البواجي واسلاكها والبليتين وقم بتصفية الكربريتر....انا صراحة سويتها.... وشف يوم بداية موسم الضبان كنت رايح اضبب حول رماح عبيت السيارة فل من عند المحطة اللي قبل مخرج رماح... ورحت لرماح يوم صار مابيني وبينها الا كيلو تقريبا فرقت يمين.... ودخلت تقريبا بين 10 الى 20 كيلو..وارجع ثانيه لرماح اعبي الجراكل..تقريبا ثلاث الى اربع مرات اروح وارجع..اروح وارجع...ثم رجعت ثانية للرياض.... وصلت عند البيت والتانكي باقي فيه تقريبا تقريبا اقل من الربع.....وهذا اللي ودي اقوله بارك الله فيكم











الله مــــن قلـبٍ هــجوسه تــمــلـه.........مل الغضا لمبهرات المباهير
وشوف البراري والفضا ولعةٍ له.........لاشفت بالمنشا مزونٍ مزابير

[صقر]

الحل وفي رأيي الشخصي ومن واقع تجربة شخصية بسيط ومريح جدا جدا

وهو غير المكينة وركب مكينة ديزل

انظر الرابط
http://www.mekshat.com/vb/showthread...threadid=11317

وتقبلوا تحياتي...

[الاجودي]

انا معي باترول 2000 بخاخات

تانكيين يمشنن 770 كيلو بسرعة 140

انا اشوفها مهيب واجد

[almotla3]

انا عندى باترول سوبر سفارى 2000 بخاخ وسافرت عليه الخزانين يكفنك 750 كيلو واشوفها طبيعيه
وخصوصا ان الخزان الثانى مهو شي صغير ولايعول عليه
واعتقد ان اللاند كروز نفس الشى او اكثر ..ويمكن المساله نفسيه لان مشكلة الباترول يشفط الربع الاول بسرعه مثل البرق وهذا اللى يخليك تحس انه يصرف

[قناص القرائن]

بيعه اصرفلك عندنا فورد هو الصرفيه صدق كأن التانكي من شق يصرفففففففف