كم عدد المخالفات عندك ؟؟؟؟؟؟؟؟؟؟

[ابن المدينة]

السلام عليكم يا الذيابة ....

هذي طريقة تعرف عدد المخالفات عندك عن طريق الجوال .... واجمالي المبالغ اللي عليك ....

ارسل رسالة فيها رقم بطاقة الاحوال الي الرقم 88993

الحمد لله لدي مخالفة وحدة بقيمة 100 ريال فقط قولوا ما شاء الله
اللهم حولينا ولاعلينا
كل واحد يعلمنا عدد مخالفاته ؟؟؟

[تيتشر]

حسبي الله عليه ذاك العسكري .. تفتيش وعطاني مخالفه عشان مركب كبوس فوق السياره يقول تغيير ملامح السياره

قلت ليه شايف السياره على هيئة طياره مثلا ؟؟

والمشكله كانوا موقفين واحد مظلل وخلوه يروح وصدتهم .. قلت ليه طيب مشيت راعي (الانفنتي) قال عطيناه مخالفه قلت لا تنصب عليه انا جاي قبله وجالسين تسجلون مخالفتي وهو جا بعدي كيف امداكم تسجلون مخالفته ؟؟

ما تمشي علي قلت عموما بيني وبينكم رب العالمين ما راح اسامحكم والا المخالفه كلها ميه والا ميتين وانت وعدك قدام ربي انشالله

[ليالي المكشات]

انا 1200كلها بسبب عدم حمل رخصة ومخالفة 300قطع اشارة
يعني كلها 1500 قيمة جوال n73 مطور


*
*
*
*
*
* هذه نهاية العجازين

[ابن المدينة]

الاخ تيتشر..
الكبوس اللي في الصورة ... تستاهل مني انا قسيمة ......

الاخ ليالي المكشات ...
زدها قسيمتين واشتر E 90 ...

شكرا للعبور

[مساير الليل]

الله يعين


أنا علي 800ريال

وللمعلوميه هذا رابط أدخل رقم البطاقه ويظهر كم عليك من المخالفات


http://www.moi.gov.sa/wps/portal/!ut...A!#7_0_UNDأضغط هنـــــــــــــــــــــــــــــا

[Magellan]

وفيه رقم محلي (مهوب مجاني) بالرياض تقدر تستفسر عن المخالفات:
2928888-01

[ابن المدينة]

الاخ صديق الهم

أسأل الله ان يزيل همك وتصادق السعادة دائما
شكرا لمرورك ...

Magellan

شكرا شكرا على هذا الرقم

لك اجمل تحية ...

[ابو ناصر2020]

الحمد لله 400 ريال فقط لا غير سرعه وتظليل مره وحده


بس الغريب اني ماخذ مخالفه قبل شهر ومع ذالك مالقيته مسجله مع القسايم .

[ناوي نيه]

ولله الحمد مهنا شي

[مـدحـدر]

لا يوجد اي مخالفه

لكن المشكله قبل شهرين مسدد 750 ريال

مالي منها الا مخالفه وحده هي الصحيحه وهي موقف خطأ

اما الباقي والله مدري من وين جابوها حتى فيه مخالفه انتهاء رخصه ورخصتي جديده

والشكوى لله سددتها والله حسيبهم

[وسيـع البـنايد]

550 ريال
3 مخالفات - كلها ظلم وربي يشهد إلا وحدة سرعة من 3 سنوات
وقطع إشارة - عدم ربط حزام

[SilverSniper]

there are no traffic violations for...........
يعني لا يوجد مخالفات... الله يخلي لي ولد عمي اللي في المرور..
تسلم يا تيتشر...

[تيتشر]

الاخ ابن المدينه

الاخ تيتشر..
الكبوس اللي في الصورة ... تستاهل مني انا قسيمة ......

ليه طيب .. العسكري يقول تغيير ملامح السياره .. بالله مو واضح ان السياره بليزر ؟؟

وغير كذا ليه يمشون اللي يبون ويعطون المخالفه للي يبون .. ثاني مره قدام عيني يمشون ناس مخالفين ويخلون اللي يبون

الاخ سيلفر العفو بس والله مافهمت الشكر على ايش؟

[ابن المدينة]

ابو ناصر2020


ناوي نيه



أبخص



3210




SilverSniper




شكرا لمروركم ... ... ... والله يبعدكم عن الخساير ...


الاخ تيتشر ...

يا اخوي انا امزح معك ... خلاص قطعنا القسيمة ....
والله احيانا فيها ظلم

[بن عيد1]

اذكروا الله ...
كتبوا لي بالانجليزي ولافهمت بس اللي يتورالي انه مابه قسايم