موديلات 2002 من شركة jeep

[عبدالعزيز الدباسي]

صور لموديلات 2002 من شركة jeep وذلك لطراز

Grand Cherokee

وطراز Wrangler

وكذلك Liberty

ونوع Rubicon

وايضا طراز Compass

[راعي عنيزة]

مشكور يا شقردي الغالي وما تلاحظ انهم خربو الشيروكي وصار شكله تقل جعل

[الشيب]

السلام عليكم ورحمة الله
والله فيه الحلوة وفيه .... وتسلم وتشكر

[عبدالعزيز الدباسي]

يالغالي يا راعي عنيزة تــقووووووول جععععععععل ،،

اكيد هم ودهم يحطونه مثل الجعل علشان اسرع (((للتدربي)))


اخوي الشيب اعتقد ان نفسك تحدثك بوحده منهن ،،،،،، بس انت أشر

[نجم سهيل]

على طاري الجيب (jeep) يوم الجمعة اللي طافت في الثمامة عند مكان التطعيس وحنا راجعين من الصمان شفت منظر صراحة جديد علي.

اثنين من الشباب الزكرت مشخصين معهم اثنين جيب رانجلر يعشقون الجيوب ويتركونها تطلع الطعس بدون سواق,,,,,,, وصدقوني طلعت... صراحة كسرو عيون الجيوب الباقيه اللي يمشون الطبلون علشان يطلعون الطعس... الأخ مساعد كان معي.

ومشكور اخوي الشقردي على هالصور.

وتكفون يالربع اللي يحصل صور لموديل 2003 للاندكروزر لايبخل علينا بها.

وسلامي للجميع.

[مغرم البر]

مشكور يا الشقردي علي الصور.

تراني جربت السيارات الجديدة من شركة (Jeep) !؟ .

والله إلي عجبني صح هو (ديرانجو-Durango) صورته ماهي موجودة هنيا
لا كن ياخوان موتر صح ..وسيع ..حجمه ماهو كبير حيل ..مكينة قوية جداً 8 سلندر محرك نوع (ماغنوم) سعة 5,9 لتر وقوة 245 حصان. تراه قوي في البر.. مجرب.

إلي عند مقدرة لا فوته.

[*الفاهم*]

الله يعطيك العافيه

[ولد شقرا]

وششششششششششش الطاري
وششششششششششش المسكه
اربع سنوات مات من ماااااااات وحيا من حيا
الله يرحمنا برحمته

[شبح الصحراء]

يا الفاهم طلعت غشيم ومانت فاهم ولا ودك تكثر مشاركاتك ترى العبرة بنوع المشاركات وليس بكميتها .

[سرداح]

السلام عليكم ورحمة الله وبركاته

اخواني ولد شقرا وشبح الصحراء الأعزاء

اخواني تعوذو من الشيطان وذكروا الله واحسنوا النيه في الرجال يمكن مسوي بحث في النت عن وحده من السيارات هذي او قال مايشوف مواضيع بمنتدانا تتحدث عن انواع سيارات هذي الشركه بكثره وهو رغبان اويدور عن اي معلومه تتحدث عنها هنا ولما طاح على موضوع الشقردي الله يذكره بالخير اعجبه الموضوع وتنوع الصور خصوصا ان السيارات مافيها تغيير جذري من اطلعت 2002 الى يومك فحب انه يشكر الرجال على مجهوده . فيها شي ذي بلعكس كثر خيره وياليت كل الناس تسوي مثله وانا اشوف الرجال ماغلط على احد ولاتعدا على احد فما يجوز اني اجي احد من حريته الشخصيه اذا كانت هذي الحريه ماتضر الغير منتو معي ولا انا غلطان

تحياتي للجميع

[شبح الصحراء]

عداك الغلط يا سرداح واحتمال كلامك صحيح وانا بدوري اشكر كاتب الموضوع الشقردي واقول الله يعطيك العافية .