فزعتكم اخواني بمكشات سيارتي هايلكس لاكن....

[abokhalaf]

السلام عليكم
اخواني الاعزاء بمنتديات مكشات ...
السياره *هايلكس*
الموديل *99*
المشكله ((انا ماادري هذا هو هذا عزم الهايلكس ...يااخي السياره لعنت ابو خيره لاكن ماش عيت تجيب الميه وثمانين ابد ماادري وش العذروب ..يعني مقارنه بالبخاخ صفر على الشمال ...ابي حل لها المشكله ..على انه تجيب الميه وستين زي السلام عليكم لاكن لاتعدته تردت... عاد الله لايهينكم يااخوان عطونن رايكم ...لو اركبله حاجات بسيطه تقوي عزمه (((بدون صوت)) وهذا اللي عندي ...والله لايهينكم...

على فكره.. مابه مكان ماجيته به نفود قطعت شعبان العزم مظبوط...لاكن بس على الخط تجيب المرض..
المعذره على الاطاله...

[ولد وايل]

ناوي تنتحر اخووووووووووووي مابعد 180 الا المووووووووووووووت

[ق ب م 632]

ناوي تنتحر اخووووووووووووي مابعد 180 الا المووووووووووووووت

لا وعلى هايلوكس بعد

[Black VTC]

اذا الموتر ما خليت فيه شي لا نفود و لا شعيب الا وبيض وجهك كثر خيره والـــ180 وفوق و اخطار الانتحار خلها لبزارين الكوامري و المكسيمات اما انت ماشاء الله عليك طير بر و ذيب اذا حملت الموتر عزبتك و كشت و مشى بك الموتر وهو محمل 140 او 130 اذكر ربك و احمده واشكره على النعمة

اخوك ابوسليمان

[بوسحمان]

	هايلكس 2001 وكاله بدون ترهيم ولا ترفيع .......بس لاتسرع الموت اسرع

[ابو_ مشاري]

لاو الله الا بيولع صاحب الموضع لاشاف صورت طبلون الهلي فوق 180

[abokhalaf]

الله يجزاكم يالخير اخوي ولد وايل و ق ب م وابوسليمان ((بوسمحان))
خوش خوش ردود والله والله يهدانا ....
ابومشاري اولع عشان هالخرابيط ويعطيك العافيه....
وماشاء الله على موترك بوسمحان الله يعطيك من خيره وتسفيك شره ...



ابو خلف.....حائل...