اجتماع اصحاب الـ fj وما حصل معهم تقرير مصور

[ولد وايل]

السلام عليكم ورحمة الله وبركاته

جاءني اتصال من مسوقين شركة عبداللطيف جميل يوم الاثنين الماضي وقالوا ان هناك اجتماع بفندق هوليدي ان لجميع مالكي الاف جيه كروزر يوم الخميس الموافق 20/10/1428هـ

ثم اتصلوا بي يوم الخميس الظهر للتأكيد وقالو الساعه الرابعه عصرا يكون موعدنا للاجتماع

طلعت من المخيم الساعه 3.20 وذيت الساعه اربع الا دقيقتين وانا عندهم

وهذي صورة البهو للفندق وهناك ولد اختي جالس من الطفش

وهذي صورة المدخل المؤدي الى القاعه


وهذا هو التصبيره للبريك حقهم


بعد هذا كل وصلت باقل وقت ثم طرقت الباب وكان الموعد الساعه الرابعه عصراً المهم جيت اربع الا دقيقتين

وقالوا لي انتظر للمجموعه الثانيه و...............

للحديث بقيه

[ولد وايل]

المهم واستنى الى الساعه 6 بعدها قال لي مسئول الاجتماع وهو من شركه تسوقيه فاشله بمعنى الكلمه انتظر حتى يجون بعض الشباب المهم بعد الانتظار زياده نصف ساعه جو الربع وهذي صور القاعه من الداخل



وهذي صور اخرى للقاعه


اخواني كل شخص منا عرف بنفسك وعمره

المهم طرحوا علي اسئله كثيره واجبتهم بكل صراحه وكان فيه كميرة تصوير فيديو

من ضمن الاسئله اللي جاوبت عليها وهي
نواقص الاف جي كروزر

منها
1- حماية للقير والدبل
2- تنسيم الابواب
3- صغر التاني وعدم وجود تانكي اضافي
4- عدم الرؤيه في حالة الرجوع للخلف
5- عدم المقدره لفصل مانع الانزلاق
6- زر السماعات
7-ثبات الشباك الخلفي للركاب
8- فرق الارباقات بين الفل والعادي
9- عدم وجود مكيف خلفي
10- عدم وجود ثلاجة تبريد للمشروبات
11-عدم وجود انوار فوق الطبلون ((عالسقف))
12-عدم وجود بطاريه اضافيه مثل الاستعمال الامريكي
13- عدم وجود كهرباء 110 او 220 مثل الامريكي
14- عدم وجود مروحه للمكيف لتبريد المحرك
15- جسور داخليه لحماية الصدامات من الحوادث لاسمح الله

بعض منها عوضناه مثل البطاريه وانوار السقف والكهرب
اما المميزات فهي
1- قوة العزم افضل من الجيوب المصندقه 4500
2-ومانع انزلاق ثباته عالخط


هالشركه التسويقيه عطونا لكل واحد عطر هوقو مو اصلي قالك ارضاء لنا

اخواني ليس مدح بالسياره فهي ممتازه للبر بشكل جميل

واعذروني عن النواقص واي ملاحظه انا مستعد تقبلوا تحياتي وتقديري اخوكم ابوفي

وبارك الله فيكم

[ثعل البرد]

عطر هوقو وشركة تسويقية فاشلة وتصوير بالكاميرا ... وما هي الفائدة من هذا كله ؟؟ ... أعتقد من أبرز سلبيات الـ fj سعره الغالي

[ولد وايل]

اخي الكريم تطرقنا للسعر فهو اقل سعر من دول الخليج

السعر لاباس فيه اجل جيب الربع حول الميه ولا فيه اي مميزات
عموما المشكله بالريال حقنا نازل

[ابوطاقية]

باقي نقطه مهمه ما اضفتها وهي القير العادي مو موجود بالوكاله بينما الامريكي موجود وست سرعات

[هاوي البر]

بيض الله وجهك اخي ولد وايل

[ولد وايل]

اخي الكريم ابوطاقيه لونزل قير عادي اظاهر الموتر بيطلع نفاث...........

اخي هاوي بر بارك الله فيك ووفقك لمايحبه ويرضااااااااااااااه

[فارس الرس]

الله يعطيك العافيه ياولد وايل
وكل هالنواقص والسياره موديل توه نازل السوق اجل متى بيتطور

[ولد وايل]

اخي الكريم فارس الرس هذي مجرد اكسسوارات جميع السيارات يوجد بها النواقص عزيز يكفي ان فيه مانع للانزلاق يعني السياره مثل اللكزس ما تفحط عزيزي احنا قارناها بالاستعمال الامريكي.....................

[بواسامه]

الله يعطيك العافيه ياولد وايل


وكل هالنواقص والسياره موديل توه نازل السوق اجل متى بيتطور

عميليه تسويقيه بحته عشان الدفعه الجايه يزودون طيس واللي بعده لمبه واللي بعدهخطوط والفل كامل بنزل عام 2018

[ولد وايل]

المشكله جت في ظهورنا احنا يالاوائل اما غيرنا راح يكسبها بارده مبرده

ياريتهم عملو دعايه وسوو لنا خصم خاااااااااااااااااااااااااص

[Black VTC]

طيب هالحين مواعدينك الساعة 4 العصر وبالاخير تسحيب الى الساعة 6؟؟!!!...

لو مكانك كان انسحبت بصوت مرتفع لان الساعتين اللي ضاعت من عمرك تسوى مواترهم كلهم ؟؟!!..

تحياتي لك يا ولد وايل ..

[ولد وايل]

اخي الكريم انا حبيت اعرف وش عندهم فقط والا والله اني غسلت شراعهم وقدمت شكوى عليهم

[أصغر زعيم]

الله يعطيك العافيه اخوي ولد وايل
عطوكم انوار السقف والكهرب؟؟؟

بعض منها عوضناه مثل البطاريه وانوار السقف والكهرب

[ابو نوف 200029]

مشكووووور وما قصرت