أفيدوني يأهل الخبره ( يوكن 2001 )

[باترول للأبد]

السلام عليكم ورحمة الله وبركاته

طالكم ياجماعة الخير عندي مشاكل في موتري يوكن 2001 وأبي اعرف حلولها

لأني تعبت من الورش وكل واحد له كلام ولاتدري وش الصح

وأقربها قبل فترة توني حاط في الموتر 3 الأف ولا ضبط

اول شي عندي الكهرب والريس يضعفون ويقوون

وبعد عندي نفضة دايم أحس فيها تجي من تحت جهة السايق

ودايم أحس بالمطبات وانا مشي مادري ليه والموتر ماكان كذا

وان شاء الله تفيدوني يأهل الخبرة

[باترول للأبد]

أفا ياجماعة الخير وين همتكم وخبرتكم

[سيف463]

اول شي من وصفك اقول موترك استعمال امريكي
اتوقع مشكلتك كهرباء وبخاخات بس يبيلك ورشة متخصصة
اذا انت في الرياض مالك الا الصناعية القديمة فية ورشة متخصصة بالكهرباء اظن اسمها الجابري بس اسعارهم الله يعينك الوكالة ارحم لكنه خبرة واذا تبي رايي بع الموتر وارتح الموتر من يتعبث فية فلان وعلان ماعاد ينبغا تمش فية ذا الشتوية وحلل ذا الفلوس وبعده مسكة الباب والله يعين

[طلحة]

وعليكم السلام ورحمة الله وبركاته
انا رايي من راي الاخ سيف، الامريكي بالذات اذا مر عليه 6 سنوات وبدا يقول جب فماله الا اقرب ميكرفون
انا عند يوكون 2001 ولي 6 شهور وانا شيل وحط معه والان قررت ابيعه

[باترول للأبد]

الله لايهينك ياخوي سيف وشاكر لك مرورك

والموتر عندنا وكاله يعني سعودي

وصراحة مليت منه وودي ابيعة بس الوالد موراضي

[باترول للأبد]

الله لايهينك ياخوي طلحة وشاكر لك مرورك

وصراحة اليوكن عله وزين انك بتبيعة