وفرت عند تغيير لزيت سيارتي مبلغ وقدره 33.25ريال مع سالفتي في المشاحم

[الرسن]

سيارتي جمس يوكون 2005

وفرت عند تغييري لزيت سيارتي مبلغ وقدره 33.25 ريال

اليوم الاربعاء ذهبت لتغيير الزيت وكنت قد اشتريت كرتون زيت يحتوي على 24علبة بمبلغ وقدره195ريال كما اني اشتريت السيفون من محلات قطع الغيار بعد اخذ رقمه من الوكيل واقصد بالرقم رقم الكود الاصلي للسيفون بسعر 11ريال.
المهم ذهبت للمشاحم في شرق الرياض وتحديدا شارع الشافعي ابتداءا من شارع سعد بن عبدالرحمن من جهة الجنوب إلى جهة الشمال طريق خريص ذهابا وايابا يعني مسح كلي للمشاحم الموجوده هناك اجي ×××لعامل المشحمة نبي تغيير زيت لو سمحت قال تفضل قلت بكم التغيير قال لسيارتك بدون سيفون او مع السيفون قلت مع السيفون قال بـ103ريال مع الخصم قلت طيب انا معي الزيت والسيفون قال مانقدر نغير الا يكون الزيت من عندنا يعني ضف عفشك والله واديور واروح للي بعده قال نفس الكلام لازم يكون الزيت من عندنا المهم اني مريت ستة مشاحم عمالها ×××متفقين إنه عند التغيير لازم يكون الزيت تشتريه منهم والا مايغيرون لك لذلك شكلهم متفقين على سلبنا مبالغ ليست من حقهم حسبي الله عليهم تصور توفر في تغيير الزيت 33.25 ريال يبي يسلبها ×××من جيبك حسبي الله عليه.
المهم اني لم ايأس وواصلت المسح وبحثت فوجدت مشحمة بجوار مجمع فلل الجزيرة اللي في طريق الشافعي وانت جاي من خريص لقيت ذاك اليماني الحبيب وعرضت عليه إن يغيير الزيت والعلب موجودة معي فقال اهلا بك تفضل على الحفرة قلت له بكم لو سمحت قال بـ20ريال قلت معصي ومني ومنه قال خلاص بـ15ريال طبعا انا رفضت لأني دائما اغير بـ10ريال ولكن اللي انا معامله مسافر لليمن المهم جاء صاحبه قال تفضل مافيه مشكله عشره عشره والله واغير الزيت بـ10ريال لأني جايب علب الزيت والسيفون معي.
مالكم بالطويله ياشباب لذا اقول تعالو نحسب كيف وفرت 33.25ريال:
سعر الكرتون 195ريال تقسم على 24 علبة = 8.125ريال
سعر السيفون اصلي من محلات قطع غيار السيارات 11ريال
سيارتي تحتاج إلى ستة علب قيمتها= 48.75ريال بسعر الكرتون
يعني نقول:

بطريقة ×××عامل المشحمة اللي يبيني اغير الزيت من عنده كالتالي:
6علب بقيمة 13ريال=78ريال+ سيفون بقيمة 25ريال=103ريال
بطريقتي في تغيير الزيت هذه المعادلة كالتالي:
6علب بقيمة8.125ريال= 48.75+ سيفون بقيمة11ريال+ شغل يد 10ريال= 69.75ريال


اذا نصل للمبلغ الموفر بطريقتي وهو كالتالي:
103ريال بطريقة ××× عامل المشحمة – 69.75ريال بطريقتي= 33.25ريال

ملحوظة وجدت ××× اغلب عمال المشاحم متحدين في امر واحد على هذا الطريق تحديدا في انه لابد إن يكون الزيت من عندهم اذا اردت إن تغيره وبالامس قرءنا إن الاتراك عمال المطاعم اتفقو على إن يقاطعو البيبسي بسبب غلاءه واليوم نشاهد أصحاب المشاحم بنفس الطريقة يتفقون على طريقة معينة بشرط إن تكون علب الزيت من عندهم بقيمة 13ريال فما بالنا لانتفق ونشجع من يتعامل معنا في وطننا بطريقتنا إنها معادلة صعبة.
مع السلامة

حرر الموضوع من قبل ناصح

[قرناس 771]

كلام واقعي جداً بس من الي يسمع المستهلك مهضوم حقه ياخو وحماية المستهلك نايمين يعني نسمع فيهم ولاعمرنا شفناهم أوسمعنا بإنجازات حققوها مجرد إسم والسلام خير ختام

[لهيب الشوق]

يسلموووووووووووو

وفكرة رائعة

[الوفد000]

الصراحة انها فكره جيده ...اتمنى الكل يسويها

[أحمد 2020]

والله ما وقفت عليهم

أتوقع يمديك بالبيت تغير الزيت وحتى السيفون يعني إذا كان الفرق كذا ا

[محسن اليامي]

جزاك الله خير وكثر الله من امثالك

[الهاوي.]

مشكوووووووووووووووووووووووووووور

[shaheenshah]

كلام سليم وصدقني حنا ناس نبي ندفع فلوس عشان ما نوسخ يدينا بشوي زيت او شحم ولا نبي نشتغل ابد ومتكلين على غيرنا في كل شي
والا العملية كلها صاموله وفتحة كبوت يعني ليه ما تغيره انت في البيت وتوفر أيضاً 10 ريال في مخباتك ولا احد يقول لي ما اعرف والا ما عندي عده والا اي عذر ثاني العدة كلها مفتاح سيفون ومفتاح مختوم ولا هي صنع صاروخ فتح الصاموله عكس عقارب الساعة وربطها باتجاه عقارب الساعة
وبهالطريقة يكون المبلغ الموفر بطريقتك كالتالي:
33.25 +10 = 43.25
مهوب احسن؟

[VXR.2007]

كلام سليم وصدقني حنا ناس نبي ندفع فلوس عشان ما نوسخ يدينا بشوي زيت او شحم ولا نبي نشتغل ابد ومتكلين على غيرنا في كل شي
والا العملية كلها صاموله وفتحة كبوت يعني ليه ما تغيره انت في البيت وتوفر أيضاً 10 ريال في مخباتك ولا احد يقول لي ما اعرف والا ما عندي عده والا اي عذر ثاني العدة كلها مفتاح سيفون ومفتاح مختوم ولا هي صنع صاروخ فتح الصاموله عكس عقارب الساعة وربطها باتجاه عقارب الساعة
وبهالطريقة يكون المبلغ الموفر بطريقتك كالتالي:
33.25 +10 = 43.25
مهوب احسن؟

مثـــل ماقلـــت

[مشعل العيسى]

جزاك الله خير وكثر الله من امثالك

والله يوفقك يا اخي

[راف]

ملحوظة وجدت ×××اغلب عمال المشاحم متحدين في امر واحد على هذا الطريق تحديدا في انه لابد إن يكون الزيت من عندهم اذا اردت إن تغيره وبالامس قرءنا إن الاتراك عمال المطاعم اتفقو على إن يقاطعو البيبسي بسبب غلاءه واليوم نشاهد اليمنيين بنفس الطريقة يتفقون على طريقة معينة بشرط إن تكون علب الزيت من عندهم بقيمة 13ريال فما بالنا لانتفق ونشجع من يتعامل معنا في وطننا بطريقتنا إنها معادلة صعبة.

اصبت عين الحقيقة ... فما بالنا نحن المواطنون نشجع بطريقة أو بأخرى على أن نُستغل !!

[معن الرياض]

شغلك تمام أخوي


التوفير زين

[ali_11]

والله انك صادق اخوي وتسلم على ها الفكرة ولو نتحد حنا المستهلكين ونتفق على شي والله ان يخضعون التجار وغيرهم والا بالله ماهي حرام 43 يلهفونها من جيوبنا غربلهم الله
مشكور اخوي

[الرسن]

كلام واقعي جداً بس من الي يسمع المستهلك مهضوم حقه ياخو وحماية المستهلك نايمين يعني نسمع فيهم ولاعمرنا شفناهم أوسمعنا بإنجازات حققوها مجرد إسم والسلام خير ختام

ياقرناس حياك
الغريب في الموضوع اتفاق عمال المشاحم على انك تغير الزيت من عندهم ولا مايغيرون لك وبالنسبة لحماية المستهلك نسمع عنها ولا ماشفناها

معالسلامة

[الرسن]

يسلموووووووووووو

وفكرة رائعة

حياك ومعالسلامة