قدر الله علي وشريت يوكن (ويامن شراله من حلاله عله)!!!

[عاشق هدوء]

السلام عليكم ورحمة الله يأهل مكشات
الفزعه يالربع قبل كم يوم نزلت المعارض ادورلي سياره وقدر الله ونقزت لي في يوكن دبل موديل 96 استخدام امريكي الموتر ماشاء الله مافيه كلام من ناحية البدي والمحركات لكن طلعي فيه مشكله ضيقت صدري
الا وهي ان الموتر يطفي اذا هديت او مسكت فرامل عند مطب او اشارة او لفه وديته للصناعيه قالوا طرمبة بنزين قلنا بسيطه وغيرناها لكن مازلات المشكله وغيرت صفايه وبواجي لكن لافائده يالربع اذا احد قد مر عليه مثل هالمشكله ولقالها حل لايبخل علينا (والله يكفيكم شر الخرد)

[ق ب م 632]

ارسل لي رساله عالخاص وابشر يالذيب

[الديزلي]

عزيزي صارت معاي هذه المشكلة مع فورد قبل عدة سنوات
وبالأخير وجدت حل المشكلة
قم بتغيير أصابع الكهرب الي تركب بالبطارية وسعرها لا يتعدى 50 ريال
وشف النتيجة
ولا آراك الله مكروه

[عاشق هدوء]

عزيزي صارت معاي هذه المشكلة مع فورد قبل عدة سنوات
وبالأخير وجدت حل المشكلة
قم بتغيير أصابع الكهرب الي تركب بالبطارية وسعرها لا يتعدى 50 ريال
وشف النتيجة
ولا آراك الله مكروه

اشكر لك تفاعلك اخوي الديزلي ولايهون اخونا ق م ب 632
سراحه كلامك ذكرني بحاجه مهمه وهي عندما تنطفي السياره تتغير الساعه واضطر لاعادة ضبطها بعد كل مره

[فتى الوادي]

أعتقد والله أعلم أنه من أسلاك البواجي ... غيرها ....

[عاشق هدوء]

حياك الله اخوي فتى الوادي
اعتقد اسلاك البواجي اذا كانت تعبانه تسبب تفتفه ورجه لكن السياره ماتطفى الا اذا مسكت فرامل الا توافقني الرأي لاعدمناك يالغالي

[الديزلي]

اشكر لك تفاعلك اخوي الديزلي ولايهون اخونا ق م ب 632


سراحه كلامك ذكرني بحاجه مهمه وهي عندما تنطفي السياره تتغير الساعه واضطر لاعادة ضبطها بعد كل مره

إذا بانت المشكلة

[الدحبول]

هل تولع عندك لمبة تشك إنج المكينة برتقالية ؟؟؟

إذا ولعت ود سيارة لورشة وسوى فحص كمبيوتر

[z a n h o r]

فك اصابع البطاريه ونظفها ثم شدها مضبوط وجرب

يمكن هذي المشكله ..!

[علي الشهري]

اشكر لك تفاعلك اخوي الديزلي ولايهون اخونا ق م ب 632


سراحه كلامك ذكرني بحاجه مهمه وهي عندما تنطفي السياره تتغير الساعه واضطر لاعادة ضبطها بعد كل مره

معنى هذا إن الكهرباء تنفصل عن الساعة
يعني الخلل حول البطارية
تأكد من التوصيلات اللي حولها وأصابعها

[السنع كله]

الامر سهالة لا يضيق صدرك كهرباء وتتكرر مع كل سيارة المهم ريح بالك يالغالي

[عاشق هدوء]

مرحبا اخوي الدحبول
نعم اخوي تولع اللمبه وشكلي بوديه للفحص بالكمبيوتر بس الاول بشيك على البطاريه واللي حولها مشكور اخوي على الاقتراح
zanhor
هلابك يالغالي ابجرب واشوف
التنهات
فعلاً اعتقد المشكله حول البطاريه ابغير الاصابع والاسلاك واشوف يعطيك العافيه يالذيب




تم تحرير المشاركة من قبل المشرف

[.أبوعبدالرحمن]

اخوي صاحب الموضوع احييك من كل قلبي


واتوقع ان المشكلة هي والله اعلم من حساس الهواء

او كما تفضلوا اخواني المكشاتيين من اصابع البطارية اذا لم تكن نفس البطارية ضعيفة ولا تتحمل

نور الفرامل لدرجة ضعفها او اي نور يشتغل


تمـ تحرير الرد من قبل المشرف

[رجل كريم]

آمنت بالله ... وجزاك الله خيرا على التوقيع المميز ..

تحياتي ..

[عاشق هدوء]

اشكر جميع الاخوه اللي شاركوا بالردود وبالنسبه لمشكلة سيارتي اعتقد اني اكتشفتها اليوم بعد ماعبيت تانكي البنزين فل ماعاد طفى الموتر معناه ان المشكله في طرمبة البنزين اذا نقص البنزين عن الثلث ومسكت فرامل تحرك البنزين في التانكي عن الطرمبه وطفت السياره والغريب في الامر اني امس مرهم له طرمبة في اكس ار وسبق ان كان عندي يوكن 98 ورهمت له طرمبة في اكس ار وضبط ودائماً البنزين بنزل للصفر ولا تطفي السياره شى غريب فعلاً الا اذا كان موقع طرمبة ال96 اعلى من 98 في التانكي او انها اقصر والله مشكله كل هالخسارة لازلت المشكله حتى صوت الطرمبه مزعج
مع العلم ان الورشه ليست نفس الورشه اللي غيرت عندها الطرمبه حقت ال98

تمـ تحرير الرد من قبل المشرف