بسم الله الرحمن الرحيم
((^
ابو ســـــــاره ^))
الحمد لله على السلامه أولاً
, والله يجزي اللي وقفك و نبهك كل الخير
وفعلاً كلامك صحيح فالطفايه صغيره وماتاخذ مكان كبير في السياره
و أذكر من زمان صارت لي قصه أنا و أثنين من عيال خالتي على طريق القصيم
واللي صار ,, إنه بعد ماتعدينا التفتيش متجهين للقصيم مادرينا إلا لمبه الدينمو
تشتغل
وقفنا ويوم فتحنا الكبوت
حصلنا الدينمو محترق و أنواع الدخان وأحترق الحامي الداخلي للكبوت
بحكم قربه للدينمو .
وأسكت بس حالتنا صعبه ماندري كيف أنطفي النار
لان ماكان معنا طفايه
ذاك الوقت .
سلم لي على الالماني اللي من عام السبله حاطين مثلث و طفايه بالمواتر
وكويس الحين عبداللطيف جميل سار على خطاهم في تأمين الطفايه و غيرها .
Najd ^ Prince