ركبت فرارات على الددسن ولا لقيت فرق

[فتى التويم]

السلام عليكم


السالفه ومافيها ياجماعة الخير اني ركبت فرارات على الددسن الدفرنسين

ولا لقيت فرق ابد

صوت الحنه ماتغير

خفة الموتر ماتغيرت

الصرفيه ماتغيرت


علما ان نوع الفرارات Avmالبرازيليه

مركبها من عند السليماني


ارجو من اللي عنده ددسن دفرنسين ومركب فرارا انه يفيدنا

[عاشق السيل]

وعليكم السلام ورحمة الله وبركاته ،،

أخوي لاتنس إن الددسن وزنه خفيف من الأصل يعني مستحيل تحس بالفرق إذا ركبت فرارات !!

والفايدة الأساسية من الفرارات ترييح العمود والدفرنس الأمامي وصوفة الدفرنس من الدوران لغير حاجة ،،

أما توفير البنزين وخفة الموتر لايمكن تلاحظها بالددسن حتى بعض أصحاب الجيوب مايلاحظونها لأنها تفرق بنسبة ضئيلة جدا ،،،

ولا تندم إنك ركبت فرارات تراها تنفع وهذا من تجربتي وتقبل مروري يالغالي ....

[escape_man]

مثل ماقال عاشق السيل

ماتبين بالمواتر الخفيفة

عندي بليزرين واحد بفرارات والثاني بدون

والفرق واضح جدا حتى بمسكة الطارة تحسها اخف مع الممشى .. قومة الموتر تختلف .. الرجة ايضا تختلف اذا كان الموتر قديم شوي ..

على العموم انت يهمك فايدتها الاولى وهي حماية عمود الدبل والفرنس من انه يطحن على غير فايده ويستهلك عمره الافتراضي..

[فتى التويم]

الله يعطيك العافيه يا عاشق السيل كفيت ووفيت

[.أبوعبدالرحمن]

الحين طلعت الفايدة اللي كانت تخفى على الكثيييير

[مساير الليل]

والله أني محتار أركبها ولا لا

وش الشور أركبها ولا مامنها فايدهـ

[VXR.2007]

والله أني محتار أركبها ولا لا

وش الشور أركبها ولا مامنها فايدهـ

وانا والله مثلك ياليت احد يفيدنا

[مقلع الرمث]

اخوي ممكن اسأل كم موديل السيارة لان الظاهر الددسن الجديد اعكوس يعني ماايحتااج فرارات ولا رااح تفرقهن عن الموتر لان الظاهر العكوس تكون مفصوله وقت المشي اما لا صارت دفرنس من الموديلات القديمه يبالك الفرق على مااظن وااسف على الاطاله

[فتى التويم]

موتري 2007

بس الصراحه انا كنت اعرف ان الفرارات فايدتها فقط انها تفصل العامود حق الدبل

وانها توفر من صرف البنزين وتخفف الحنه




الحنه موجوده ماراحت بس الصرفيه فرقت تقريبا 30 كم



وثاني شي لأهل الخبره في الددسن الدفرنسين(موضوع خارجي)

انه عندي صوت في المكينه اذا مشيت ووصلت إلى 140 وتركت الدعسه يطلع صوت زي صوت الشينكو اذا قص

ولا ادري وش بلاها

[سفاري فتك]

الفرارات تفرق اذا ركبت على السفاري
وهذا انا مجربه بالنسبة للونيت الداتسون ماجربت
لكن اعتقد انه ماله داعي تركيب فرارات