سؤال عن الطقة اللي تجي في الفتك اذا وقف .. الفزعة

[a11a]

السلام عليكم ورحمة الله وبركاته

يالربع وش حل الطقة اللي تجي في الفتك اذا وقف ... ودي باحد له تجربة معها الله لا يهينكم ..

[صوعان]

ماعليك منها انا معي فتك ومن اول يوم رجعه للوكاله قلت فيه طقه احس انها في القير اذا وقت ومشيت
قال لي المهندس عادي هذا الصوت عادي جدا جدا
والان ابشرك له معي اكثر من سنتين مامن خلاف والطقه ماتغيرت

[أبو LAMeS]

إذا كانت الطقة بشكل مستمر والصوت واضح جدا فهذا مهوب طبيعي

لكن إذا كان الصوت في بعض الاحيان فهذا عادي في سيارات الجيوب وخصوصا إذا كانت السيارة قير تماتيك

والأخ صوعان أفادك من خلال تجربة بس ما قلت لنا كم موديل السيارة

وشكرا

[الشريف خالد]

هذا امر طبيعي يالغالي ولا تخاااااف ابــد

[سعد777]

كان معي سوبر سفاري 2003 وفيه الطقه هاذي اذا جيت توقف عن اشاره او مهدي عند مطب ونت مسرع
وتراها عاديه مررررررررررررره لأن القيرماياخذ راحته في تنزيل النمر خاصه اذا انت مسرع اما اذا انت نتمشي شوي وعلى هونك يعني توقف بسلاسه ماتظهر معك صح اما اذا انت مسرع وتقف فجاء غالباً تطلع معك

[اكليل الجبل]

مرحبا بالجميع

انا يالربع توني شاري جيب باترول 99 المهم واسمع صوت طقة اول مامشي واذا وقفت
عاد وانا حساس في السيارات بشكل مو طبيعي
المهم واحاول اشف الصوت . ومافيه خبرة بالحيل
المهم على الصناعية على طول من الصباح وعاد شوف الميكانيكيين النصابين
واحد يقول تروس القير واحد يقول الجربكس واحد يقول عمود الدوران

والله اخر شي رسيت على الاغلبية اللي هي الجلد واغير الجلد بحوالي 550 ريال اصلي ولا خلصت الا اذان العشاء
المهم يوم خلصت قلت بسم الله باجرب الموتر , والله ولا المشكله زي ماهي ماراحات . وانا اتذكر كلام ميكانيكي تركي شايب جيته الصباح وهو يقول هذا الصوت من كراسي القير قلت انت مـتأكد قل مليون في المية بس ماصدقته من كثر كلام الميكانيكيين . المهم وانا اقول للميكانيكي اللي انا عندة تأكد من الكراس وبالفعل يوم قرصلها وجربت الجيب راح الصوت وقام وحط جلد قال جرب ورحت والحمد لله الا الان مافيه صوت بس باقي ماغيرت الكراسي بس لقيتها ب180 ريال الاصلي وان شاء الله باغيرها يوم الخميس ,
فانا اقول لك يالغالي تأكد من الكراسي والجلد . والله لايوريك مكروة .

[سفاري نجد]

ادخل الرابط التالي وإن شاء الله تحل المشكله !

http://www.nissan-arabia.com/vb/showthread.php?t=31345

[a11a]

الله يبيض وجيهكم يالربع .. عز الله اني ما اخطيت من نصيت .. واشكر لكم كل الشكر على هالتفاعل اللي بين معادنكم الاصيلة فجزاكم الله خيرا

واحب ان اقول ان استفدت من ارائكم كثيرا وخصوصا احالتي لاحد الروابط من قبل الاخ سفاري نجد .. مع العلم ان الجيب 2003

[عاشق السيل]

وعليكم السلام ورحمة الله وبركاته ،،

فيه واحد من أعضاء مكشات قبل فترة قصيرة نقل نفس الموضوع اللي بالرابط السابق من ( سفاري نجد ) عافاه الله ،، وهي مسألة تشحيم الصليب فقط وتنتهي المشكلة ،، بدون تغيير أي قطعة ،،،

وأنا أقولك ومن واقع تجربة إني قبل يومين شحمت الصليب وراح من المشكلة 80% ولله الحمد وأبرجع اشحمه ثاني مرة بعد اسبوعين حسب توصية صاحب الموضوع علشان تروح 100% والفضل كل الفضل لله عز وجل ثم لأخواني الشقردية بهذا المنتدى الشامخ الله يبيض وجيههم .....

وتقبل مروري يالغالي ...

[رجل كريم]

وعليكم السلام ورحمة الله وبركاته:

اعتقد المشكلة تكمن في كراسي الجير او المكينة قد تكون البلوط مرتخية وتحتاج الى ربط وقد تكون بحاجة الى تغيير كما ان جلد التوازن في الامام والخلف قد تحدث ايضا مثل هذا الصوت ..

تحياتي ..

[عمر المطيري]

السلام عليكم
ياراعي الفتك الطقه من المقصات يبيله كرب
وبعض المحلاة يغيرلك المقصات كامله وهي يبيله كرب فقط
ونا كان معي يوكون وضهرة هذه الطقه وذهبت إلى الوكاله ( الفاضل) وقال هذه من المقصات ويبيله كرب وكربه لي ولم يرجع الصوت مره ثانيه وهو على جميع السيارات الي يوجد بها مقصات

[عاشق السيل]

أخوي عمر المطيري ،،،

الله يسلمك على التوضيح ،، لكن ترى طقة اليوكن تختلف اختلاف جذري عن طقة الباترول ،،

[مقلع الرمث]

اخواني انا معي فتك شحمت عامود الكردان وابشركم ان الطقه راحت مره

[ابو كلام]

اخواني انا معي فتك شحمت عامود الكردان وابشركم ان الطقه راحت مره

مسيكم بالخير كلام اخوي مقطع الرمث 100% بـــــــــ 100% اهم شي شحم عمود الكردان اضافه الصلايب بمعنى انه يوجد ثلاث مشاحم للصلبان وواحد لعمود الكردان وتروح الصوت بأذن واحد احد اضافه بعد اسبوعين من التشحيم اعد الكره مره اخرى وانشاء يطلع ميه ميه وتحياتي لكم.

[الشنه]

هذا صوتفضاوه في العامود بين الدبل والقير
طنشه ولا عليك الا العافيه
بس كل فتره والثايه شحم العواميد وغيرها
واذا انت من النوع الحريص مره بيلك كل فتره تغير هالعامود ولا تاخذه من التشالح خذه جديد
طبعاً هذا في القير التماتيك
اذا سيارتك قير عادي يكون الصوت اخف او يكاد لا يسمع
ونصيحه راعي البر موتره معرض لكل شي اهم شي لا تهرب الزيوت ولا الطقطقه لا تنشد