زيت البراغي يشيل البوية بسهولة. هل تصدقون؟

[عروان]

بسم الله الرحمن الرحيم


أخواني كلكم تعرفون شطانة الاطفال في الحاراة. ويا كثر ما تحملت انا منها في الحارة.

مرة من المراررير .......حلوه المرارير

طلعت الصبح رايح للدوام ويوم جيت للسيارة والا أحد عيال الحارة "يمكن من اللي دايم أطردهم لا يلعبون كورة عند سيارتي" راش باب السائق بوية من النوع البخاخ اللي تجي في قواطي.

والله يضيق صدري و رحت الدوام قافلة معي. سألني أحد الزملاء بالعمل وش فيك وقلت له السالفة كيت وكيت.

قال بسيطة. قلت ألحق علي.

قال مر وأشتر لك قوطي بخاخ زيت الصواميل والبراغي. قلت موجود معي.

قال خلاص أجل رش على البوية اللي راشها حسبي الله علية الورع و أنتظر 3 دقائق ثم أمسحها بخرقة قطنية.



العصر عقب الدوام رحت للبيت و أقوم أطلع القوطي حق الزيت وأرش على البوية و بعد شوي بدت البوية تسيل على البدي. مسحت البوية المرشوشة وطارت بدون أي أثر على صبغ السيارة الاساسي بسهولة ما تتوقعونها.


شاركتكم الفكرة للفائدة.

تحياتي لكم

[Khalid AlGhamdi]

الله يجزاك خير على هالمعلومة المهممممممممة


بالفعل لو انا كان رحت لمحلات التلميع ولو قالوا 300 ريال دفعتها وانا اضحك بس يشيلون البوية

لكن الحمدلله معلومة مهمة جدا بسجلها في مخيخي لربما يتلقف واحد من عيال حارتنا الطيبيييييييين

[أيمن]

ممتاز يا عروان ..
والله يجزا بزران حارتكم خير لأنهم أرغمونا لمعرفة الحل ..
لكن هل أثرت على لمعة البوية الأصلية قليلا مثلا؟!
كم المدة التي يبقى فيها زيت البراغي على البوية؟

تحيتي

[ابو ســــاره]

تجربة مفيدة اخوي عروان افتدتنا فيها انا فيه بوية بموتري لها سنة ونص ولا فكرت اشيلها اضاهر اني ابجرب طريقك

[عروان]

MaxPower

صحيح كلامك يالغالي. لو رحت لمحلات التلميع راح يطلب منك تلميع السيارة بالكامل ويطلب منك 300 أو أكثر بعد.


شكراً لمرورك أخي

[عروان]

مرحبا مشرفنا العزيز أيمن

أبدً ما حصل أي تغيير على لون السيارة أو لمعتها.

المدة ماب بين ثلاث الى خمس دقائق.

تحياتي لك

[عروان]

هلا بك أبو سارة

تأكد باذن الله أن التجربة راح تنجح.

حاول وبشرنا بالنتيجة.


تحياتي لك

[Najd^Prince]

بسم الله الرحمن الرحيم


((^ عروان ^))
لابد مايكون للشي هذا آثار يعني مادام مزيل الصدأ يزيل البويه أكيد بيعمل على ترك أثر
على بويه الموتر من (( بهتان أو تشقق أو تغيير في اللون )) .

هذا في رأيي الشخصي لكن ممكن على شان لون موترك ياعروان فاتح مالاحظت
اي فرق في اللون ,, يعني يختلف الوضع مع الألوان الغامقه مثل (( الأسود و الكحلي )) .

Najd ^ Prince

[Y&Y_4X4]

احسنت اخوي ,,,,

هذي يأخواني المشاركة الطيبة النافعه الي تنشرى بفلوس !!!! الى الأمام

[عروان]

أخوي أمير نجد

السلام عليكم ورحمة الله وبركاتة

بدي السيارات مرشوش بمادة أسمها اللكر فو البوية الاصلية اللي هي اللون.

الماده هذي عاملة مثل العازل يحمي البوية.

طريقة عمل زيت البراغي:

زيت البراغي يملك خاصية التغلغل (Penetration) في الفراغات البسيطة جداً اللتي تكاد لا ترى بالعين المجردة. علشان كذا هو يدخل بين البرغي والصاموله ويسهل لكهم من بعض.

عندما ترشه على البوية اللي فوق بوية السيارة يتغلغل ويدخل بين ذرات البوية ويحركها من مكانها وتصير سهله الازالة بالمنديل أو القطنة.

بشرط ان الرشه اللي ناوي تزيلها ما عمل لها مثل البلش التلميع أو رشيت فوقها مادة اللكر.



تحياتي

[عروان]

Y&Y_4X4


مرحبا أخوي

أشكرك على مرورك و مجاملتك الطيبة.


تحياتي

[برق نجد]

لكن بسأل انا عندي في قزاز السيارة الامامية
رذاذ بوية خفيف بس اذا سطعت فيها الشمس وانا اسوق ما اشوف زين
وجربت التنر ومزيل طلاء الاظافر وزيت البراغي وكلها مانفعت
وش الحل يا الربع؟؟؟:what:

[Najd^Prince]

بسم الله الرحمن الرحيم


((^ عروان ^))
الله يعطيك العافيه على التوضيح لطريقه عمل مزيل الصدأ .
شاكر و مقدر ردك على إستفساري يالطيب .

((^ عاشق الدخل ^))
مادامك جربت كل هالأشياء وماطلع معك شي مر على أقرب ملمع وخله يلمع
القزازه بمواد مخصصه للقزاز .
أو روح لدكتور الزجاج .

Najd ^ Prince

[كاتم اللهب]

مشكور على هالمعلومة المفيدة ولكن لابد ان يكون لها اثر على السيارة خصوصا
اذا كانت البوية ماهي البوية الاصلية للسيارة (مسمكر)













تقديري..............................

[عروان]

يا أخوان هذا زيت فقط.

يعني ماهو مواد حارقة. حتى البدي اللي مسمكر و مصبوغ بيكون ملمع ومرشوش مادة اللكر اللي تحفظ البوية وتحميها و تظهر لمعه في نفس الوقت.

والقت اللي بيتعرض له البدي للزيت هو 3 الى 5 دقائق فقط.


تحياتي لكم