الفزعه يااخوان ((ودي بجيب باترول)) النصيحه

[أبا مجاهد]

بسم الله الرحمن الرحيم

حي الله كلٍِ باسمه..

الموضوع ومافيه انا معي كراون فيكتوريا ومرتاح مره معه..لكن دخل في بالي جيب باترول نيسان95-96وغالبا اقل نوع وودي ابيع الفرد واخذ لي هالجيب..

وسؤالي هو مارأيكم به من ناحية الخطوط الطويله مثلا الى الامارات او اليمن وخلافه..هل يتحمل؟؟

السؤال الثاني كيف خراباته خصوصا انه كلبليتر..فهل خراباته واجده ام متوسطه ام شبه معدومه واحنا لسه طلاب جامعه ؟؟

سؤالي الاخير كيف قوة مكينته حيث ان الفرد قوته 4600 سي سي ؟؟ وكم اسعار الموديل المذكور تقريبا؟؟


وجزيتم خير مقدماَ..

[aooa]

ما فيه وجه شبه بين الفورد والباترول علشان نسوي مقارنه بينها

لكن خلك على الفورد اذا تبي تاخذ باترول قديم

[اذاني]

دامك طالب انصحك تخلي الفورد
لان النيسان يستهلك بترول وصيانه وقطع غيار نااااااااااااااار

من واقع تجربه ونصيحة اخويه

[بواسامه]

خلك على ام شوشه لين تجيب المنقوشه
وبعدين شكلك تبي موتر وسفر وضرب خطوط والفور اريحلك يابعدي وقطعه ارخص وصيانته سهله
الجيوب غثاها واجد
يانظيف تامنه وتضمنه ولا ابعد واربح العافيه
موفق والله يدلك للخير

[أبا مجاهد]

اخوانيaooaواذاني وبو اسامه..
جزاكم الله خيرا كثيرا..ماقصرتم يالنشاما على النصايح ونسأل الله تعالى ان يكتب لنا الخير


تحياتي للجميع

[(((القناص)))]

اذا انت راعي بر خذ النيسان ولا تردد واذا مانت راعي بر خلك على الفورد
بس نصيحة الي يبي بترول من الاشكال القديمة لا ياخذ الا 97 وارجو اني افدتك

[روافد]

اخوي اذا بغيت جيب باترول حاول تاخذ من موديل 98 وفوق واما الموديلات القديمة خلك على الفورد ازين

[أبا مجاهد]

يعطيكم العافيه اخواني القناص وروافد

ونسال الله الخير كله

[الذيب المغترب]

انا رايي ياطويل العمر والسلامه دامك طالب خلك على الفورد الين تتخرج وتتوظف هذي نصيحة اخو لخوه (الجيوب بشكل عام يبغالها صيانه كل فترة ) وانت منت فاضي لوجع الراس يكفي وجع راس المحاظرات

[الربذي]

انا رايي ياطويل العمر والسلامه دامك طالب خلك على الفورد الين تتخرج وتتوظف هذي نصيحة اخو لخوه (الجيوب بشكل عام يبغالها صيانه كل فترة ) وانت منت فاضي لوجع الراس يكفي وجع راس المحاظرات

تراه يشفط بنزين وغير مريح مع السفر وانواع الاصوات ولايسلم من الرجه يعني مشيه ماهو ناعم مثل الفورد
وانا اقصد 97 وتحت 0

[راعي البرقا]

اذا انت راعي بر خذ النيسان ولا تردد واذا مانت راعي بر خلك على الفورد
بس نصيحة الي يبي بترول من الاشكال القديمة لا ياخذ الا 97 وارجو اني افدتك

أنا مع أخوي إذا كنت راعي كشتات ومطراد عليك بالباترول ومادامك بتاخذ من القدام خذ 96-97 أما إن كنت راعي خطوط طويله خلك على الفرد أريح لك.وتقبل مروري