اول ما طلعتها من المعرض تعطلت طرمبة البنزين Gmc98

[.GT]

السلام عليكم

يا فرحة ما تمت شريت يوكن 98 بطاقة جمركيه

اول ما استلمت السيارة والاوراق ورايح للبيت ومستانس بدت السيارة تقطع وتطفأ اذا وقفت عند اشارة ،،، وتطفأ وانا ماشي علي سرعات مختلفه

انا عرفت انها من طرمبة البنزين وصوتها صار عالي
ايش الحل يا اخوان ،،، قيمة الطرمبة 700 ريال واتغييرها يكلف 300 ريال ،،، ما همني التكلفه لكن مشكلتها تتعطل في اي وقت حسب ما سمعت

ويش رايكم اركب طرمبة بنزين في اكس ار او طرمبة بنزين مرسيدس

تكفون اللي جرب وغيرها لا يبخل وله مني الدعاء في ظهر الغيب
شكرا

[ف15]

غريبه !!

انت ما خذها سكر في مووووووويه على قولت الشريطيه
من تحت المكرفووووووووووون

ليتك رحت للصالات راااااااح تلقى يووووووووكونات 99
سعرها ما بين 36 - 38 الف و عليها ضماااااااااااااااااان

بعدين اول مره اسمع ان طرمبة البنزين للجيب و المرسيدس تركب على اليوكن
ومنكم نستفيد

[abu hlal]

طرمبه الvxr يمكن ماتصلح لانها تركب داخل التانكي.....عليك بطرمبه المرسدس تركب خارج التانكي

انا مجربها على نيسان باترول

[رقبة حاشي]

الحل الناجع ///
ودها لورشة الجابري اللي بصناعية العويضه
راح يغيرونها ب طرمبة جي اكس ار
ويعطونك ضمان .....
ولا تتعب نفسك باي ورشه .... شوري عليك وانت بكيفك علما بان التكلفه بحدود 1200 ريال

[.GT]

يا اف 15 انا ماخذ السيارة من معرض
وجايه من امريكا بطاقة جمركيه



يا ابو هلال طرمبة المرسيدس كم قيمتها
وهل في خطورة وهي راكبه خارج التانكي
هل تحتاج الي توليف اسلاك الكهرب
ام ان الشغله بسيطه

يا ليت تفصّل ؟





اخي رقبة حاشي
انا في المنطقة الغربيه وطرمبة الجي اكس ليه تكلفتها غاليه
تحياتي للجميع

[speed 557]

الحل الناجع ///
ودها لورشة الجابري اللي بصناعية العويضه
راح يغيرونها ب طرمبة جي اكس ار
ويعطونك ضمان .....
ولا تتعب نفسك باي ورشه .... شوري عليك وانت بكيفك علما بان التكلفه بحدود 1200 ريال

اسال مجرب انا مغير طرمبة اليوكن 1996 قبل سنه وزي حلوه

[Avalanche]

الحل من تجربة سابقه

وراح تنسى سالفة الطرمبة

مع احترامي للأخوان ......
لكن بلا ترهيم .......
هذه طرمبه داخل التانكي ......
يعني لسمح الله ......

الله يحفظ الجميع

الحل هذا في الشرقيه - الدمام

يوجد محل اسمه
(ارسل لي رسالة خاصة و أرسل لك اسم المحل..... لكي لا أحد يفكر اني أسوي دعايه)


لديه قلب ماركة غير أي سي ديلكو و أفضل من الأصلي بألف مرة (لشركة أخرى)
أول ما تروح له ......... وتقول طرمبة
راح يعرف الموضوع وبيعطيك القطعة المطلوبة
ولا ....... راح يدلك على من يزينها لك (السعر بدون تركيب تقريبا 275)

بعد ما تحل هالمشكلة عندي لك نصيحه
1- أطفأ المحرك عند تعبأة السيارة بالبنزين
2- لا ينزل العداد (عداد البنزين) عن ربع التانكي


و انسى موضوع الطرمبه
( أنا عندي جمس 97 الى الأن سنتين لا تقطيع و لا صوت للطرمبه)

أتمنى لك الفائدة ..........

[ابو انس2006]

تسلم والله يا بو عبدالله
تكفى ولا عليك امر ارسل لي عنوان المحل

الحين مشاركتي قليله وما اقدر ارسل لك رسالة خاصه

والسموحة من صاحب الموضوع

[.أبوعبدالرحمن]

اخوي اعرف واحد معه يوكن تقريبا موديله 97 وبهذلته الطرمبة وركب طرمبة الفي اكس ار من موديل 98 وفوق والى الان له تقريبا اكثر من سنة لم يشتكي منها ابدا

وبعدين ادفع 1200 ريال وانس الطرمبة ومشاكلها


والله يسهل امرك

[abu hlal]

يا ابو هلال طرمبة المرسيدس كم قيمتها
وهل في خطورة وهي راكبه خارج التانكي
هل تحتاج الي توليف اسلاك الكهرب
ام ان الشغله بسيطه

يا ليت تفصّل ؟

قيمتها حوالي 250 او300 من التشليح حقت ال500 القديم

تركيبها بسيط: تشبكها في الماصوره اللي تطلع من التانكي وتستخدم اسلاك الطرمبه الاصليه وتثبتها في اي مكان خارج التانكي... .

[ابو البر]

جي تي

غير بطرمبة جي اكس ار ونم ....,انا صارت لي نفس المشكله وتعال شف بنفسك عندي يوكن الفين .

ولا كلمني على 0507069360

[الوتر الحزين]

اخوي عليك بطرمبه vxr اعرف ناس واجد مركبينها على يوكن والحمد لله ماشيه معهم من احسن ما يكون
لكن كيف تركب والله وانا خوك مادري بس اباسأل واعلمك ان شاء الله.
تأكد ان طرمبه ال vxr ممتازه على اليوكن وافضل من طرمبه البلد

[مغلي]

الحل من تجربة سابقه

وراح تنسى سالفة الطرمبة

......

الله يحفظ الجميع

الحل هذا في الشرقيه - الدمام

يوجد محل اسمه

00000000

لديه قلب ماركة غير أي سي ديلكو و أفضل من الأصلي بألف مرة (لشركة أخرى)
أول ما تروح له ......... وتقول طرمبة
راح يعرف الموضوع وبيعطيك القطعة المطلوبة
ولا ....... راح يدلك على من يزينها لك (السعر بدون تركيب تقريبا 275)

أتمنى لك الفائدة ..........

بيض الله وجهك

لو حطيتا رقم المحل وهاتفه وهاتف الفني كان ريحت الكثير ... وشل من راسك انك تسوي دعايه لهم ... بالعكس انت تخدم الاعضاء الي توهقو وشرو جموس امريكيه مثلي سيارتي يوكن 2002 امريكي طبعا المحرك 5300 سي سي

اتمنى ان تعطيني .... رقم المحل وهاتفه وهاتف الفني ... لو تكرمت وبأي حي بالتحديد

[مغلي]

جي تي

غير بطرمبة جي اكس ار ونم ....,انا صارت لي نفس المشكله وتعال شف بنفسك عندي يوكن الفين .

ولا كلمني على 0507069360

اخي ابو البر

يمكن قصدك فكسار

لأن الجكسار 6 سلندر وطرمبته على قده بينما الفكسار 8 سلندر

عموما كم كلفتك من الى
واين عملتها لو كنت بالرياض
وهل الفني يضمنها لك كم شهر ولا من تغادر ورشته يقول مالي شغل فيها