السلام عليكم
الله لايهينكم عندي لاندكروزر 2003
ولعة لمبة في الطبلون مكتوب فيها T-belt
وانا والله مدري حقت وش
وياليت تفيدوني
وشكرا...
15 نوفمبر 2015 - 16:514 نوفمبر 2015 - 21:27
 |
| 15 نوفمبر 2015 - 16:514 نوفمبر 2015 - 21:27
|
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي متقدم
السلام عليكم
الله لايهينكم عندي لاندكروزر 2003
ولعة لمبة في الطبلون مكتوب فيها T-belt
وانا والله مدري حقت وش
وياليت تفيدوني
وشكرا...
مكشاتي متقدم
الامر بسيط ان شاء الله
اولا أكيد سياراتك مشت الان فوق 150000 صح ام لا
اذا صحيح فعندك زنجير المكينه على ما اعتقد هذا اسمه رح للوكاله يغيرونه لك تقريآ قيمته 1200 وتنتهي المشكله
ان شاء الله اني افدتك ..
اسمه جنزير وليس زنجير
وبالعموم لاذي ولاذي
هو سير ينقل حركة المكينة للقير وبالسيارات اليابانية والكورية يكون على شكل ربل أما في معظم السيارات الأمريكية فهو حديد ولايتغير..
كل ماعليك التوجه للوكالة أو الضحيان
أو أدلك على الرشيد بجانب السالم للزجام أنا مجربهم شغلهم زين ورخيص وفلبنيين ويعطونك ضمان مثل الوكالة ...
توكل على الله وغيره
مكشاتي متقدم
أخوي أنا مغير سير التيمن قبل كم شهر بعد 160000 الف كيلوا لفكس آر
الموضوع بسيط اشتر السير من الضحيان وتركيبه تقريبا 1100
اضرب لك عصفورين بحجر واحد
دور لك ورشة تركبه وتبرمجه حتى تطفئ اللمبه بنفس الوقت لان البرمجه لحالها 200 ريال واذا ما برمجته تبقى اللمبه والعة كنك ما سويت شئ
لك تحياتي أخوك / رياض الصمان
مكشاتي متقدم
السيارة الى معي Gxr
والسيارة ماشية 150.250
طيب كم سعر الجنزير؟
وكم سعر التركيب؟
وكم ياخذ وقت؟
وش الورشة الممتازة؟
لاني كنت ناوي اليوم امشي لمكة
واسف على كثر الاسئلة
وشكرا...
مكشاتي متقدم
المشاركة الأصلية كتبت بواسطة اسد نجد
مظبوط يعني كلامي صحيح الوكاله 1200 على خبري مغيره اخوي قبل فتره رح للوكاله وهم افضل من يفيدونك
ما اظن انه يضر لو رحت لمكه وجيت با السلامه بشرط تدعي لنا هناك
مكشاتي نشيط
السلام عليكم ورحمة الله و بركاته
حبيبي بالنسبة للبرمجة فأنت تسويها بنفسك و قيمتها تصدق بها عني و عنك
الطريقة
طريقة اطفاء لمبة الــ T-belt كالتالي:
طف السيارة وخل المفتاح داخل السوتش وبعدها اظغط الزر اللي في طبلون السرعة(اللي يغير الكيلوات)
علق عليه ودق السلف وانت معلق عليه بس انتبه تشغل السيارة وخلك معلق عليه مدة دقيقة وبعدها اتركة واظغط مرة ثانية بيطلع لك رقم 15 هذي معناها ان اللمبة تولع اذا مشت السيارة 150000 .
اظغط عليه بيطلع لك رقم 1 هذا يعني انها بتولع بعد 10000 كيلو واظغط ثانية بيطلع رقم 2 هذي يعني انها بتولع اللمبة بعد 20000 وانت اختر اللي تبي متى تذكرك؟ فيه من رقم 1 إلى يمكن 12 على ما أذكر يعني من 10000 كيلو إلى 120000 كيلو
واذا اخترت الرقم علق على الزر لما يرجعك إلى الكيلوات وبعدها طف السلف وشغل وبتلااقي اللمبة طفت
وارجو اني اكون قدمت شي مفيد
طبعا الطريقه من أحد الاخوان
أخوك أبو عبدالكريم
مكشاتي متقدم
انتبة تتهاون ترى اذا انقطع السير قول على المكينة السلام
اذا كنت بالشرق روح لورشة الدوحة صناعية النسيم عماله فلبينية ممتازة انا مغير عندهم لكن لو تلقى ورشة تركب وتبرمج افضل لك
مكشاتي متقدم
السيارة الى معي Gxr
والسيارة ماشية 150.250
طيب كم سعر الجنزير؟
وكم سعر التركيب؟
وكم ياخذ وقت؟
وش الورشة الممتازة؟
لاني كنت ناوي اليوم امشي لمكة
ياليت تفيدوني
واسف على كثر الاسئلة
وشكرا...
مكشاتي
أخي الكريم..
صارت معي بس vx-r ورحت الوكالة وسووها لي
مع صيانة 150000 شاملة
ب 2500 ريال على ما أعتقد ...
وما جلست السيارة عندهم إلا يوم ونص ..
أذكر أن مهندس الصيانة يقول أن تغيير السير هذا لل gx-r أرخص ...
عموما أنصحك تذهب للوكالة وكل ريال حطيته في سيارتك ما هو
خسارة ...
وفقك الله ..
مكشاتي متقدم
أخوي تحية طيبة وبعد
لمبة سير التايمن لاتشيل همها ولاتغير في سيارتك شيء أذا كانت سيارتك لاند كروزر بنزين مكينته 6 سلندر لأن مكينة السته سلندر لا تحتوي على سير تايمن ربل يجب تغييره موجود ( جنزير حديد ) .
سير التايمن الربل موجود في مكينة 8 سلندر بنزين ( تولع اللمبة عند تقطع السيارة مسافة فوق 150000كلم )وكذلك مكينة الديزل ( تولع اللمبة عند قطع السيارة 100000 كلم ) ولذلك يجب تغيير السير بسرعة قبل ان ينقطع ويسبب تلف جسيم لمكينة .
هذا ما حبيت ان اوضحه لك ولجميع الاعضاء
مع تحيات اخوكم ابو عاذر
هات القلم والبوك وأكتب لي كتاب **** وأكتب كلامي وأترك أللي مالك فيه مصلوح
==========ما كل من يقنص يحوز أسم صقار **** ولا كل مشروعٍ يعوض بمشروع==========شروبه من الممتاز والعايدي ما جاه **** دروبه قطوعٍ دايم الدوم صحراوي
مكشاتي برونزي
انا تو مغيره من شهر عند الرشيد اللي في على طريق الخرج في الصناعيه كل الشغل 1200 تقريبن جلست نص يوم ولقيت السياره جاهزه مطفاء اللمبه يعني تجيب السياره الصباح تخذها الليل
مكشاتي متقدم
اخوي زي ماقال ابوعاذر مايحتاج تغيير اذا سيارتك 6سلندر
اللمبه ولعت في يسيارتي بعد 150000 كم ورحت للوكاله وطفوا اللمبه ب150 ريال تقريباً وهالحين السياره ماشيه اكثر من 250000 كم ولاعندها خلاف ولله الحمد,,,
تحياتي
مكشاتي برونزي
انا تو مغيره من شهر عند الرشيد اللي في على طريق الخرج في الصناعيه كل الشغل 1200 تقريبن جلست نص يوم ولقيت السياره جاهزه مطفاء اللمبه يعني تجيب السياره الصباح تخذها الليل
مكشاتي
اتصل على وانا اطفي لك المبه لو تروح لحقين البرمجه طلبو منك 300 ريال وهي ماتستاهل اتصل بس بعد اذن المشرفين ابو سعود0530304089
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
