معلومات عن مشغل السيارة ( الريموت )

[عود رمث]

أعزائي
السلام عليكم

طلب من هالوجيه المباركة

ابي معلومات عن ريموت تشغيل السيارة ( السيارة اللي معي لاند كروزر قير عادي )

وش أحسن الأنواع - اللي مافيه تعقيد -

وش المميزات


مع شكري للجميع القاري والمجيب

[شبوب]

سلام عليكم 00

ياحليلك يابو رمث كنك تقراء أفكاري شف به واحد بالغرابي انا خابره
العام ، مركب عنده واحد من الشباب بالغرابي واجهت محله ( غربي)، وراعي
المحل شايب سعودي عمره بهالستين ( وش حليليه) ،عنده ياطويل العمر كهربائي
هندي ( مهب صاحي من جد ) يعني شغله 100% 0

على العموم وعدك الله بعد العيد بأذن لله ابشوفه اذا كان موجود الى الحين
ابركب عنده واردلك أن شألله0

[عود رمث]

ومشكور على ردك اللي يبرد اقصى الكبد خاصة إنك تبي تهقوي نفسد قبلي فلله درك .

لكن أنت شوقتن وأشغلت بالي بها الشويب اللي بالمحل ... الصراحة ودي أشوفه ..


الله يحفظك ويطول عمرك .


اخوك / عود رمث

[شبوب]

هلابك ابو رمث

اليوم الصبح رحت الى المحل الي قلتلك عليه الساعه 8,30 وما لقيت لا الشايب
ولا الهندي الكهربائي ، لأني جايهم بدري ، وقالولي العمال الي بالمحل انه ما يشغل
الي موديله من 2001 وفوق ، المهم رحت وسألت المحلات المجاوره وللأسف صار
كلمهم صحيح انه فعلاً ما يشغل الي فوق 2000 نهائياً0

المحل اسمه ( الفهد ) وممكن انه يسويلك ( ريمونت ) فتح الابواب والانوار ، اما
التشغيل صعبه ، ولو انه لازم اشوف الهندي بنفسه مره ثانيه لانه بصراحه معجبني
شغله وعندي أمل انه يسويلي ( التشغيل )0

هذا للاحاطه ودمتم ،،

[راعي عنيزة]

يا حبيلك شوري عليك لا تحرص على الريموت الي يشغل السياره
لانه خطر ويسبب التماس بالسلف وواجد السيارات الي احترقت بسبته

[عود رمث]

ياعزيزي شبوب على هذا الاهتمام ... الله يطول عمرك ويعافيك

وما قصرت



عزيزي راعي عنيزة
حياك الله ومشكور على النصيحة .. وهي في محلها ..

لكن الاحظ كثرة المركبين وما سمعت احد يشتكي منه ..

قد يكون طريقة التركيب أو التشبيك ؟؟ أو نوع الجهاز ؟؟

عموما مشكور مرة ثانية لو إنك جفلتن منه .