من يصفط لي.........

[المستوي]

السلام عليكم ورحمة الله وبركاته:
يالربع من الي عنده خبره في اليوكون وهل هو عملي ولا لا.... ونبي معلومات عن قوة المكينة والله يرحم والديكم .

[خــشــــــــــم]

اخوي المستوي
اليوكون رجال حسب اعتقادي افضل من غيره و ما عليه , واعتقد مكينته 350 حصان . واذا تقدر تصبر لبعد اجازه العيد اجيبلك اخباره بعد ما نجربه بالنفود الكبير لمده 10 ايام .

[المستوي]

الله لا يهينك أخوي خشم وبننتظر نهاية الاجازه لناخذ الأخبار منك

[القماري]

حياكم الله ، ومثل ما ذكر أخونا خشم عن اليوكون بس فيه عيبين وأنا مجربه قبل - الموتر ثقيل مرة ويعينك الله أن غرز عليك بنفوذ وعيبه الثاني شامل جميع الأمريكي بعد فترة تسمع له خلخلة في ضلوعة . موتر رزة بس مو غزال بر وإن كان عائلتك كبيرة فاليوكون أو السوبر هم الحل .

[الشقردي]

اذا انت ناوي تشتري اشتر لاندكروزر مع ان الوكاله هنا بادين يخربون في مواصفاته بس اطلع للشارقة ولا اي مكان وراينقص عليك حول 6 الاف
وهو رزه في المدن وفي البر خذ رجال

وترى هالكلام عن تجربه
ان بغيته نفود انا قاطع به حوالى 35 كلم ولا قال شئ
طبعا انا ما اقول لك ان ازين شئ بالنفود لكن مهوب خوي لهالشباب اللى ما غير يعرون الموتر بهالطعوس عر وكلها بس وناسه وتكسير (مثل الثمامة) بس
وان بغيته حصى فهو رجال
والبنزين اعتقد هو اقل صرف من اليوكون
واسمع وش يقول الشاعر

[poet font="MS Sans Serif,8,blue,normal,normal" bkcolor="" bkimage="" border="double,4,teal" type=0 line=200% align=center use=sp char="" num="0,blue"]
اركب على اللي يعجب اصحاب الانظار=صالون لاند كروزر ابو محاله
من وارد اليابان والنوع فكسار=صمم على قمة فخامه واصاله
دقه خبير الصنع مسمار مسمار=ثم زوده دفتر ضمان وكفالة
يعجبك في الممشى ويعجبك لا سار=ويعجبك صوت محركه واشتغاله
في المدن شخصية وفي البر بيطار=لين التوى عسر الدروب استوا له
يسبح مثل صقر مربيه صقار= لي شاف جول الربد وافلت حباله
راعيه عند البيع ماهوب يحتار=ان كسبه ولا ضمن راس ماله



[/poet]

بتصرف


واكثر من هالبيان ما أقدر أبين

[محب الشمال]

اليوكون زين في رايي الشخصي
واسع ماشاء الله
جميل من الداخل
شكله الخارجي حلو ما شاء الله يعني ما فيه خربشة زي الاندكروزر كنه محل ابو ريالين من بره
الطعوس يمدحونه بس لا تطول وانت تطعس فيه لانه يحمي
الله يعطيك خيره ويكفيك شره

[داب الرمث]

اخوي الي اعرفة عن اليوكن انه جيد والاحلى القصير منه اقصد البابين ممتاز مع واحد من اخويانا وهو ممتاز في سحب المقطورات ومكينته 350 حلوه عليه اقصد رشيق نوعا ما وانا اايد البابين منه مع العلم ينزل منه طراز جي تي مكينته اربع مية واقف وهوقليل اتكلم عن موديل 96 95 والسلام

[اسيزو 4x4]

يالغالي المستوي أنحش عن الامريكي كلة

ويا زين الياباني ...


.

[د.الكاشت]

زي ماقال ايسوزو
هج عن الأمريكي

[شاص]

الياباني لك وللزمن كد ومد

[حرباش]

اخوي المستوي
الجموس بشكل عام سيارات قويه وعندها طاقه تحمل خياليه
لكنه ثقيل شوي وثانيا علله واجد كل شوي يطلعلك شي
لذا يبيلك صيانه مستمره وخصوصا طرمبه البانزين

والقرار النهائي لك والله يوفقك ويباركلك ان شاللله