انصحوني تكفون

[a-s-i3]

انا قررت اشتري فتك 2006 فل كامل ومادورت الحين لاكن عجبني قوت مكينته ونظام القير فيه عادي وتماتيك ولكن خوفوني منه وقالو القير يخرب بسرعه وقالو خذ جي اكس ار 2005 ولكن رغبتي في الفتك استاجرته وتولعت فيه وخايف احط فيه الدراهم وثم من ورشه لورشه وش رايكم تكفون

[z a n h o r]

اشوفه ماشي مع العيال

وانا لو باخذ باخذ الاوتو

[باترول للأبد]

أخوي a-s-i3 دام نفسك في فتك أخذه ولا تترد وأنا موتري موديله 2003 وقيره تماتيك عادي والحمدلله تمام

واعرف ناس راعين بر وأستعراضات وقير موترهم تماتيك عادي

وبالتوافيق أن شاء الله ومبروك مقدما

[أبو محمد2010]

الصراحة إنه موتر لا يعلى عليه...

توكل على الله و أهم شيء الإستخارة...

[ابوريما99]

خذه وماراح تتحسف ابد ابد
وبالعكس راح تنبسط آخر بسط

انا معي قير عايدي وكني مليت منه
الا مو كني الا مليت صدز

تحسفت انه مو اوتو .. توب ترونيك

ويمكن ابيعه عشان السبب هذا

[سطام vip]

يا خوي توكل على الله

وهذي التكنولوجيا الجديده وصدقني بتندم اذا ما اخذتها

اذا اخذت عادي بتمل منه في المدينه

واذا اخذت اتوماتيك بتمل منه في البر

اهم اعطوك الاثنين

الله يوفقك اخوي وان شاء الله مع المحافظه عليه بيمشي معك تمام

واي شي بينكرف بيخرب ولو كان قير عادي

بالتووووفيق ولا تنسى الاستخاره

[خالد030]

الاستخارة زينة وبالتوافيق أن شاء الله

[بواسامه]

خذه ولا تتردد
وسمعة القير السيئه كانت في اول الفتك موديل 2002
دايم يفرط ومشاكله كثيره
والان تغير الوضع
الله يوفقك

[سيف الظفير]

توكل على العلى القدير

[لن أمل من العطاء]

توكل على الله

وخذه

[a-s-i3]

مشكوريين والله انكم شجعتوني ومن يوم الاربعاء ابدور واحد نظيف عليه الكلام وابكلم واحد من العيال يروح معي خبير في السيارات المسمكرة ووووا انشاء الله احصل واحد تراني عجل اشتري وبس علشان كذا اباخذ خويي معي وتسلمون يالغالين

[.أبوعبدالرحمن]

ابد يا خوك توكل على الله وخذه


وانتبه من لعب الشريطية الله يكفينا واياكم من شرورهم

[هب هب]

الاستخارة زينة وبالتوافيق أن شاء الله

نعم الكلام وبيض الله وجهك ونعم النصيحة
مشكوررررررر على الموضوع