للي يعرف في الباترل

[ابوعبدالله 10]

السلام عليكم ورحمة الله وبركاته اما بعد
حنا ناوين نشتري سوبر سفاري باترل يقولون انه يتفكك في البران هل هذا صحيح

[خالدعبدالعزيز]

اولا الله يجعله موتر مبارك
الشي الثاني صحيح يتفكك ولكن مشكلته في البيبان الي ورا مع الاستبنه دايم يصير فيها فضاوه وبعدين مع ادنى مطب تسمع صفيق الصفاري مهب سفاري ولكن ينوزن ويرجع كل شي لوضعه الطبيعي
ولا عز الله هو موتر وانا معي واحد بس انا ما اشتكي من التفكك انا اشتكي من الوكيل الي كل الناس تعرفها الي اذا اذا اذا اذا احتجت في يوم من الايام قطعه ولا لقيتها الله يعينك على المرمطه
والاخوان بيفيدونك بالمزيد

[باترول للأبد]

وعليكم السلام ورحمة الله وبركاته

اخوي الغالي ابوعبدالله 10 اللي يقولك الباترول يتفكك من الله والطريق غلطان هو يتفكك من كثر الجلد والجور وأي سياره كذالك

والباترول عز الله أنه موتر ينشد به الظهر والله يوفقك بما فيه الخير والصالح

[عاشق السيل]

الباترول من 98 وفوق متماسك جدا وعن اختبارات قاسية وتجربة طويلة ،،

وأنا معي واحد من ست سنوات وماخليت بر مارحت له وأنواع المطانيج والتطعيس والضلعان والحصى وماشاء الله تبارك الله إلى اليوم ولا مرة سويت تربيط وما بعد احتجت للتربيط وإن شاء الله ماأحتاج ،،

[سيف الظفير]

http://www.mekshat.com/vb/showthread.php?t=137206 جرب هذا الرابط بيفيدك بس ياليت تقراء الردووووود كلهااااا

[abuud]

ابو عبداللة 10 توكل على الله بس, انا طلعت واحد قبل شهر ومشاء الله علية موتر وماشريتة الى بعد سؤال لمدة سنة بعدين توكلت على الله وطلعتة لاتحتار مع الفتك ومبروك مقدما يطعمك خيرة ويكفيك شرة

[المان العرب]

توكل على الله يابوعبدالله وانكان تفكك وده للابن نويصر وحده بوحده وبسنع الباب لي ورا على ماقيل اخذه ولا تمالي

[صنيتان]

اذا تبغى قوه وراحه وسعر معقول مقارنة بالكروزر
اتكل على واشتر بتاخذ لك سفينة صحراء
وعلى فكره اي سيارة بتجور عليها مهما كان نوعها بتجاور الورش

[راعي الطلعات]

لا مو صحيح كل المواتر مع طلعات البر لابد تسمع فيها شي كان معي هيلوكس 99 مابقى بر ما رحت له فيه اصوات بس خفيفه وما تنسمع الا في البر بس

والحين معي باترول وناوي ابيعه موججيل 97 سوبر سفاري وما به خلاف معي

[مقلع الرمث]

ياخوي انا معي باترول وكل يوم ماسكبه طريق 300 كيلو عرفت وشلون والموتر والله مافيه شي مايحتاج لافيه لا تفكك ولا شي والتفكك من 97 وتحت اما 98 وفوق مافيه تفكك باالامس راكب شايف باترول م 99 ماشي قرابه 500 الف ولا ركب وسكرت الباب مايحتاج موتر ماتفرقه عن الي ماشي قليل

[samfj40]

ابو عبدالله. النيسان من موديل 88-97 صحيح انه متعب من ناحية الضوضا والتخلخل ولكن حسب استخدام الشخص.اما الموديلات الجديده اعتقد انها متماسكه وقويه. عموما النيسان مشهور بقوة المكينه والقير والدفرنشات والصبر على الجور.توكل على الله والله يطعمك من خيره ويحميك من شره.