السلام عليكم ورحمة الله وبركاتة
الموضوع عن القهوه وانواعها
ماذا تفضل من انواع القهوه؟
وكيف تكو حمستها ودرجات اللون ؟
وماذا تضيف عليها ؟
وماهي طريقتك المفضلة لعمل القهوة؟
نود المــشاركة من الجميع لتعم الفائد
تقبلو تحيتي (الــنـو)
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
السلام عليكم ورحمة الله وبركاتة
الموضوع عن القهوه وانواعها
ماذا تفضل من انواع القهوه؟
وكيف تكو حمستها ودرجات اللون ؟
وماذا تضيف عليها ؟
وماهي طريقتك المفضلة لعمل القهوة؟
نود المــشاركة من الجميع لتعم الفائد
تقبلو تحيتي (الــنـو)
والله بالنسبة لي عندي قهوة باشنفر رقم واحد هي احسن شئ والبرية الي نابته من الامطار احسن منها اذا حصلته ماهي مغشوشة
الحمسة شقراء مايله الى الغماق شوي
الاضافة عندي الهيل والمسمار (العويدي)و الزعفران وبعض المرات زنجيبل
عمل القهوة افوح الماء بالملقمة ثم اضيف القهوة وازود النار عليها واقصر بطريقة متوالية حتى ماتطيش القهوة لمدة دقيقة او ازود شوي وبعدين اقصر النار وخليه تطبخ حوالي عشر دقايق
ثم تبعد الملقمة عن النار حتى تصفى حوالي دقيقتين ثم ازل القهوة بالدله والدله على النار ثم اضيف الهيل والزعفران والمسمار حتى تاخذ له قلبه او قلبتين وبس مادري ليه حسيت اني باختبار تعبير هههههههههه
مشكور اخوي على الموضوع
بنسبه لي يا اخوي النو افضل الخولانيه وتكون الحمسه واحد ونص ولهيل يكون اريكي ولمسمار مطحون وفدله زنجبيل وزعفران ويا سلاااااااام سلم
انا بالنسبه لي نفس طريقة اخوي حجيلان لكن لاأرغب اضافة المسمار ..
ما مثل المسمار والزنجبيل ولا بد بريه والحمسه شقرا تغامقها
والطريقه وحده مثل ما تفضل حجيلان الا ان البهار يكون بالدله قبل لا ازله
تحيتي لكم
ابو سعد
اذا مافيه حمسه قهوة وزعفران وهيل مابتسمى قهوه ياالله شوقتوني لها
اذا مافيه حمسه قهوة وزعفران وهيل مابتسمى قهوه ياالله شوقتوني لها
ان كانك على ما قال فاضي احمسها وبردها ودقها وعين من الله خير
تحيتي لكم ابو سعد
القهوه اليمنيه .... بس ابشرط الحمسه رقم 2 .
أفضل قهوة البرية اليمنية اوالخولانية والحمسة تكون متوسطة
وافضل معها الهيل والزغفران
بالنسبة للنوع
افضل البرية اليمنية أو الخولانية
بالنسبة للحمسة
افضل انه تكون وسط وتميل للثقل شوي بس
بالنسبة للاضافات على القهوة
هيل ومسمار بس من دون زعفران وان حصل زنجبيل احياناً
الطريقة (( الزبدة ))
أول شي ياطويل العمر
اطلع شوي جميرات على جال الضو ثم اجيب المحماسة واحمس القهوة على مزاجي
ثو اجيب المبرد واحطه به واذا بردت حطيته بالنجر ودقيته
ثم احطه بالملقمة واصب عليه ماء حار واخلية تطبخ عشر دقايق تقريباً
ثم ادق الهيل والمسمار واحطه بالدلة البغدادية
وازل القهوة بالدلة (( بدون طبخ الهيل والمسمار ))
واخلية تصفي شوي
وبعدين تقهو هنيئاً مريئاً .......... وادعلي
القهوة النبرية الهندية وارد المستنير والحمسة ثقيله وطحنها في وقتها طحن خشن .... الطريقه ألقم القهوة وأخليها تطبخ مابين 10دقايق الى ربع ساعه وفي نهاية الوقت احط عودين قرنفل مجروش واخليه يطبخ دقيقه وبعدين احط الهيل قلبه وحده واطفي النار واخليها تركد دقيقتين واصفيها في الدله .
الدبل الثقيل سعد مساك
اول مرة اسمع عن القهوه الهندية وين القاها
مذاق القهوة على مدة الطبخ زود المدة شوي وشف الطعم
قهوتي هي ام حبال الهندية الحمسة تكون غامقة ( مع هيل
الذين يشاهدون الموضوع الآن: 1 (0 من الأعضاء و 1 زائر)