مشكله في الـ vx-r موديل 97 الفزعه الله لايهينكم

[أبوسعد 511]

بسم الله الرحمن الرحيم

السلام عليكم ورحمة الله وبركاته

الأخوه الأفاضل

جميع القائمين على هذا الصرح الشامخ

لدي مشكله في سيارتي

وهي جيب تويوتا vx-r موديل 1997

السياره والحمدلله تمام ولكن بدأت اتضايق منها بسبب هذه المشكله ight:

وهي عندما أكون مع طريق فيه منحنيات ويكون فيه نزول اذا لفيت الطاره يمين أو يسار الطاره ترج رجه مي طبيعيه يعني لازم امسكها بكل قوتي علشان اثبتها يعني الي يجي معي في الموتر يقول فيه جني

طبعا هذي ماتجي الا مع المنحدرات الي فيها لفات وتزيد مع ظغط الفرامل


بالنسبه للهوبات الي في اليسار جديد

والي في اليمين مخروط وكله تمام



وأسف على الإطاله ..

أخوكم أبوسعــد

[الوسم]

إظاهر يا أخ حامد إن المشكله اللي عندك من شيئين

والله أعلم ؟؟ مساعد الدركسيون أو أذرعته

[أبوسعد 511]

تسلم يالذيب على الرد

ولكن ممكن توضح لي أكثر ان امكن ولا عليك امر يالغالي

[عريان]

السلام عليكم بالنسبة للرجة هذه من الرمان اربط الرمان من الجهتين اليمين واليسار وبتدعيلي

[السفير2006]

زي مقال اخوي عرياان اربط الرمان من جهتين ولازم يكون مكانيكي مضبوط 100%

[efi4500_2002]

السلام عليكم

صارت معي و الحل بسيط رح لاقرب ميزان وخله يفك الاذرعه و اكبسها عند المخرطه
وانشاء الله بيزين

[أبوسعد 511]

يالربع يعني رمان ولا أذرعه

وهل الموضوع مكلف

وألف شكر لكم يالذيابه

ماقصرتوا

[أبو راكان]

ما دام كلاً افتى انا بفتي وش ناقصني هههههههههه
صارت معي هذه الحالة وعرفتها على طول ورحت للصناعية وقلت اخرط لي الهوبات قال ليش قلت السيارة اذا مسكت بريك وانا مسرع ولا مع نزله مثل الجدية ( الزدية ) ورطت مدري وش تكتبه الظاهر بفتح لها موضوع معليش شطحت عن الموضوع اسف
المهم خذ العلم من واحد محترف سيارات وميكنيكا سابقا هواية وحرفة المعلومة لك وللاخوان
وهي اذا غيرت فحمات عادة اهل الورش يقولون لك اخرط الهوبات شفها ملسا ولا شفها محززه انت لا تصدقهم وتروح تخرط لانهم عينهم على القريشات اللي في جيبك
وكثرة الخرط يضعف الهوب لأنه يجلخ منه جزء
والثاني قد يكون المخرطة ولا العامل لا يجيد الخراطة ويسبب مثل وضع سيارتك رجه عند البريك
اما من ناحية انه املس ( ناعم) فهو من بريكين ويرجع املس
لذا حاول ثاني مرة لا تخرط الهوبات الا اذا صار معك اللي صاير لسيارتك الآن
واذا ما زان غيره
وعليك الان ان تحاول تخرطها عند مخرطه صح واذا ما نفع غيرها احتمال ان في احدها لوحة ( ميلان)
واذا سويت اللي قلتك عنها وزانت السيارة ادعلي وعلمني وش صار عليك
نسأل الله لك وللجميع لسلامة
اخوك ابو راكان

[أبوسعد 511]

الغالي أبو راكان

أسعد الله أيامك ولياليك

وابشر يالغالي بخرط الهوبات وبرد لك خبر بإذن الله تعالى

وألف ألف ألف شكر لك يالسنايدي

أخوك / أبوسعــد

[((السنياري))]

بدل الهوبات((الدسكات))+القماشات((السفايف))>الاماميه>وك اله>>عند ميزان يكون شغله ممتاز((اذامسكت البريك))

اذا ونت تمشي المساعدي ((المعاون)) الامامي حق الهيئه بدله


ونصك تمر ميزان ممتاز وتخليه يشيك على الهيئه كامله وراح يقولك شنو يبي الموتر